✳ الجزء 116 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
خلات عويناتها على صباح في الصالون شافت راسها نغطية عرفاتو هو ناضت بشوية عليها كتحك راسها مشات الكوزينة و الكلب كان ناعس حداها غير شافها ناض تبعها دارت عندو و تبسمات
يقين:فيك الجوع
الكلب(كي حرك ديلو)
يقين(قلبات على الماكلة ديالو و خرجات معاه الجردة):أجي معايا
مشات حطات ليه و هو زاد كي ياكل رجعات الحمام غسلات وجها و نشفاتو و مشات دارت الطوسط فيه الشكلاط و خرجات من تما كتسارا في القصر تشوفو كيف داير تصميم كان في شكل ولكن راقي بقات كدور تما حتى ستقرات عينيها على اصلان بقات كتشوف فيه مطولا كان واقف كيف دوك العارضين الازياء بزي اسود و غوباشة عاطياه هيبة كبيرة دورات راسها كان حداه سليمان لي حتى هو مغوبش خنزرات
يقين:اربي سلامة كيف تصاورو كيف واقعو ديما مغوبش
مشات كتمشا و كتدوي مع راسها:اما مفهمتش كيفاش سارة عايشة بيناتهم جوج وحوش واحد صعب من التاني هاااا عنداك تكون حتى هي طاحت في المشاكل بحالي كيف كنقرا في القصص لا لا مستحيل هي متحكمة في راجلها اويلي على متحكمة هو داير ليها الخاطر ما كي ضربها ما كي غوت عليها مشي كيف المسعور لي بلاني بيه الله متعرفيه واش كي دوي بصح ولا كي طنز خوفني لبارح الله يلقيها ليه هذه النهار
سكتات منين وصلات لقاعة الرياضة كان واقف كي تريني بجسمو العريض كتفان كبار و عراض منين كي هز التقل كي بانو عرق يديه و تواضرو بدون شعور گاع داك الدعاوي لي جمعات ليه لبارح و اليوم تبخرو حطات كتفها على الحيط و بقات متبعاه كيفاش كي هز التقل و يهبطو
كي تريني بمهارة كبيرة عاد فهمات هذه الصحة لي عندو ناتجة عند تدريبو كل نهار لي مكيوقفش بقات كتميل راسها كتشوف في كرشو كيفاش مطراسية حتى جات مخبوطة على الارض مع جوج عتبات مشافتهمش قلشو رجليها الفوق غوتات ربي لي خلقها
يقين:اميييي ضهريييييي سير ا سليمان بغيت ليك الگرد بسبابك طحت هذه الطيحة الناقصة
سليمان (كان جاي ليها منين سمعها شنو قالت رجع يكمل شغلو)
يقين:اااااه اوووف مي يا مي يا مي يا مي على طيحة طحتها گاع الدعاوي لي جمعت ليك لبارح خرجو فيا اليوم
سليمان(ضحك و دوا بالدارجة):باش تعرفيني شريف ولد الشرفة
يقين(دارت عندو مخنزرة):نوض المسخوط راه وقيلة تهرست
سليمان:خليك تم على طول لسانك لي تحل مكانش يحساب ليا غير كتسخني بلاصتك كنت كنقول راك خوافة
يقين:خواف هو نتا
جات تنوض ولكن تعگرات من يديها بصح حتى غوتات ناض عندها كي شوف فيها: فين
يقين:يدي يدي كضرني وقيلة تشعرات ليا
سليمان:كيفاش تشعرات
يقين:مشي وقت الشرح نوض سير جب ليا شرويطة
سليمان:هاااا شنو هذه الشرويطة
يقين(خنزرات):باندة اليد سربي
سليمان هي كتدوي شد يديها و نفضها ليها حتى غوتات عوتاني حتى دموعها دازو ليها مع عينيها هز راسو فيها و عزات عليه دوز يديه على وجها كي مسح ليها دموعها بحنان
سليمان:صافي متبكيش 5 دقائق متبقاي تحسي بوالو
يقين:يدي كضرني
سليمان:صبري و زيدون شنو جابك لهنا
يقين:كنت كنت كنت
سليمان:صافي سكت مجنونة
يقين(خنزرات فيه و نفخات يقايقها):مشي مجنونة انا
سليمان:مجنونة
يقين:بعد مني
سليمان ناض و خشا يديه تحت خصرها و ضهرها و هزها بين يديه:يالله دخلي
يقين:نزلني نمشي بوحدي
سليمان:سكتيني شوية متشوفينيش متواضع معاك تقولي نركب ليه فوق ضهرو
يقين:سارة راكبة لخوك فوق ضهرو
سليمان(حطها على الفوطاي و شاف فيها):اولا مشي راكبة ليه فوق ضهرو خويا عاطيها قيمة حيت مراتو و ام ولدو تانيا الحد الان داير معاك الخاطر الا بقيتي بحال هكذا كتسمعي الكلام و مديريش شي حاجة لي ضر عائلتي حتى انا عتشوفيني سليمان الظريف لي يهزك فوق راسو منين وليتي محسوبة عليا تالتا فيا الجوع عنطلع ندوش و انت طلبي شي حاجة من التيلي راه حداك
خلاها و طلع هي بقات كتشوف فيه مصدومة و قلبها بدا كي ضرب كيفاش محسوبة عليا معرفاش انها من لبارح ولات محسوبة عليه و مضطرة تأقلم مع الوضع الجديد حيت عتبقا متبوعة حيت شافوها مع سليمان ضنا منهم انها حبيبتو و دابا باش يحميها خاصو يرضها حبيبتو و حتى هي جات مع گانتو خوافة اه ولكن لسانها سليط و منين عرف شنو عاشت اكيد يدير مجهود و ينسيها في الماضي علاش لا يخليها تبغيه
أنت تقرأ
تتمة قسوة الضراء 🔥
Actionبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
