✳ الجزء 152 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
في رباط
حطاتها لوطو قريبا شوية الدارهم تحت طلب منها هي وصلات و هي متحمسة شافت في البواب و سلمات عليه و مشات الاسانسير ضغطات و توجهات الطابق ديالهم خرجات شانطة و وقفات قدام باب الدار و هي متحمسة حتى صونات
خرجات حفيظة فتحات الباب و حتى كتفاجاء ببنتها جات طارت عليها بتعنيقة
حفيظة:بنتي بنتي بنتي الغزالة بنتي الحنينة على سلامتك على سلامتك الغزالة ماماها زيدي زيدي
يقين(كضحك):بابا هنا
يالله كملاتها و هو يبان ليها محمد خارج من البيت مشا عندها و عنقها لقاء مكاينش بحالو نهائيا و شحال زوين تلاقاي مع وليديك كتحسي بالراحة و انت وسط اهلك و ناسك
جروها الداخل و دخل محمد كي ضحك فرحات ببنتو جلسو كي سولها و يعاود و هي كنعاود ليه على الخدمة و كيفاش لقاتها و حفيظة كتحط ليها و ضحك باين الفرحة من عينيها ببنتها
سمع محمد الله اكبر ناض الجامع و هز ماساخيش ببنتو اما حفيظة جلسات حداها و كتسولها حتى نطقات يقين حشمانة
يقين:ماما بغيت ندوي معاك
حفيظة:الله يسمعنا خبار الخير
يقين:ااا احم تعرفت على واحد تما في الشركة هو مول الشركة نيت
حفيظة(خنزرات):كيفاش مول الشركة ا بنتي ياكما
يقين(قفزات):لا لا مشي كيف يحساب ليك بالعكس هو مادي و مخلق و حس العيب متسمعيهش منو و انا انا احم انا
سكتات مهبطة راسها كتلعنو على حس العيب متسمعيهاش منو و هو فمو مخري حشاكوم كثر من كابينة مها تبسمات فرحانة و نطقات
حفيظة:واش كتبغيه
يقين(هزات راسها)
حفيظة:و هو
يقين:حتى هو و ناوي معايا المعقول
حفيظة:متأكدة نسيتي ياسين ياك
يقين(تبسمات و نطقات):باسم نزوة في حياتي اما سليمان هو حب حياتي لي بغيت نكملها معاه منين عتعرفي عليه عتشوفي الرجولة كيف كتنباعت منو درويش و داخل سوق راسو و الا جلس معاك بحال الا مجالسش نهائيا متأكدة هو بابا عيتفاهمو بزااف
حفيظة:ان شاء الله نوضي بدلي حوايجك و جي انا نوض ننصب الغدا
هزات براسها و ناضت فرحانة و كتلعن راسها قالت ليك مكتحسش ليه و هو كي نوض الزنان في الدار و هذه حال اب بنت منين كنبغي تزير راجلها قدام الناس هكدا كدير
جبدات تيلي وصيفطات ليه ميساج و حطاتو كتبدل حوايجها و هي عطير بالفرحة
أنت تقرأ
تتمة قسوة الضراء 🔥
Azioneبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
