✳ الجزء 165 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
جلسات حداها كتشوف فيها مستغربة اما يقين كتشوف في غالية و تبسم بايت عليها الويقار و امرأة مبشورة في وجها شافت فيها و سلمات عليها و تنهدات كتشم ريحة لي فيها غزالة
غالية:نوضي ا اميمة ديري كويس ديال اتاي
أميمة:هي الأولى
ناضت مشات و يقين شافت في المرة:سمحي ليا على هذه الدخلة ا خالتي
غالية:متقوليش هكذا ما شاء الله غزالة
يقين:شكرا احم انا جيت لهذه الدار حيت
جبدات ليها الرسمة:هذه الشي لي طلع ليا منين رسمتها عندي بزاف الأسئلة و كنتمنى متاخديهاش مني قلت الصواب
غالية: حاشة و لله ا بنتي قولي
يقين:بغيت نسولك واش عمركم تلف ليكم شي وليد صغير او تخطف عمرو بين 5 سنين و 6 سنين قبل 35 عام
غالية(تهزات من بلاصتها):ك ك كيفاش منين عرفتي
يقين:غير قولي ليا ا خالتي عافاك
غالية:تلف ليا وليد انا عطيتو الختي منين كان تريبة حيت كان عندها مشكل في الولادة انا سباب كون حظنت على ولدي كوراه كبر مع ختو
يقين:و هذه ختك واش عندها ولد صغير ياك و سمية الولد كي بدا بالباء
غالية:بدر ولدي بدر لي تلف لينا في السوق كنا خارجين بيهم و مشينا الجردة
يقين:بلاتي واش هذه
جبدات ليها صورة من تيلي و شافت فيها غالية هزات براسها و دموع في عينيها و وقفات كدور بالفرحة و صدمة معرفاش شنو كدير
غالية:بدر ولدي فين هو فين هو ولدي انا سباب انا فين هو برا ياك برا
سمعتها أميمة خرجات عندها كتشوف مالها لقات حالتها رجعات ليها بعد ما مدة تهدنات عليها مشات هزات الدوا و عطاتو ليها و يقين كتحاول تهدنها
يقين:تهدني ا خالتي تهدني راه بيخير و على خير مكاينش معايا هنا هو مكاينش كاين على برى مكاينش في المغرب
غالية:مكتكدبيش عليا ياك ا بنتي مكتكدبيش عليا شحال كدبو وجاو ياخدو الفلوس ولكن كان كدوب
يقين:غير تهدني ولدك بيخير و على خير راه مواقع ليه والو بالعكس غير تهدني
أميمة:واش كتدويو على بدر خويا ياك
يقين(هزات عينيها فيها):اه هو
أميمة (جلسات حدا مها معنقاها):فين هو و علاش مجاش هو وا سكان عارفنا
يقين(حركات راسها بلا):سليمان معاقل على والو دري 5 سنين في عمرو كي جيوه غير تخيلات و صافي هذو لي عاونوني نلقاكم
غالية:بغيت ندوي معاه عافاك ا بنتي
يقين(كتبكي معاها):غير يجي المغرب عندوي ليه و نقول ليه لقيت عائلتك و هو عيجي حتى العندكم
غالية:علاش ما يجيش معاك
يقين:حيت عندو خدمتو في روسيا ميقدرش يجي
غالية:اش داه لروسيا كيف دار
يقين:حتى يجي هو و يقول ليك المهم انا خاصني نمشي دابا تعطلت
غالية:لا خليك الله يرضي عليك أميمة نوضي ديري الغدا يالله
أميمة:هي الأولى
يقين:لا لا ا ختي غير خليك
غالية:سيري ا بنتي
هزات براسها و مشات و ولات شافت في يقين :مقلتيش ليا انت شنو كتجيه
يقين (تبسمات):انا احم حبيبتو معنقولش ليك خطيبتو حيت مزال ما جا الدارنا بشكل رسمي
غالية (عنقاتها كضحك):الله يا ربي حمدتك يا ربي و شكرتك عنقولها ل ختي
سمعاتها أميمة و هي تخرج:متقوليلهاش خاليها حتى تشوف خويا بيناتنا
يقين:اه انا كنت جاية نسول ولكن عرفتو معندي ما ندير
سمعات ليهم و حطات أميمة طاجين اللحم بالبرقوق على حقو و طريقو ليقين و غالية كتسول على ولدها شنو كي عجبو وكيف داير زراعتها تصاور ديالو و شحال كانت فرحانة كتشوف ولدها ولا راجل و نص مع ان جيران قالو ليها بلي غير فيدي ياسك منو راه يكون مات بقات متشبتة بداك بصيص الامل
أنت تقرأ
تتمة قسوة الضراء 🔥
Acciónبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
