✳ الجزء 142 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
الموضفة معرفات راسها باش تبلات خصوصا منين شافت اصلان و متأكدة انه عارف الوشوشات لي دايرة هنا في الشركة و زيد عليها وقفة سارة عليهم خلاتها تسل الشوكة بلا دم
موضفة:لا والو
سارة:مزيان
سارة دارت و الموضفة حلات فمها مع صحبتها هي تسمعها سارة و اصلان واقف في الاسانسير كي تسناها
موضفة:خطافة الرجال السيدة عندها ولد و طامعة في راجل عندو طليقتو و كلارا هي حبيبتو من بعدها جات قلبات الموازين كلها يخخ
سارة حتى قالت انها تنعل شيطان و هي ترجع عندها و وقفات قدامهم اصلان مسح على وجهو مصيبة طاحت فوق راسو راه معتهنى حتى تنوض ليه السكندار في الشركة
سارة(ببرودة تامة):هذا لي وصل ليك الخبار وصلها مقلوبة حيت مشي انا خطافة الرجال
(غمزاتها و هي تكمل سارة):مع انه مشي شغلك ولكن عنقول ليك
(وراتها خاتم اصلان او ضوبل ديالو عندها و عندو حيت سمعات خبار بلي الكاتب لي داير اصلان هو نفسو لي عند مرتو و ان كلارا عتولي تديه الفرق هو في نقري و هي في الدهبي ):شفتي هذا ياك
الموضفة(دورات راسها كتشوف في صبع اصلان و تشوف فيها كتلقاه نفسو هي ترعد):ااانااا انااااا سمحي ليا
سارة:منديش عليك فكرة لي دخلات ليكم كلارا الرأس راها غالطة حيت مطلقش مراتو و ام ولدو و لي هي انا واخا سيري شوفي خدمتك
الموضفة:شكرا بزاااف
مشات كتجري و سارة رجعات شافت قدامها مشات وقفات حداه و كلشي كي شوف فيها بنص عين اذن هي مراتو ولكن علاش كان بيناتهم صراع في الاول معرفوش نهائيا
طلعو الاسانسير و شاف فيها:نهيك على دجاجة تمشي لفلالس
سارة:مالي شنو درت عادي اصلا صححت ليهم الفكرة و صافي
اصلان(ضحك و دور يديه على كتفها طانز عليها):بنتي كبراااااات و دارت عقلها
سارة(ضحكات):و شنو يحساب ليك
تحل الاسانسير و جات مع سكرتيرا دايزة لحاسة الكابة لكلارا باش ضمن بلاصتها اصلان باس سارة في شفايفها قدامها و مشا البيرو ديالو و سارة شافت فيها
سارة:تبعيني
تبعاتها المكتب دخلات ليه حطات صاكها و جلسات على الكرسي و شافت فيها:جلسي
السكرتيرا(جلسات)
سارة(بكل تكبر):احم شنو ندير معاك دابا
السكرتيرا:متقطعيش ليا عيشي عافاك
سارة:و انت مدرتي فيها ما يصلاح
السكرتيرا:كلشي كي ضرب على راسو انا منين عرفت انها كتحاول تلعب بالدوسي عطيتك الخبار نيشان حيت عندي مي و ختي خدامة عليهم مبغياش نقطع رزق عيشي
سارة:مزيان و سمعيني دابا الا بغيتي تبقاي خدامة في هذه الشركة عتسمعي هضرتي و تمشي على المزاجي و ياويلك تلعبي معايا و تقولي انقولبها متنسايش انا مرات من و الا كان هو مكرحمش انا راه مزروعة فيا هذه الصفة نطردك و نضرب ليك سيفي ديالك و حتى شركة ما تقبلك مشي غير في موسكو روسيا كاملة سمعتي
السكرتيرا:اه كنواعدك جميع الاخبار سي اصلان توصلك
سارة(تكات على الكرسي):معندي ما ندير بيهم حيت كنتيق في راجلي عندي الغراض دخلي سوق راسك و تديها في خدمتك سمعتي
السكرتيرا:واخا
سارة:تقدري تمشي
ناضت فرحانة حيت معتطردهاش و هذه هي سارة مشي من نوع لي كي قطع رزق شي واحد بالعكس ولكن تهديد و الجدية في الكلام كي خلي الواحد يدير ليك ميات اعتبار دورات راسها و شافت صورة ديال ولدها و تبسمات و رجعات لخدمتها
أنت تقرأ
تتمة قسوة الضراء 🔥
Aksiبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
