✳ الجزء 158 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
اصلان قرب عندها و حط يديه على الكرسي لي جالسة عليه و كي شوف فيها هي هزات راسها فيه و كي تلاقاو عينيه زورق مع عينيها الرماضية عاد كتنتابه لوسامتو ولكن الخوف طاغي عليها مبيناتش الاعجاب ديالها ليه
اصلان:عنخليك ترجعي عندو عنرجعك منين خديتك ولكن بشرط
فيكتوريا:شنو هو
اصلان(وقف و دار يديه في جيبو):عتخدمي لصالحي دراكون متيقيش فيه ختك انا عنجيبها ليك و عتبقا عندو مقابل حتى تسالي المهم ديالك معايا عاد عناخديها هي و خوك
فيكتوريا:معيوقع ليهم والو ياك
اصلان:الا سمعتي الهضرة و الكلام ديالي معيوقع ليهم والو و الا حاولتي تلعبي من مور ضهري متلومي غير راسك
هزات فيكتوريا راسها هو خرج كي حك شعرو ركب في لوطو و سليمان كي شوف فيها تبع اصلان حتى ركب حداه و شاف في سليمان
اصلان:اش بأن ليك
سليمان:سيدة باينة طاحت فيك
اصلان(تبسم جنب):فيكتوريا بيكهام يحساب ليها مكلخ
سليمان: عرفتها بعدة شكون
اصلان:واخا بدلات وجها ولكن صوت هو هو معمرة يتنسا ليا بيلا جيتي حتى لبين يدي
سليمان:شنو عدير معاها
اصلان:عنسايرها في لعبتها لي لاعبة هي و دراكون
سليمان:كلارا مكتسوى والو قدام هذه
اصلان كي شوفها خارجة و غادا راكبة مع الگارد نزل و مشا عندها حل عليها الباب و هي كتشوف فيه مد يديه و دوز على شعرها و نطق
اصلان: الرجال ديالي عيعكيوك تيلي عتخليه معاك و منين نصوني ليك تجاوبي سمعتي
فيكتوريا:و و واخا
اصلان:و الا سولوك قولي ليهم بلي هربت حيت خفت من داكشي لي وقع و دابا رجعت نكمل على قبل ختي بغيت نرجعها
هزات ليه براسها سد الباب و مشا ركب في لوطو اما هي تبعاتو بعينيها حتى غبر في خطرة دخل لقا دري الصغير فاق من النعاس كان في عمرو 3 سنين نزل لمستواه و دوز يديه على شعرو و هو كي شوف فيه بعويناتو صغار
اصلان:قلبو على عائلة ديال الولد و وصلوه لدارهم
سليمان:اصلان الدري دراكون قتل ليه وليديه معندو حد
اصلان (هز راسو فيه مصدوم):كيفاش
سليمان(جلس على الكرسي):الدري عيمشي لدار الرعاية حيت معندو حد مو و باه ماتو و معندو عائلة لي تسول عليه كان جدو ولكن هداك كبير في العمر في السبيطار بين الحياة و الموت
اصلان(شاف لي دري عز عليه هزو بين يديه و شاف في سليمان):توصلو لمغرب لعند سارة
سليمان:انا
اصلان:اه
سليمان:واخا نيت خاصني نجلس مع يقين و نقول ليها لي كاين باش تبقا حتى نرجع
اصلان(باس دري من حنيكو سخون):طيارة دابا تمشي قبل ما توصل ديك خيتي لدراكون يالله
هز ليه براسو و هز الدري حط راسو على كتف سليمان و غمض عينيه ركبو بجوج نيشان المطار دا الدري الوجهة ديالو هي المغرب
أنت تقرأ
تتمة قسوة الضراء 🔥
Actionبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
