✳ الجزء 160 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
عند ست الحسن خرجات في الصباح بكري قضات داكشي لي خاصها تاخدو و رجعات الدار جلسات مع مها كتعاونها على شغل حتى كملو هما يجلسو كتعاود ليها على سليمان و شنو دار معاها و هي كتسمع ليها و كتمنى يكون راجل كيف قالت و يميخليهاش كيف لي دار قبل منها
دخل باها وحطو الغدا تغداو على الضحك و نشاط بيناتهم حتى كملو تجبدو ياخدو قيلولة اما يقين لبسات حوايجها باش تخرج تمشا و تشوف صحاباتها ديال الماستر كتمشى و تشوف في تيلي مصوناش ليها تنهدات و حطاتو في جيبها و كملات الطريق حتى وصلات لراس الشارع هي تحس براسها مجرورة دارت و هي تصدم جمعات تخنزيرتها اما ياسين كان كي شوف فيها بشوق وحنين و ندم كبير باين على وجهو
ياسين:يقين اخيرا لقيتك
يقين :شنو كدير هنا و شنو باغي مني
ياسين:هذه 5 شهور و انا كنقلب عليك حتى واحد ما بغا يعطيني الخبار ديالك
يقين:علاش واش كنعرفك باش تقلب عليا و على اخباري
ياسين:يقين عارف درت غلاط مستحيل تغفري ليا عليه ولكن راه والله ما الخاطري وليت كيف الحمق معايش
يقين:و انا مالي علاش كتجي تعاود ليا قصة حياتك
ياسين:يقين اجي نمشيو لقهوة ديالنا لي مولفين نجلسو فيها ندوي و نعاود ليك كلشي
يقين: راك حمقيتي انت راك واحد مزوج و هذه الوقفة لي انت واقف معايا بيها بحد داتها كتسمى خيانة ا سي حيد يديك عليا داكشي لي عندي قلتو ليك نهار عرسك
ياسين:يقين عافاك كنترجاك اكرام راه هي سباب في كلشي كنحلف ليك بالله
يقين تنرفزات و لصقة هذه حاولات تسييس معاه خصوصا منين شافت رجال ديال سليمان جايين جيهتها و هما مخنزرين مخاصها شوهة خصوصا مزال ما خرجات من الحومة
يقين:سمع ا ياسين انا و ياك ممكتابينش لبعضاتنا انا وليت مخطوبة لواحد اخر و كنبغيه و كي بغيني فسير بحالك من لهنا بلا صداع بلا مشاكل كيف انا عطيتك بالتساع حتى انا خليني عليك في تيقار طريقنا انا وياك مسدودة حيت مبقيت كنحس من جيهتك بوالو
ياسين كي شوف فيها مصدوم كيفاش كتبغي واحد اخر و مخطوبة ليه بدون شعور شدها من يديها و زير عليها تشرح ليه كلشي يالله جا ينطق كي حس بيد اخرى غليظة شداتو من يديه و زيرات عليه خلاه يفك يد يقين بلهلا يطريه ليه هزات هي راسها كتلقا سليمان واقف عليهم تبسمات ليه بدون شعور اما هو كانو عينيه قرطاس في ياسين شد يقين ودارها من مور ضهرو و شاف في ياسين مغزف
سليمان:قاااالت ليك مخطووووبة فدگ الطريق على رجليك حسن ما تمشي عليها زاحف
ياسين:و شكون انت بيني و بينها خوي السيكتور
سليمان:انا لي عينفخ مك الا ممشيتيش من لهنا تحرك
فجيهة اخرى ايمن جاي بلوطو كي دوي في تيلي حتى كي شوف ياسين و يقين و معاهم واحد اخر نزل من لوطو و مشا جر ياسين مبعدها على يقين و شاف فيه بغضب
ايمن:قلت لاصلك متقربش منها عطيها التيساع منين كتفهم منين
يقين: ايمن خليه عليك
(شافت في سليمان):يالله من لهنا
سليمان:و شكون هذا
يقين:ولد دربنا يالله عافاك
ايمن:سيري ا يقين من بعد و ندويو
ياسين:يقين بلاتي
مسمعاتش ليه مشات ركبات حدا سليمان لي مخنزر و ديمارا اما ياسين عياكل جنابو كي شوف فيه بغضب كبير دور راسو لايمن و دفعو غادي يركب في لوكو يتبعهم
أنت تقرأ
تتمة قسوة الضراء 🔥
Actionبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
