✳ الجزء 190 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل الاخير ✏
🥀 ولادة جديدة 🥀
🌸فاطمة الزهراء مبارك🌸
لابسة كسيوة صغيرة حد الركبة و شعرها مجموع ليك حتى هي قالت ليك بمقيبط على راسها مع صباط في رجيلاتها بنية في عمرها 11الشهر قربات لعام فتح الباب و دخل كي تبسم غير شافتو ناضت تعكل و تنوض مع حاشية ديال السرير توقف و تغوت
***:با با با با با
سليمان(ضحك و مشا هزها):حبيبة باااابااااا الغزالة ديالي مخلينك ليا بوحدك دوي ياسمينة بابا روح بابا
هازها فوق ضهرو و هي كطل عليه و كضحك كتحط فمها على جبهتو حتى كتحك سنانها معاه حتى كي شقلبها القدام
سليمان:ياسمين شكاديري كتعظي باباك ياك محشمتيش
سرين(مادة يديها عندو كنبغي تعنقو و كتفرنس):دا دا
سليمان(تحنا هرها كي كي ضغضغها في كرشها):ا بابا ا عمر بابا اووف اجي نشوفو ماماك شنو كدير كدخل الكوزينة مع جداتك ما ماكتخرج منها
نزل من الدروج كي ضحك مع بنتو تلاقا مع مو قربها عندو و باس ليها راسها:كيف بقيتي دابا
غالية:شوية ا ولدي
سليمان:الحمد لله شدي راحتك شي شوية
غالية:معتمشيش تشوف ختي راها كيف ما كان الحال كتبقا ***
سليمان:الوليدة الحمد لله لقيتك انت و باركة عليا أجي رتاحي انا جاي
غالية(مشات جلسات و شافت فيه):ا سليمان ا ولدي عارفة شنو دارت مع يقين نهار عرفات بلي كانت مع ولدها ولكن راها كتبقا حتى هي ام
سليمان:الوليدة هي مشي غير هانت مراتي دارتها تحت الصباط و حاملة من الفوق كرشها عند فمها و بغيتيني نرجع عندها مستحيل واخا تنطابق سماء مع الارض
غالية حنات راسها معارفة ما تقول عندو الحق نهار سليمان رجع هو و يقين من الشهر العسل لقاها حاملة بياسمين شحال فرح و فرحتو ما عطاها الحد جاب مو و ختو و راجل ختو عندو سكنو في الفيلة لي في الرباط مرة مرة كي مشي هو و يقين لروسيا يشوف اصلان في نفس الاوقت يشوف خدمتو
فكرة انه يمشي عند خالتو لي معتابراه الام ديالو كانت ديال غالية حيت كان ماحيها من بالو فرصة ان ياسين يتلاقا بيقين ماحيها نهائيا مباغيهاش تشوفو جيت غير عيخلي ديب لي في الداخل ديالو يبان واخا هاكداك زطم و مشا عندها مجموعين غير دخلو عندها ناضت تعنق و تبوس و تعاملات مع يقين كيف بنتها و كثر ياسين كانت صدمة بالنسبة ليه و مخلاش ليه سليمان الفرصة فين يقرب ليها او يتفنفن دائما صادو
ولات تجي عندهم و يمشيو عندها ولكن مكانتش ضاربين الحساب لبي اللفعة ديال اكرام سمماتها مزيان و بلي يقين هي لي كتحرش سليمان عليها حتى مكيعطيهاش وقت و مداهاش تعيش معاهم و هذه الشي لي خلاها تغوت ليها واحد النهار بسبة انها باغيا توريها شي حويجات لبنتها لي كانت يقين كرشها بانت و مشات عند حسن النية حتى كتعرض ليها مزيان و مخلات فيها غير لي نسات
🔙🔙باك 🔙🔙
كانت تورية واقفة على يقين و شافت فيها مخنزرة و قربات منها و اكرام جامعة يديها عندها كتشوف فيها و كتقلي ليها السم باغياها تخرج من هذه العائلة باش ما كان التمن و انها متسالش فيها نهائيا
تورية:من نهار عرفت انك انت لي كنتي مع ولدي و مشيتي قلبتي على ولدي بدر و خديتيه باش تقهري ياسين مزيان حيت خلاك و تزوج بلالاك ياك
يقين:مدام ترية
تورية:متنطقيش اسمي على فمك الفعة اااه انت لفعة عرفتي شنو هي لفعة فارقتي مبين جوج خوت يالله ربي رجع ليا ولدي انت سباب حياتي كلها و انا نتسنا ولدي يرجع يتجمع مع خوه و نهار لي رجع دخلات معاه لفعة مسمومة سمات ليا ولدي الصغير و تلوات على الكبير حتى هو الله ياخد فيك الحق
أنت تقرأ
تتمة قسوة الضراء 🔥
Actionبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
