✳ الجزء 184 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل الاخير ✏
🥀 ولادة جديدة 🥀
🌸فاطمة الزهراء مبارك🌸
غادة كتخنقز و هو من موراها كي موت عليها بالضحك مكانش عارف انها عتفرح حتى لهذه درجة بهذه العسل لي جات ليه هو دار يديه في يجبو و تبعها حتى وصلو الكوخ ديالهم فين عيجلسو كانو تما الناس الخدامين كي سلمو عليهم و يرحبو ليهم و زاد معاهم مرشد كي وريهم بلاصة كل حاجة عيحتاجوها و يقين كندور راسها و خاشية يديها في دراعو تبسمات منين مشا المرشد و دار عندها سليمان مبتاسم
سليمان:عجباتك المفاجأة
يقين:ممتيقاش ا سليمان
سليمان (ضحك):سيري بدلي حوايجك انا نخرج نجيب ما ناكلو صافي
يقين:واخا متعطلش
سليمان:واخا
تبسم باس راسها و خرج اما هي بقات دور هنا و هنا و تبسم غير بوحدها خدات تيلي و تصورات تصيورات لذكرى و حطاتو دخلات الحمام لي كان فاصل بينو و بين البيت بحيط من الزاج حيدات حويجاتها و دوشات و خرجات نشفات داتها و مشطات شعرها و نشفاتو مزيان لبسات دوبياس في البيض و هزات كسيوة قصيرة فوق الركبة بيضة لبساتها دارت گلوص و مسكارا فقط
شافت في السرير كان مغلف في البيض مشات الشانطة حلاتها و جبدات ايزار مطرز كلو بيض فرشاتو فوق السرير و بعدات كدور من لهنا لهنا حتى كتسمع الباب تفتح خرجات كطل لقات سليمان جايب معاه الماكلة غير هز راسو تبسم برضى قرب لعندها و باس جبينها بحب
سليمان:فيا الجوع هذه الشي لي لقيت على ما يجيبو لينا العشاء
يقين(خدات من عندو و طلات على الميكة و تبسمات):هذه الشي كامل و ملقيتيش باز
مشات الكوزينة كضحك و هو تبعها جلس على الكرسي كي شوف في گدمها الحميمر و خلخال مزينو و رجيلاتها الصغار و كي طلع حتى فخيضاتها و خصرها حك شعرو عاد دابا معيبقاش يضبط راسو حيت ولات مراتو خاصو غير يدوز ليلة لاولى ليهم و التانية لي عارفها انها كتكون اصعب ليلة حيت معدوقش غير الراس عدوقو كامل عاد من بعد معيبقاش يلقا معاها مشكل
اما يقين كانت عارفاه فاش كي فكر حقو شرعي داكشي علاش وجدات ليه راسها قبل صايبات داكشي في طبيسلات و حطاتهم مع كويسات صغار ديال الموناضة و جلسات دايرة رجل على رجل هو تقاد شافت فيه و تبسمات
يقين:فاش كتفكر
سليمان:في قلت الادب
يقين(خنزرات):كون تحشم شوية
سليمان:مالي شنو قلت عوال ن **ك
يقين(خدودها حمارو و خنزرات):و صافيييي سليماااااان
سليمان(كي ضحك):غير كنضحك كولي دابا و متفكري في والو
هزات براسها و بدأت كتاكل مرة مرة كي دويو و يتحتو على سارة اصلان و حتى وليديه و عوال يقول ليقين بلي ياسين كي كون ولد خالتو باش تكون على المحك و عارفة شنو داير بيها
أنت تقرأ
تتمة قسوة الضراء 🔥
Hành độngبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
