✳ الجزء 156 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
دورات راسها فيه عز عليها مدات يديها و مسحات ليه وجهو و نعساتو على حجرها كدوز على شعرو الربط و نطقات كاتعطيه الامان
سارة؛علاش قلتي هذه الهضرة الداخل
نصر:حيت هذه هي الحقيقة بابا معيبقاش معانا
سارة:شكون قالها ليك
نصر(هز راسو):حتى المرة لي فاتت خلاك و مشا و انت قطعتي عليه الهضرة و مبقيتيش بغيتي تدوي معاه و عنتحرم من شوفتو و معنبقاوش عائلة وحدة مجموعين
سارة(تنهدات):نصر انت راك كبير و وليتي تفهم شنو داير بيك انا و باباك متفارقناش ا ماما بالعكس الخلافات لي كانت بيناتنا حليناهم بجوج باباك بقا في روسيا حيت عندو شي شغل خاصو يكملو و عنرجعو منين عيساليه
نصر:متفارقتوش ولا كتكدبي عليا
سارة:عمرني ما مكدبت عليك
نصر:صوني ليه ندويو معاه علاش مصونيتيش ليه
سارة:باباك عندو اعداء بزاف و هو صيفطنا المغرب عند جدو حيدر باش نكونو في امان و هو عيفك المشكيل حتى واحد معارفنا هنا و هو طفى تيلي باش ميوصل لينا حد منقدروش نتواصلو معاه حتى تشوفو واقف قدامك هنا
نصر:معيخليناش ياك
سارة:لا معيخليناش
نصر(عاد رتاح):و قرايتي
سارة:عتكملها هنا كيف كنتي في روسيا دوا باباك مع عمو و جدو عيجيو ليك اساتدة و يقريوك هنا في الدار باش ميضيعش ليك العام
نصر:واخا و خدمتك
سارة(ضحكات):انا روبو
نصر ضحك و عنقها حتى عودات نطقات:عندي ليك واحد المفاجأة نصرو ديالي
نصر(هز راسو فيها):شنو هي
سارة:عيكون عندك ختك ولا خوك ان شاء الله
نصر (كيشوف فيها):بصح
سارة:اه
نصر:كيف درتو ليها انت و بابا
سارة(ضحكات):نفخ ليا في كرشي و هي تعمر
نصر(صغر عينيه):من دجاجة لي كتبيض
سارة(خرجات عينيها):منين كتجيب هذه الهضرة
نصر؛قالها ليا بابا
ضحك و ناض هارب سارة خلاها مصدومة كيفاش بابا دورات وجها و تفكرات نهار كان كي رغبو باش يعلمو يبوس هذا راه عيكبر الولد منحارف مفيهاش ضحكات و ناضت دخلات عندهم و جلسات حدا حيدر و هو دور يديه عليها عنقها
سارة:جدو كان ضروري خاصنا نجيو ها انت كتشوف نصر تأتر بزاف فلي عاشو قبل
حيدر(تنهد خاصو يحطها امام امر الواقع): المدراسة لي كي قرى فيها ولدك العدو ديال اصلان صيفط ليها لوطو فيها متفجرات فجرها تما مع الوقت لي كي خرج فيها نصر و ماتو فيها بزاف دراري الصغار
كلشي هز راسو فيه مصدوم و كمل شاف في سارة:وصلو حتى القصر و دخلو كي قلبو عليكم باش يصفيوها ليكم كل خطوة دارها اصلان لمصلاحتكم ا بنتي
سكتات كتشوف قدامها مصدومة و قلبها بدا كي ضرب بالجهد خوف عليه خصوصا انها تمنعات تواصل معاه باي شكل كان
أنت تقرأ
تتمة قسوة الضراء 🔥
Acciónبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
