✳ الجزء 194 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل الاخير ✏
🥀 ولادة جديدة 🥀
🌸فاطمة الزهراء مبارك🌸
حطو العشاء معتبر فوق الطبلة و جلسو مجموعين محمد تعرف على سليمان مزيان و ولا عندو عزيز علاش لا و هو كي شوفو كيفاش كي تعامل مع بنتو حتى نهار ولادتها نوض السكاندار في الطبيب و الفرمليات كل واحد يجب لجيه كون ما اصلان و توحيد لي هدنوه كون راهم دابا في الرودة مندمش نهائيا على موافقتو لزواجو لبنتو
اما سليمان لقا العائلة لي تحرم منها بزااف و بفضلهم ولا كي عيش وسط منهم و هنا كنقولو ان بعد العسر يسرا نحمدو الله و نشكروه على هذه النعمة
كملو و ناضو الجردة جلسو مجموعين حتى كي دور راسو و جمع تخنزيرتو منين بان ليه الكارد جاي ناض عندو لا تكون شي حاجة
سليمان:اش كاين
الكارد:واحد جوج دراري برا باغيين يشوفوك انت و مدام يقين
سليمان:شكون هذو
الكارد:واحد اسمو ايمن و التاني سي ياسين
حرك ليه راسو و مشا هو خنزر مشا الباب و خرج حيت محرم يدخل عندو شي واحد الدار دار يديه من مور ضهرو و بوقفة رجولية مخنزر فيهم
سليمان:ياك لاباس
ايمن(مد يديه):سلام سي سليمان
سليمان(مد يديه):سي ايمن اش واقع في هذه ليل
ايمن:صرحة جيت انا و ياسين بغينا ندويو معاك و مع يقين على قبل داكشي لي وقع هذه 4 سنين عارفين الخلافات لي كاينين ولكن ياسين جا بحسن نية هذه المرة حيت عرف انه عيخسر كلشي من يديه بعنادو من جيهة عائلتو
ياسين:مصدر المشاكل تهنيت منو و طلقتها هذه عام دابا
(هز راسو في ياسين):الوليدة في الطبيب و كتهتف غير باسمك و اسم يقين باغيا طلب السماحة و حتى انا جيت نطلب السماحة منكم هي عتبقا هنا بوحدها مبغاتش تمشي معايا الفرنسا و فضلات تبقا هنا و الا بقات عتبقا بوحدها في الدار و كنخاف توقع ليها شي حاجة الوليدة مشي شي وحدة لي خايبة ولكن راها تهز يقين فوق راسها هي مشكلتها كيف مشكيلتي كيف كنقولو بودينا كنتبقي اي واحد جا قال لينا شي حاجة على عائلتنا بدون ما نفكرو في العواقب حتى خسرت يقين و الوليدة خسرات ولدها لي رباتو
هز راسو في كي مسح دموعو:كنتمنى تقبلو اعتداري و تدخلو من جديد الوليدة بيناتكم
دار غادي بحالو و سليمان بقا كي شوف فيه مسح على وجهو و غوت ليه:ياسين
ياسين(دار عندو):شنو
سليمان:عيد ميلاد الاول ديال ياسمين من لهنا يوماين جيب خالتي و اجي مرحبا بيكم
ياسين(هز ليه براسو و تبسم):ان شاء الله شكرا بزااف
ايمن(ضحك حتى الودنيه و جبد من صاكو استدعاء):عرسي الشهر الجاي مرحبا بيكم
سليمان(هز ليه براسو):نجيو مبروك
ايمن تبسم و مشا تابع ياسين ميكدبش ياسين الدابا كيبغي يقين و كي موت عليها منين كي جي يشوف كي لقا سليمان يستاهل يقين كثر منو هو و حبها كي تمنى يجي النهار لي يمحيه من بالو و عقلو و يعيش مخير
أنت تقرأ
تتمة قسوة الضراء 🔥
Hành độngبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
