✳ الجزء 134 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
جالسة كتلعب بيديها و رجليها و الينا حداها كتشوف هنا و هنا كانت مخنزرة خصوصا الشخص لي واقف قدامها داير يديه من مور ضهرو كي شوف فيها مخنزر هي صرطات ريقها تزحزح شحال ما بغات الا جدودها واا يخرجو مها من عين يبرى اصلان كانت صغيرة عليه دايرة ما بغات
سليمان :شنو هذه الشي ا سارة
سارة:خطافة الرجال ا جدو شنو بغيتيني ندير نتفرج فيها مثلا
سليمان:الكوميسير لي غير شاف اسمك عيط ليا نجي راه هذه روسيا مشي المغرب
سارة:عارفة لي كاين و شنو ندير شتفزاتني براجلي و خلاتني نفقد السيطرة على راسي شنو كان خاصني ندير ليها مثلا نشطح ليها راه هي هكداك صافي هبطت امها وجها
خرج راسو بلا حولة و ناض ساخط خرج من تما داير يديه من مور ضهرو اصلان جاي في الطريق شافو خارج مشا وقف عليه
اصلان:امضرى
سليمان:خاص السيدة دير ليها التنازل باش تخرج
اصلان:انا نخرجها
سليمان:سمعني ا ولدي راه معندك ما دير لها خاصك تخرج خاص لخرى تنازل عليها انا و مقديتش نخرجها
اصلان(مسح على وجهو):بغيت نشوفها
سليمان:دخل
هز ليه براسو و دخل عندها سارة هزات راسها فيه و ولات شافت قدامها مشا جلس مقابل معاها و كي شوف فيها سارة خنزرات
سارة:مالك
اصلان:بغيت غير ا سارة معديريش عقلك
سارة:هذه الهضرة كدخل من ودن و تخرج ليا من ودن
اصلان(ناض وقف و مشا تقابل معاها):فراسك الا متنازلاتش ليك راه معندناش كيفاش نخرجوك
سارة(شافت فيه و وقفات مخنزرة):مدرتش شي حاجة لي نتعاقب عليها هي لي دعات ليا على ولدي بالموت و الا مكنتش نحط عليها يدي ندوز ليها كلشي ا اصلان الا ولدي ناكلها بسناني و نزطم عليها برجلي حيت لي فكر يقيص ولو شعرة منو نقتلو و نمشي عليه الحبس ا اصلاااان الحبس
اصلان كي شوف فيها دمو كي فور من لي سمع هو براسو كان يقتلها دور يديه على عنقها و جرها عند صدرو معنقها و نطق
اصلان:عارف وعد حر ا حبيبتي ما تبقا فيها اول حاجة تخرجي من لهنا و ديك الساعة نفرجك فيها
سارة(هزات فيه راسها):سمح ليا
اصلان(تبسم):عندوي معاهم يخليوك فشي بيرو متمشيش السيلون
سارة:واخا
دار خارج و هو يرجع عندها خدا شفايفها بين شفايفو بلطف باسها و بعد خرج على برا تلاقات مع سليمان قال ليه كون هاني و خرج نيشان المشفى فين كاينة كلارا
أنت تقرأ
تتمة قسوة الضراء 🔥
Actionبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
