✳ الجزء 176 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل الاخير ✏
🥀 ولادة جديدة 🥀
🌸فاطمة الزهراء مبارك🌸
سليمان دار عندها كي شوف مرأة كبيرة في العمر واقفة لابسة الفواطة على خصرها ببيجامتها المغربية مكفضة على درعاتها و سبنية حياتي على راسها و شوية الزغب بيض خارج
قلبو بدا كي ضرب بالجهد و يقين شافت فيه ساهي عرفاتو مصدوم مسحات عينيها واخا كي وليو يطيحو و نطقات منغنغة
يقين:سليمان هذه هي ماماك لالة غالية
سليمان قرب عندها و هي غالية دموعها خانوها حتى طاحت مسكينة على طولتها ملوية سليمان مشا تحنا عندها و كي قلب فيها خرجات أميمة على صوت الطيحة و شي واحد مع مها و يقين قربات
أميمة:يقين مالها مي و شكون هذا
سليمان(شاف في يقين):نديوها لطبيب ياك عتكون وقعات ليها شي حاجة مي مي حلي عينيك
أميمة (تصدمات بقات غير كتشوف)
يقين:سليمان هزها دخلها الداخل ختي جيبي ليها الماء راه غير صخفات سربي
هزات براسها و مشات و سليمان هزها و دخلها الداخل و سدات الباب يقين و تبعاتو حطها على سداري و بدا كي طبطب عليها لي وجها أميمة جابت الماء و رشاتو ليها على وجها حتى حلات راسها مطفوجة لا تكون كتحلم حتى كتشوف سليمان واقف عند راسها معنقها و كي فيقها عاد تواعات و بدات تبكي
غالية:ولدي ولدي الغالي ولدي بدر ولدي
أميمة حاطة يديها على فمها كتبكي يقين حداها وكانت قل منها كيت فعلا هذه المنضر يبكي اي واحد واخا يكون قلبو حجرة اما سليمان عنقها و كي شم ريحتها و يبوس شعرها
غالية:سامحني اولدي سامحني انا سباب كون حظنت عليك و درتك تحت جناحي مضيعش مني سامحني الله يرضي عليك
سليمان(كي بوس ليها راسها و عينيه حومر): متقوليش هكذا الحمد لله ها انا رجع
غالية:سمح ليا الله يرضي عليك سمح ليا
(بعدات و شدات ليه وجهو و كتفحصو): خليني نشوفك خليني نشبع منك ولدي الغزال ماشاء الله راجل تبرك الله راجل راجل ولدي
سليمان(كي بوس يديها و يمسح عينيها):الله يطول في عمرك
غالية(هزات راسها في أميمة):ولدي هذا ا اميمة خوك خوك الكبير رجع شفتي كنت كنقولها ليكم ولدي مزال عايش و كي تنفس ولدي عيجي النهار لي عيرجع ليه قلتها ليكم و حتى واحد ما تيقني ولدي هذا ولدي
سليمان هز راسو لقا أميمة كتبكي و غير يقين لي شاداها لا طيح ناض عندها هزات راسها فيه و هو يجرها عنقها هي تخشات وسط من درعانو و عطاتها البكا و مشي اي بكا بكاء الصدمة و الفرحة و الراحة غالية شافت في يقين و ناضت عنقاتها خيرها معمرها تنساه و هي بنتها كيف أميمة جلسو و هي معنقة ولدها كتسولو و تعاود
سليمان بدا كي عاود ليها فين كان و شنو دار و معاودش ليها شنو داز عليه بالعكس حتى يقين فهماتو بغا يعاود ليها غير الحاجة الخايبة عكسها هي لي عاود ليها كلشي و مخبا عليها والو حيت عتكون مراتو منين كمل حلفات غالية ما ترخيه
غالية:عتبقا هنا وسط ختك معتمشي فين بقا معايا
سليمان(باس يديها):في العشية عندي نهار كبير و بغيتك انت و ختي تكونو فيه اليوم عنظي الخطبة ديالي مع يقين و خاصني مي تحظر ليها
غالية(حطات يديها على قلبها):واش بصح اولدي
سليمان(هز براسو):اه ا مي
غالية (شافت في يقين لي خدودها عطرطقو بالحشمة):نجي نجي اوليدي تجي
أميمة:من لهنا نقول ليكم دفوع مرات خويا من دار باه تخرج مصوقيش ا
يقين(ضحكات):غادا العرس حتى هو
غالية:جمعتو كلشي في خطرة ولكن مخساراش فيك ا بنتي راك بنت الناس
أميمة:عنقولوها لخالتي أجي
غالية:لا هي سباب في ولدي حتى ضاع لا معتمشيش نخاف توقع شي حاجة في العرس لا
يقين:نخليكم دابا خاصني نمشي يالله نوجد راسي
سليمان:انا نوصلك
هزات براسها وقف سلم عليهم و قال ليهم عيرجع في العشية مع خوه و مراتو و كلشي واجد و حتى هما عيكون وصلهم كلشي خرجو كترضي عليهم و دخلو اما هما ركبو في لوطو و غادي فرحانين
أنت تقرأ
تتمة قسوة الضراء 🔥
Acciónبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
