تتمة قسوة الضراء 🔥

✳ الجزء 168 ✳ ♥ســـــــــــــارة اصــــــــــــــلان♥

         ✳ الجزء 168 ✳

   ♥ســـــــــــــارة اصــــــــــــــلان♥

             🔥 قسوة الضراء 🔥

             ✏ الفصل التاني ✏

            ⚡ شرارة الانتقام ⚡

🌸فاطمة الزهراء مبارك🌸

بعد مدة قبل ما يخرج ليهم الباسبور ناض كل من سليمان و اصلان دخلو لقاعة الاستجواب دورو راسهم كي بان ليهم گارد داير النضاضر على عينيه تبسم و شاف اصلان في سليمان لي دخل عندو دراكون هز راسو فيه و بدا كي ضحك كيف داك الحمق

سليمان:عرفتي تمنيت نشوفك هنا ولكن موالماتنيش
دراكون:عنخرج كيف دخلت
سليمان:توء توء توء عرفتي شكون لي برا
دراكون(شاف في زاجة):سيميون فين هو آذار
سليمان(هز راسو في الكارد و تبسم):ميهمش فين هو

جبد آذار الشوكة من الصمطة و دگها لدراكون في البلاصة بدا كي تخبط و الكشكوشة خارجة ليه من فمو خرجو بجوج من تما و مشاو المكتب لعند سليمان تبسم ليهم و مد ليهم ب 3 الدوسي ديالهم و الباسبور

سليمان:مبروك عليكم الدوسي ديالكم ولا نقي
اصلان(تبسم و خداه):شكرا
اذار؛دابا نقدر نتحرك كيف بغيت حتى حد ما يشدني
سليمان:اه
سليمان(تبسم ليه):شكرا بزاف ا سي سليمان
اصلان:خاصنا نمشيو عائلتي كتسناني

هز ليه براسو و خرجو ب 3 ضاحكين و كيف حلف اصلان لاذار عيتخليه ينتاقم راسو من دراكون حيت كان ناوي يغتاصبو يالله وصلو الباب كي سمعو القيامة نايضة الداخل خرجو الموضفين منهم كاملين هازين سلاح عليهم ب 3 هزو يديهم اما واحد سليمان كان كي فور وقف عليهم و شاف فيهم

سليمان:عطيتكم واعد و انتما خلفتوه علاااش قتلتوه اااه
اصلان(مشا وقف قدام عينيه):فايت قلتها لسي حيدر بيني و بينو حساب و خدمتي مكنبغيش نخليها في طريق
سليمان:انتوما عتكونو رهن الاعتقال بسباب موت اكبر مافيوزي
اصلان(تبسم):كاين شي دليل
سليمان:مع ان دوسي ديالكم ولا نقي رجعتو وصختوه
اصلان(شاف في توحيد لي لور و تبسم): بالعكس تماما
توحيد: جدي راه دوصيهم نقي و منقدروش نعتاقلوهم

سليمان شاف فيه و شاف في اصلان عرف القضية مطبوخة بيناتهم كاملين اما اصلان تبسم و رجع ركب كي شوف في توحيد لي هز ليه براسو و شدو طريق نيشان المطار اصلان كي حك شفايفو و كي تفكر كلامو مع توحيد انه باغي يصفيها ليه باش يتهنا و خاصو طريقة حيت الاقتلو من بعد ما خرجو وراق ديالو بلي دوسي تنقى ليه عيتشد بعد ما خدا المشاورة من عند حيدر قدر يعاونو و يصفيها ليه قبل ب دقيقة ما يخرج الوراق ديالو و هكدا كاسقط جميع التهم لي عليه واخا يالله قتلو ب دقيقة

و هكدا كيكون سلاو الانتقام ديالهم و شرارة ديالو طفات ليهم و فصل ديالنا التاني شرارة الانتقام سلات و هذه عتكون بداية جديدة لفصل جديد و الاخير حياة جديدة لابطالنا لي عتولد فيها مشاعر و فرحة اخرى بالنسبة ليهم الهم لي تقاتلوا عليه هذه 8 سنين ها الوقت سلا و جا وقت جديد و احدات جديدة