✳ الجزء 140 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
فاقت كتكسل حطات يديها على وجها مبتاسمة من ليلة لبارح اصلا هكدا كتكون في كل ليلة دورات راسها ملقاتوش فهمات انه مشا عند نصر يفيقو ناضت دخلات الحمام طلقات الما و تخشات تحت الرشاش تاخد ليها دوش مخير هو هداك عاد خرجات مشات نيشان الدريسينغ ختارت ما تلبس و خرجات
هبطات من الدروج لابسة كوستيم كلاص كانت كتبان امرأة ناضجة لي شافها يهبل عليها مع شعرها الطويل طايح على كتافها ميقولش هذه ام لطفل في عمر 7 سنوات وصلات الصالة كتسمع صداع الضحك منين و منين من كول جيهة و طريق خصوصا كلام اصلان خلاها تعقد غوباشتها لودها خلاه تعرف انه عيطلعو منحاريف كيفو
اصلان:مشي هكدا ا صاحبي
نصر:شوف هذه
اصلان(مد يديه زعمة واخا ضرب):هانا
نصر(ضربو ليديه): شفتي جدو عهد علمني
اصلان(هزو كي ضحك):والله يا بوك الكلب ما انت ساهل
نصر:و علمني نبوس
اصلان( ضحك عليه):بقا لوالديك غير البوسان
نصر:نااااح علمني
اصلان(فكر):خاصنا شي وحدة تعلم فيها بلحق بلا خبار ماماك.صافي
نصر:صافي تافقتا
سارة(بانفعال):مبان ليك ما تعلمو غير المسخ
اصلان(دار عندها و تبسم):خليه يتعلم من الصغر
سارة:ديك الساعة كون جلستيه لبارح معانا
نصر(مشا كي جري الطبلة خلاهم)
اصلان:مالك ا سارة
سارة:شوف انت
اصلان عرفها تقلقات و رجعات سارة المفشة ديال شحال هذه معاه مشا عندها و حاوط خصرها و باسها في عنقها كيف كان موالف كي دير معاها كل صباح عاد ضحكات
سارة:صافي رصى رجعت كنتهر من تما
اصلان(ضحك):اوا هاكداك يالله نفطرو
شد يديها و مشاو جلسو على طبلة و بداو الفطور ديالهم نصر كي هز ياكل بكل اذب اصلان ملاحظ شحال من حاجة و تبسم عليها سارة رباتو و كانت معاه كيف الراجل و هو محاظرش و هذه الشي زاد كبرها في عينيه كانت معاه ام.و اخت و اخ و اب و كلشي في هذه الدنيا حتى من تربيتو عرفات كيفاش تقسم و كل واحد عندو حقو في المحبة منين سلاو ناض هز ولدو و شاف فيها
اصلان:عتمشي لشركة
سارة:اه
اصلان:مدابزيش الله يرضي عليك
سارة(شافت فيه):الا بقات فيك سير عندها لسبيطار
اصلان (تنهد):و بااااز راه داوي معاك بصح بلا دباز
سارة:صافي واخا
اصلان:ساااارة بنتي الغزالة بلا ما نوصي
سارة:صافي كون هاني دويت
تحنا باس ليها راسها و خرج مع ولدو يوصلو المدراسة اما هي دارت ابتسامة عرييييضة و ناضت هزات صاكها و خرجات مشات اقرب بوتيك كي بيع الورد خدات بوكي و توجهات المشفى مكدبوش لي قالو تقتل الميت و تمشي في جنازتو
أنت تقرأ
تتمة قسوة الضراء 🔥
Aksiyonبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
