تتمة قسوة الضراء 🔥

✳ الجزء 170 ✳ ♥ســـــــــــــارة اصــــــــــــــلان♥

         ✳ الجزء 170 ✳

   ♥ســـــــــــــارة اصــــــــــــــلان♥

             🔥 قسوة الضراء 🔥

             ✏ الفصل الاخير ✏

             🥀 ولادة جديدة 🥀

🌸فاطمة الزهراء مبارك🌸

قبل ما توصل للارض كان اصلان صبقها و شدها لا طيح گاع ديك الطاقة لي كانت جامعة هذه 5 شهور تلاشاو دابا و دموعها غير ما كي زيدو يطيحو الخوف لي كانت جامعاه رجع عليها و الاحساس لي كانت حاساه انه ممكن يوقع ليه شي حاجة ولا عليها يعني جمعات كلشي

اما اصلان عنقها و مخليها كتبكي و تفرغ حيت حاس بيها و لي زاد تبت ليه هي داتها لي سخفانة عليها جلس حداها و تكا على الحيط و متكيها عليه كي دوز على ضهرها و هي شادة في تيشورت ديالو و كتبكي احساس هذه الاحساس معيعرفوه و يجربوه غير لي رجالهم في العسكر و كي كونو منهم الحرب يا يعيش يا يموت

اصلان(بهمس):شششش سارة انا حداك دابا

سارة:خفت عليك بزاف ا اصلان خفتك مترجعش خفتك تخلينا خفتك تسمح فينا و تمشي خفتك تعطينا بضهرك احساس انك كل نهار تفيق و تشوف في تيلي و تنزل التحت خايفة انك تسمعي شي حاجة على راجلك واش وقعات ليه شي حاجة خايب احساس انني نشوف حيد يهز تيلي و يدوي فيه خايب بزاف منين كي قطع كنقول دابا عيقول ليا شي خبار خايبة عليك دابا عقولو ليا راجلك  وقعات ليه شي حاجة وليت عايشة وسط خوف اكثر 5 شهور دوزتهم في جحيم ا اصلان

اصلان كي سمع ليها و هي كتخوي قلبها كي تالم و هو كي سمع منها شنو لي كان خالعها زاد زير عليها و باسها في راسها و تبسم بحب هز ليها راسها و هزات عويناتها كي بريو بالكل حب نطق

اصلان:و انا حداك دابا صحيح فصيح مفيا والو الحمد لله متقاصيتش و متأديتش كلشي بفضل الله ا سارة و كيف واعدتك رجعت ليك و لولدنا
سارة:ولادنا
اصلان(كي شوفها خنزرات و ضحك):ولادنا
سارة:حليتي كلشي معتوليش تخلينا صافي
اصلان(بهمس):كلشي
سارة:معتمشيش و خلينا عوتاني ياك
اصلان:توء دابا الحمد لله نقدرو نعيشو كاي عائلة دوسي ديالي نقي مفيه والو و حياتي نقية عندي شريكتي و داري و جوج وليدات و التالتة جاية في الطريق
سارة:باش عرفتي بنت
اصلان:من نهار هزوك لسبيطار صخفانة و تما عرفت
سارة:كلشي كي وصلك علينا
اصلان:كلشي
سارة(كتبكي في صمت):الحمد لله على سلامتك
اصلان:الحمد لله

بقا معنقها و صمت سيد الموقف كتحس بيه كي دوز يديه على كرشها بحنان فرحان باين عليه حتى تفكرات هزات راسها مخنزرة

سارة:كلارا شنو درتي معاها
اصلان(شاف فيها):حتى نرجعو و ندير ديك الساعة كانو عندي مشاكل كبر منها
سارة:خليني انا ندير عافاك

كي شوف ابتسامتها كيفاش وساعت خنزر كيفاش هذه ياك كانت كتبكي ضحك عليها و جارها عندو من راسها كي بوسها بالجهد حتى هي دورات يديها على عنقو سمحات ليه يدير لي بغا بحب و حنان حيت توحشاتو ما بعد غير ب 66 كشيفة

سارة(هزات راسها فيه):فين عنستقرو
اصلان:في روسيا
سارة(هزات براسها):واخا
اصلان:نوضي يالله نزلو ضحكي غادا خاصنا نمشيو نخطبو لسليمان و بعد غادا العرس و عيدي يقين لشهر العسل 

ضحكات سارة عليه و عرفاتو جاي مزروب و نيت صيف هو هذا توحشات العراسات