✳ الجزء 150 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
عند سارة لي سمانة و اصلان كي حاول يقنعها تمشي هي و نصر المغرب و تبقا في قصر حيدر بزز باش وافقات ليه وقفات كتمشط شعرها و هو خرج كي لبس جاكيت ديالو دور راسو بانو ليه يعينها حومر بالبكا بقا فيه اما هي عارفاه دابا راه داخل الحرب مشي ساهلة لا عليه لا عليها قرب عندها و دور يديها على خصرها و جرها كي شوف انعكاسها في المراية تبسم ليها كي طمنها بعينيه
اصلان:ششش صافي سيمانة و انت مطيبة دوك العوينات
سارة:حاسة بنفسي مخنوقة
اصلان:متخافيش عليا ان شاء الله معيوقع غير الخير دراكون عرفت بلاصتو و ليو عنعيشو في جحيم و عنجيبك نعيشو هانيين بلا صداع ولا مشاكل
سارة(دارت عندو):معيوقع ليك والو
اصلان:منواعدكش ولكن نرد البال لراسي
سارة(عنقاتو و دموع في عويناتها):متخليناش حنا محتاجين ليك بزااف
اصلان؛و هذه الشي كامل على قبلكم
هزات راسها فيه و تبسمات ليه وقلبها ميعلم بيه غير الله:ياريت كون عتودتي ليا هذه الشي من قبل كون عرفت شنو واقع و وقفت معاك ولا ديك الفضيحة لي كنت دايرة معاك
اصلان:كنت عنشرح ليك كلشي ولكن مكتابش و ها دابا كلشي تبدل و انت قلبك كي تقطع عارف و حاس ولكن خليها في يد الله تفكري غير جدك لي رجع الجداتك و ماماك و عمامك و عمتك بيخير
سارة:اصلا هذه الشي لي مصبرني
اصلان:و حتى انا هذه الشي لي بغيت
تبسمات و طلعات على قرون رجليها و باستو في شفايفو هو زاد خشاها فيه و كي قبل فيها بحب كبير ما تهناو حتى سمعو الدقان في الباب و غوات نصر
نصر:ماما سربي بغيت نشمي نشوف عميمو علي سربي
قالها و هرب التحت نزل الكارد بعدو و نزلو ركبو في لوطو ديمارا شاد طريق المطار في طريق سارة وصلها ايميل فتحاتو و زيرات على تيلي بفرحة حتى شاف فيها اصلان
اصلان:مالك
سارة:غير الخدمة انت متديهاش في ديك كلارا و ديك قزيبة الدجاجة لي مصيفطها معانا مالها ا خويا حتى في عطلتي ما نتهنا راه عنجلس عليها
نصر(ضحك):جلسات على الكرسي وهراست ليه رجلو و خالو توحيد تابعها في ديك القزيبة و حال فمو
سارة(دارت عندو):اويليييي ا نصر منين كتجيب هذه الهضرة
اصلان(شاف فيه من المراية و غوت):ولد بااااك ولد باك انا غير لي ينزل و ياكل حسك الكلب طالع لياااااا الله يرضي على والديك الكلب
نصر ضحك و سارة شافت قدامها حتل وصلو المطار نزلات و عنقاتو تسالمو معاهم و طلعو الطائرة وصا عليها اصلان مزيان و شاف بدات كتقلع تبسم منين شاف نمرة سارة في تيلي جاوب في ساع
اصلان:نسيتي شي حاجة
سارة:نسيت نقول ليك حنا دابا غادي 3 الناس مشي غير جوج
اصلان(عقد غوباشتو):مفهمتش
سارة:غادين انا و نصر و
(تبسمات بحب كتشوف في كرشها):و بيبي صغير في كرشي لي عارف باباه عيرجع ليهم بسلامة ياك ا بابي
اصلان كي سمع ليها و هو مصدوم قلبو كي ضرب و زير على تيلي و نطق:ان شاء الله بادن الله عنتجمعو جميع ا بابي كنبغيكم بزااف
قطع و خشا تيلي في يديه سليمان شاف فيه:مالك
اصلان:سارة حاملة
سليمان(تبسم):مبروك
(شاف فيه):خاصنا نساليو هذه الشي و ناخدو لي كي لغيونا حدانا
اصلان:ناخدوهم
سليمان:ناخدوهم
شافو في بعضياتهم و كلها مشا لوطو ديالو و الوجهة معينة ديالو كلهم عزيمة يساليو هذه اللعب ضغيا
أنت تقرأ
تتمة قسوة الضراء 🔥
Acciónبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
