✳ الجزء 183 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل الاخير ✏
🥀 ولادة جديدة 🥀
🌸فاطمة الزهراء مبارك🌸
بعد ما مشاو الاوطيل بدلو و خرجو نيشان الطائرة لي كتسناهم طلعو ليها و حلقات لمدة طويلة حتى نعسو بجوج
داز الوقت و هي ناعسة حاطة راسها على صدرو و هو مرة مرة يطل عليها منين فاق مزال ما متيقش بلي صافي ولات مراتو شحال كان يحلم بهذه النهار لي يتلاقا مع بنت الناس و ياسس معاها حيتو لي تكون زوجة و ام مثالية لي تربي ليه ولادو في عز تفكيرو شافها تنخشات فيه كتقلب على الدفء كثر في حظنو حتى بدأت تحل عويناتها و شافت فيه و دوات بصوت هامس غالب عليه النعاس
يقين:مزال ما وصلنا
سليمان(باسها في شفايفها):مزال ا حبيبة
يقين:شحال باقي لينا
سليمان:ساعة تقريبا
يقين(خشات راسها في عتقو و بدأت تهرنن): انننن بزاف 24 ساعة و حنا في السماء داك البيلوط مسكين يكون عيا
سليمان:باش عرفتي
يقين:انا عييت غير بالنعاس و هو لي كي طير بينا
سليمان(ضحك):ياك انت بغيتي تمشي لملديف
يقين(تبسمات):اه شنو موجد ليا تما
سليمان:ندوزو شهر ديال العسل في عسل العسل ديالي
يقين:امممم شنو اخر
سليمان:كتعرفي تعومي بعدة باك
يقين(ضحكات):الا مكنتش نعرف علمني
سليمان:نعلمك علاش لا شحال عندي من يقين انا غير وحدة
يقين(بعدات):اجي بعدة شكون هذيك لي انت مصور معاها
سليمان(شاف كيفاش تبدلات):شكون
يقين ناضت شعرها مشعكك شافت تيلي ديالها تلاحت من حداه و خداتو من الكوافوز و جلسات فوق كرشو كتقلب هو كي شوف فيها حتى كملات و جبدات الصورة
يقين:شكون هذه السلگوطة لي انت مصور معاها دوي شوف شوف كيف دايرة اش عجبك فيها
سليمان(ضحك):هذه نتاشا وحدة من البنات كنت مصاحب معاهم
يقين:قول ليا ق حب ة منفوخصة الصدر مطرمة غير بعمليات التجميل
سليمان كي شوف فيها ولات كتدوي بحالو مكاين حتى فرق تبسم و حط يديه على على خصرها كي دوز يديه و هي كتشوف فيه ببتسامة معمرو دارها هو حط يديه على لحمها البيض من غير الا باسها اما دابا راها مراتو و حلالو هبطات عندو و خشات راسها في عنقو
سليمان:ماضي دفناه من مورانا دابا انا ديالك وانت ديالي
يقين:عرفتي كون درتيها بصح ا سليمان و خليتيني و مشيتي لوحدة اخرى شنو كنت عندير
سليمان:شنو
يقين(هزات عينيها):نقتلك
سليمان(كي شوف فيها)؛اي اي اي حتى لهذه الدرجة
يقين:اه
سليمان:باش عتقتليني مثلا بهذه ليديدات
(هز يدها باسها):ميصلاحوش يقتلو شي حد داكشي ديال القتيل خليه ليا انا انت هذه ليديدات خليهم غير لدارك و وليداتك لي خليك تعاونيني نسجهم
يقين خنزرات فيه:مكتحشمش
(وجها تبشر منين بقات كتشوف فيه و هو مخنزر):عادي عادي منك تعلمت عرفتي شحال كتجي بوكوص و انت كتدوي بجدية في العرس منين دوا معاك بابا كنتي كتدوي بجدية كبيرة
سليمان:بغيتيني ندوي معاك بجدية و نكون قاصح
يقين(كتبعب في صدرو):توووء كلك زوين و حلو و بگوص أاح و لاااا شنو سخنتي ولا مالك
سليمان(ضحك):لحد الان مزال ضابط راسي حتى نوصلو و ترتاحي و ديك الساعة عاد تكون هضرة أخرى
يقين:زعمة مكناترش فيك دابا حتى هذه الدرجة
سليمان(خنزر و رفع صوتو شوية):شنو حساب ليك انا مكبوث مزوج بيك غير على سيكس ولا
يقين(خلعها):مقلتش هكدا ا سليمان اصلا عادي هذا حقك و حقي مقلت والو علاش غوتي عليا
سليمان(تبسم):باش تجمعي نوضي يالله ناكلو راه دازت نص ساعة غير في الهضرة يالله
ناضت بشوية عليها و زادت هو من موراها معنقها دافن راسو في عنقها وصلو الطبلة لقاو الماكلة محطوطة سخونة جلسها على حجرو كي لعب بخصلات شعرها و يوكلها بيديه حتى هي بالمثل كتلعب في خدو و لحيتو و توكلو
شدو اماكنهم و ستعدات الطائرة بالهبوط و منين نزلو كانت المفاجأة ليقين انها عدوز شهر العسل ديالها بجزر المالديف
أنت تقرأ
تتمة قسوة الضراء 🔥
Hành độngبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
