✳ الجزء 122 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
رجعات لدار مصدومة كتبكي من لي قال ليها فعلا ضراتها واخا مكتحس بوالو من جيهتو او جلسات على الكنابي و جمعات عندها رجليها قلبها كي ضرب في 90 و باغيا شي حال تشرح ليه بلي مكيهمهاش مبقاش كيعني ليها ولكن شكون يكون هذه سليمان لي تشرح ليه
افكار تديها و تجيبها في الاخير ناضت جمعات الوقفة شافو في الساعة كانت 9 الصباح دخلات لبسات حوايجها و خرجات من الدار لابسة جاكيت و غادا طالقة رجليه فين ما داتها المهم تمشى وصلات لواحد الجردة و جلسات فيها كتشوف في الدراري الصغار كي لعبو و يجريو حطات راسها من جنب و ببتسامة مقابلاهم تنهدات حتى جا صورة ديال سليمان قدام عينيها نفضاتها
يقين:علاش كنفكر فيه انا تفووو هو قال ليا انني عطاني كتر من وقتي اووف خرج خرج من بالي
بقات تضرب رأسها و تهضر غير بوحدها منين هزاتو لقات كلشي كي شوف فيها يحساب ليهم حمقة خنزرات و ناضت من حداهم هاربة
وصلات الشارع و شدات طاكسي لعند قصر ديال سارة و اصلان و بالها مشي معاها جوج كلمات قال ليها سليمان خلاها تفكر فيه بدون ما تعرف بعد مسافة الطريق وصلات و نزلات دخلات الداخل لقاتهم جالسين كي فطرو نصر شافها و ناض عندها ولات عندو عزيزة عليه بزاف
نصر:جيتي
يقين:اه جيت
نصر(شاف في باه):انا عنمشي مع بابا لاصال خسارة معنبقاش معاك ولكن في العشية عتكوني
يقين(عينيها كتقلب في القصر شافت فيه و ضحكات):اه
نصر:يبييييي
اصلان(شاف في سارة):انا مشي يالله ا نصر
داز من حداها و هز ليها براسو و هي حنات سارة شافت فيها و تبسمات:أجي جلسي مالك واقفة
سارة(مشات جلسات و سارة كبات ليها القهوة):قلت معتجيش كيف ديما
يقين:ها لا مكنتش عنحي
سارة:مالك
يقين:والو
سارة(تبسمات):سليمان خرج صباح بكري محاس عندك
يقين(حنات راسها كتاكل و ولات شافت فيه): بغيت نسولك عليك
سارة:سولي
يقين:سليمان في حياتو شي وحدة عمرو بغا
سارة:علاش كتسولي
يقين:من باب الفضول
سارة:معرفتش ولكن حد علمي حاط العين على شي وحدة ناوي معاها المعقول
يقين:و هذه الوحدة كيف دايرة
سارة(تبسمات دارت ما فراسها خبار و بغات تلعب ليها على اعصابها): زوينة نقية حتى انها خدامة معانا راك شفتيها على ما اضن
يقين:شكون
سارة:هداي عليا منقدرش نقول ليك
يقين(سكتات شحال و ولات دوات):ولكن هذه البنت قابلة عليه يعني كي دوي معاها
سارة:سليمان و اصلان بحال بحال متعرفي شنو تحت راسهم ولكن سليمان الا بغا شي وحدة كي طيح فيها بصح فمعيمشي حتى ياخدها اما الا دارت معاه ديفو ولو يكون مشي يقصدها ميبقاش يشمها ولا يقرب ليها
يقين تقرصات من كلامها سكتات مجاوبتهاش اما سارة منين كان سليمان داخل هي في الكوزينة لمحات الورد و هو طلع مشات شافت لقات فيه كرطة فيها يقين تما عرفاتو باغيها و يقين باين عليها معاطياهش اهتمام و خاصها توقف معاه هو و تبسم ليقين ان سليمان الا مشا من يديها عتكون ضيعات اكثر انسان بغاها على وجه الارض حيت النوع لي بحال اصلان و سليمان معندهمش ديك الفكرة الحب و تسمح فيه و يغبرو كي عرفو حاجة وحدة يا معاه يا الموت
أنت تقرأ
تتمة قسوة الضراء 🔥
Hành độngبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
