✳ الجزء 164 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
مبعيدش عليها بزاف القلب لي خايف على حبيبو لي غاب حتى هي تماما الفرق انه هو مربطهاش بيه نهائيا 5 شهور دازت كل صباح و كل ليلة يا تفيق يا تنعس كتهز تيلي على أمل انها تلقا رسالة منو لي ترتح قلبها و تزول عليها غمامة لي على عينيها من بحر الدموع
ناضت من بلاصتها كيف العادة هزات المذكرة لي عطاها و تنهدات كل صباح تخرج و تقلب في كل بلاصة كي تفكرها كي كتبها و من زهرها كانت في الرباط تنهدات لبسات حوايجها و مشطات شعرها جامعه كود شوفال و خشات المذكرة في الصاكها هزات ملف و خرجات من تما و كيف ديما مصطانعة الابتسامة سلمات على وليديها و جلسات تفطر
محمد:اليوم غير السبت ا بنتي عتخدميه دائما
يقين:خاصني نسالي خدمتي ا بابا
محمد:ياخوفي تكوني مخبية عليا شي حاجة واش واقعة شي حاجة في الخدمة
يقين:ياك دويتي مع عمي دريس و قال ليك صايفطوها على قبل شي خدمة اذن صافي بلا ما تخاف
مكاين والو
حفيظة:فطري ا بنتي باش متعطليش
يقين:واخا ا ماما
خدات كتفطر و دماغها كي غيب بعد المرات منين سلات سلمات عليهم و خرجات ركبات في لوطو لي عطاها سليمان و زادت اما بعيد عليها شوية ولا ياسين غير مراقبها ولكن لي مقدرش يقرب فيها منها هي هو انها عليها حراسة مشددة عرف ان السيد يديه طويلة و صعيب يقرب عليها كتفى غير يراقبها من بعيد نسا حياتو و مشاغيلو ولات هي متمركزة كل تفكيرو
اما واحد اكرام منين عرفات ان يقين رجعات محلات بالعمى عرفات ان ياسين عيطلقها و هذه مفيهاش الشك حيت منين عرفها رحعات ولا غير كي تصاب و يتقاد على قبلها
في حي وقفات يقين بلوطو ديالها و حلات المذكرة و بقات كتشوف فيها و تقارنها بالوصف لي كان كاتبها سليمان خدات الملف و جبدات الرسمة لي رسمات و نزلات من لوطو هزاتها كتلقا نفس الدار تبسمات و شافت هنا و هنا بان ليها دري صغير كي لعب حداها مشات عندو
يقين:سلام الكتكوت
***(شاف فيها):سلام بغيتي شي حاجة
يقين:بغيت نسولك على ماماك كاينة
***:اه في الدار بلاتي نعيط ليك عليها
يقين:واخا
دخل الدري كي جري قالها لمو و خرجات وحدة دايرة زيف على راسها حازماه و شافت في يقين:سلام ا ختي
يقين:سلام احم بغيت نسولك ختي و مديريهاش مني قلت الصواب
***:أهاه مرحبا زيدي دخلي بعدة
يقين:واخا
دخلات و كدور راسها هنا و هنا حيدات صباطها و توجهات الصالة المرة جلسات حداها
***:ها انا اختي
يقين:بغيت نسولك على هذه الدار واش شريتوها او كريتوها
***:علاش هذه السؤال
يقين:عافاك ا لالة غير جاوبيني
أميمة:انا سميتي أميمة ما علينا هذه الدار ورثناها على جدي من مي
يقين(بفرح):واش بصح كتدوي ياااك
أميمة:اه بصح اختي علاش هذه السؤال
يقين:نقدر نشوف الام ديالك ضروري
أميمة(بإستغراب):لطفييي
دخل الدري الصغير من الزنقة و شاف فيها:نعاااام
أميمة:سير عند لا مينة و عيط لمي تجي يالله
لطفي:واخا ا ماما
مشا كي جري و اميمة كتشوف في يقين كأنها فرحانة و كتحك يديها مع بعضهم دخلات غالية من الدار كتشم شي ريحة و هذه مغرباش عليها مشات الصالة كتلقى يقين جالسة تبسمات ليها
أنت تقرأ
تتمة قسوة الضراء 🔥
Actionبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
