✳ الجزء 193 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل الاخير ✏
🥀 ولادة جديدة 🥀
🌸فاطمة الزهراء مبارك🌸
في العشية مجموعين على الطبلة و كي ياكلو عشاهم العطلة وصلات و خاصهم يسافرو خصوصا اصلان مكيبغيش يخسر ليهم خاطرها كي بغيهم يكونو فرحانين حطات سارة الكاس و شافت في ولادها مخنزرة
سارة:ايييواااا نتوما حشمو شوية منين يوصل وقت السفر عنسافرو
علاء:بغيت نمشي عند جدو عهد
نصر:حتى انا واعدنا يدينا مع قمر لملعب حتى انا بغيت نطلع مولاكم كيف جدو
اصلان(حرك راسو بلا حولة):صافي واخا تعشاو و يحن الله يالله
انهار(بصوتها رقيق دوات):حتى انا بغيت نمشي عند خالتو كلاارااااااا
سارة مزالة واحلة ليها كلارا في الحلق واخا رتابطات باذار ولكن راه معقداها في حياتها حيت مزالة كتحس انها كتبغي اصلان و هذه الشي واش بصح او لا منقدروش نعرفو شنو كاين في عقول الناس خنزرات و غوتات عليها حيت مكتحملهاش
سارة:انهااار اخر مرة دكريها مشيتي عندها مرة وحدة لصقتي ليا لصقة ليهود
اصلان(صمت منها لبنتها)
انهار (هبطات راسها و دموع في عينيها ناضت من كرسيها و دارت عند ماماها و خديداتها حميمرين و نطقات بصوت تعز عليك):غوتي عليااا ياااكييي
سارة:اه غوت عليك
انهار:انت وليتي خايبة حيت عاملتيني خايب
سارة:انا خايبة
انهار:اه حيت عاملتيني خايب
سارة:لا معاملتكش خايب
انهار:مبقيتش باغيا تكوني ماما
سارة:شكون بغيتي تكون ماماك
انهار:خالتو يقين
سارة:بغيتي خالتو انهار تكون ماماك
انهار:اه ا مامي
سارة:من دابا الفوق معتبقايش تقولي ليا مامي صافي
انهار؛علاش
سارة:حيت معنبقاش ماماك ولات خالتو يقين
انهار:واخا ا سارة
سارة:مزيان يالله جمعي حوايجك نديك عندها
انهار(كتلعب بيديها):هااا
سارة(دارت تاكل):جمعي حوايجك نديك عندهاااا
انهار(شافت في باها):بابيييي
مدات يدياتها و طلقات حلوقها كتبكي اصلان هز بنتو كي ضحك و يواسيها
اصلان:صافي ا بابا متبكيش صافي
انهار(كتمد يديها لسارة):ماااميييي
سارة:ياك قلتي مبقيتيش باغياني نكون ماماك علاش باغياني
انهار: ماااميييي ماااميييي
سارة لدموع ولادها كتضعاف مدات يديها هزاتها عندها و كتبكي و مخشية فيها و سارة كضحك هي و اصلان شكون فينا ما دارهاش سارة شافت في ولادها
سارة:واحد المرة بابا غوت عليا و طلعت لبيتي كنبكي خديت ورقة و كتبت فيها عائلتي الحبيبة لقد قسوتم عليا و انا الان داهبة الا مكان بعيد لن تجيدوني فيه ابنتكم سارة حطيتها و تخشيت تحت نموسية زعمة راني نمشيت
الدراري بقاو كي ضحكو على مهم و انها كتمسح دميعاتها و شكون فينا مادارش هذه القضية في صغرو شحال كتجي حلوة
أنت تقرأ
تتمة قسوة الضراء 🔥
Acciónبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
