✳ الجزء 149 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
دازو الايام كي جريو يقين كتجمع حوايجها و سليمان مرح فوق السرير كي شوف فيها مساحيش بيها تمشي ولكن معندو ما يدر ميقدرش يحبسها على وليديها هزات راسها فيه و غمزاتو كضحك
يقين:فين مشيتي
سليمان:كنفكر كيفاش عنديرو دوز هذه الايام بلا بيك
يقين:عادي كلها 15 اليوم و راجعة
سليمان(كي حك لحيتو و كي فكر في كلام اصلان):انت عتمشي الرباط و سارة الاگادير اوووف تافقتو
يقين:علاش عتمشي مفراسيش
سليمان(تكا و غمض عينيه):اييه عتمشي
يقين:مزيان
شافتو متكي و كي شوف في صقف تنهدات و مشات جلسات عند راسو و دوزات يديها على خدو بنعومة هو شاف فيها و تبسم
يقين:مالك
سليمان:عنتوحشك بزااف
يقين:بغيتيني نبقا
سليمان(حرك راسو لا):عائلتك هي الأولى سيري شوفيها
يقين:واخا و انت متبقاش مقلق
سليمان(تنهد معارفاش شنو جاي):انا ممقلقش بلا ما تخليني تخسر في الهضرة ا يقين
يقين(خنزرات و ناضت من حداه):مزيان غوت عليا
سليمان(ناض و دور يديه على خصرها و عضها في عنقها):نموت على ملت مك القو ا دة مالك مك راسك خامج
يقين(سمعاتو عايرها شرباتو لكرشو):و بااااز كتعايرني ياك
سليمان:لا مكنعايركش ولكن انت هكد كتمشاي
تبسمات و رجعات لور مغمضة عينيها هو كي شك ريحتها مساخيش شاف ليها:الا سليتي يالله راه الطيارة مبقا ليها والو
يقين:اوكي
تبسمات هو خرج هز شانطة هبطها و طلع عندها بانت ليه هازة صاكها و كتحيد التيلي من شارج مشا جرها و دورها عندو كي بوسها في شفايفها بوسة طويلة كي عبر فيها على مدى حبو و اشتياقو ليها لي عتخليه هي تبسمات منين بعد و ضحكات
يقين:يالله
سليمان شبك يديها و خرجو سد الباب و ركبات معاه في لوطو ديمارا حتى وصل المطار كتشوفو داخل من جهة اخرى غير الباب ستغربات و دارت شافت فيه
يقين:مشي هذه هي الباب
سليمان:من دابا الفوق عتبقاي تمشي و تجي في طائرة خاصة
يقين:ولكن
سليمان:نزلي مشي غير انت غادا حتى سارة و نصر
جمعات عنها تخنزيرتها و نزلات لقات طائرة مزالة واقفة و سارة مزال ما وصلات حكات شعرها حيت طربوس كي ياكلها و شافت قدامها سليمان قرب و عنقها كي دوز على خدودها يحيد غير شوية الوحش من جيهتها
أنت تقرأ
تتمة قسوة الضراء 🔥
Actionبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
