✳ الجزء 143 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل التاني ✏
⚡ شرارة الانتقام ⚡
🌸فاطمة الزهراء مبارك🌸
واقفة ليك ا لالة جنب البحر و قدامها كان جوج العودان واحد في البيض و التاني في الكحل عارفها من عشاق الخييل و كتحماق عليهم ولكن معمرها جربات الحرية عليهم جا من مور ضهرها و جرها ليه ضامها عندو مبتاسم و نطق
سليمان:عارف كي عجبوك الخيول
يقين:كنت كنرغب بابا كان كي ديني دار السلام و كنت كنركب عليه
سليمان:اذن عندك تجريبة في وضعية الحصان
يقين(على نيتها):اه
(دارت عندو و كتعبر):عرفتي داك الاحساس انك راكب فوق منو و هو كي زيد بيك ولا منين كتبغيه يزرب شحال زوينة
سليمان:انا معارفش انت لي عارفة
قالها و طلقها بضحكة هي ستغربات عاد فهمات قصدو عقدات غوباشتها و جمعات يديها عندها و زادت مخلياه كي تشعتر عليها بالضحك
يقين:منحرف انا كندوي معاك بنيتي
سليمان تابعها كي تمشى حداها:مال الزين تقلق مني امم
يقين:بعد مني متدويش معايا
سليمان(دور يديه على كتفها):الا معنبعدش يالله شنو عديري
يقين(نترات يديها):بعد مني ا سليمان بعد منييي
سليمان (رجع قدامها و دورها عندو و هي كتفركل): مخاصكش تقلقي مني انت وليتي عارفة طبعي و معمري نقدر نبدلو
يقين:فمك خاسر
سليمان(هز ليها براسو):اه عرف خاسر انت مقابلاش عليا و انا فمي خاسر مكنعرفش ندوي
(شد وجها بين يديه و هي كتشوف فيه):يقين انا تحرمت من العائلة معاك وليت باغي نبني عائلتي مبغيت حتى حاجة اخرى بغيتك تقبلي عليا كيف ما أنا انت عارفة انه من سابع المستحيلات انني نقدر نتبدل شي نهار عرفتي ا يقين شنو باغي
يقين:شنو
سليمان: باغي نكون معاك عائلة كيف اصلان بغيتك تكوني سند ليا و دعم ليا بغيتك تكوني كبحال سارة انا عارف انت مشي هي ولكن لدعمها لراجلها في كلشي حتى انا بغيت ندخل الدار نلقا ولدي كي لعب و كي جري نوض الصباح نوصلو المدراسة نراجع معاه عندي بزاف ما نعلمو نعيشو طفولة زوينة الحوايج لي معشتهمش انا بغيت نعيشهم مع ولدي
يقين(دورات يديها على عنقو و كتشوف ليه في عينيه):صاحبك معمرو مد يديه على مراتو ولا غوت عليها انت شفتي لبارح كانت في الحبس و كان مبرد السوق
سليمان:و انا نعطيك عهد قدام الله و نبي رسول الله معمري نمد يدي عليك ولا نغوت عليك ولا تشوفي مني كلام عيب
يقين(صغرات عينيها):زعمة
سليمان:واخا عندك الحق يمكن انا فمي خاسر ولكن **
يقين(قاطعاتو و كتلعب في لحيتو):قلبك كبير و بيض و انا قابلة عليك كيف ما انت و معمرك تشوف مني تصرف ميعجبكش كنواعدك حبي ليك عيكبر و الداخل ديالي كل نهار تكون راجلي و تاج راسي
سليمان:هذه الشي لي بغيت شنو درنا دابا نمشي نتكاتبو
يقين(نفضات يديها منو):واش هبلتي
سليمان:و شنو خاصك
يقين:سمع نقول ليك رمضان قرب و العيد جاي لنا عنمشي المغرب عند وليديا انت لي عتجي و تخطبني و تطلب يدي من عند بابا و تقول ليه بغيت نتزوج ببنتك على سنة الله ورسوله و بابا يوافق و ندير الخطوبة و الملاك و العرس و عاد ديك الساعة شهر العسل نسافرو بجوج بغيت نمشي الميامي نتسارا تما
سليمان:و راااااه البرد
يقين:علاه انت تشوف يحساب ليك عرس ليلة تدبيرو عام
(حطات يديها على صدرو كضرب بتقة):يعني ا حبيبي العرس عيكون في الصيف
ضحكات عليه و مشات العود خلاتو غير كي شوف مفاهم حتى زفتة من لي قالت
أنت تقرأ
تتمة قسوة الضراء 🔥
Actionبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
