✳ الجزء 187 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل الاخير ✏
🥀 ولادة جديدة 🥀
🌸فاطمة الزهراء مبارك🌸
عند عشاقنا بعد ما كلاو و سلاو ناضت جمعات الطبلة و هو خرج البرا جبد تيلي كي خربق فيه و هي توترات مننن غسلات المعان و سلات هزات عويناتها كتشوف في الباب و تنهدات تابعاها تابعاها اللهم تحيدها عليها و هي اصلا وجدات ليه راسها و مستاعدة تكون مراتو حتى على الفراش
زعمات و خرجات كتصدم بيه طالق الصلاية نعام الآلة جوج وحدة في الغوز و التانية في الزرق و هو كي جبد من الشانطة علاش كي قلب تبسمات من القلب حتى دار عندها عاطيها عبايتها لي قالت ليه بغيتها في الدهازي و الصلاية حتى هي و شحال زوين منين طلبي غير هذه الشي في زواجك كي كون عندو طعم خاص
سليمان:لبسي ا حبيبي باش نصليو يالله
يقين(هزات براسها):واخا
خداتهم و لبساتهم متوترة بزاف دارت الشال على راسها و قاداتو و جات من موراه و قامت الصلاة بجوج بيهم كي صليو و خصوصا منين سمعات صوتو في القران شحال حمقها و سطاها سلاو و دار عندها حط يديه على راسها و دعا لله حياتهم تكون كلها سعادة و و خير و يرزقهم بذرية الصالحة و تكون ليه زوجة في الجنة ان شاء الله منين سالا شاف فيها
سليمان:سالينا
يقين:بغيت نصور معاك
سليمان(ضحك):واخا
ناض الكوافوز هز منو تيلي و جلس حداها خداو صورة لبعضياتهم منين سلاو شدات تيلي و صورات يديهم بجوج و صيفطاتها ليها
سليمان:صافي
يقين:غير بلاتي مزال ما ساليت
ناض وقف هز الصلايات بجوج طواهم و دارهم في الماريو دار لقاها مزالة كتبقشش في تيلي ديالو حك قرفادتو عرفها كتماطل باش تعطل دخلتهم خلاها حتى تسالي على خاطرها
يقين:سليمان
سليمان:نعام
يقين:بغيت نحطهم في الانستا
سليمان:حطي
يقين:انا و ياك
سليمان:حطي
تبسمات حتى غمضات عينيها و حطاتهم كتفرنس و حطات تيلي ناضت حيدات العباية طواتها و حطاتها في الماريو جات تدور حسات بيه حط يديه على خصرها و جرها عندو خاشي راسو في عنقها تما عرفاتو صبر بزااف
يقين:شنو خاصك
سليمان: حقي و حقك
يقين:في الجنة
سليمان(دورها عندو):ان شاء الله
يقين:شنو كدير
سليمان(هزها عندو):لي عنديرو عتشوفيه
يقين:من فوقاش ما مارستي
سليمان(حطها على سرير و طلع فوق منها متكي على يد و التانية كي دوزها على خدودها):هذه 10 سنين دابا
يقين(كتشوف فيه):منيتك
سليمان(تفكر نهار دارت سارة الخوت و لافوكا):اه 10 سنين
يقين(صغرات عينيها):زعمة زعمة
سليمان:خاص لظيلمك العصى ضروري تنكديها نهار دخلتك
يقين:متخصرش الهضرة ا سليمان كندوي معاك بالاداب دوي حتى انت بالاداب سولتك فوقاش مارستي متسطينيش
سليمان:قلنا ليك 10 سنين
يقين:و نهار مشيتي خويتي كبتك في وحدة أخرى يحساب ليك مسمعتكش راه كنت من موراك كنتي كتقولها لاصلان
خرج عينيه:ايييه
يقين:اه و انت كتقول ليا 10 سنين
سليمان(هز يديه بحال الا عيضربها):الق ل ا و ي راني قلت ليك 10 سنين و داك النهار عيطت لوحدة غير خويت فيها كبثي حيت تزيرت مشي مارست معاها كاين فرق
يقين:الفرق عندك غير انت راه بحال بحال
سليمان:و دابا مالك على هذه طيران في الهضرة
يقين:حيت مكتقولش الحقيقة
سليمان:شنو بغيتيني نقول ليك ح و يت شحال من وحدة هذه الشي لي بغيتي تسمعي
يقين(ناضت جالسة و هو تكا كي شوف فيه): سمعني ا سليمان و ديرها في ودنيك انا مراتك مشي صاحبتك و من حقي نعرف مكانحاسبكش على الماضي ديالك ولكن عرفتي و شي نهار تكدب عليا شنو ندير ليك منرحمكش و عرفتي فين عنضربك او لا
سليمان:فوتي عليك غير ولادي و ضربي فين بغيتي
يقين (دارت يديها على نصها):عنضربك فين باغي دير هذه الولاد فيا انا
سليمان سمعها و عارفة يقين راسها هي نقطة ضعفو خنزر فيها تخنزيرة يا ربي سلامة حتى عاقت راها عيقات عليه و هي تجلس حانية راسها الارض و نطقات
يقين:و انا بغيت غير نبهك و صافي مبغيتكش تقلق
بقا كي شوف يشوف و هو يطلقها بواحد الضحكة دور يديه على خصرها و جابها مصطحة على صدرو و هز ليها راسها مقربها عندو يلتاهم شفايفها
أنت تقرأ
تتمة قسوة الضراء 🔥
Hành độngبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
