✳ الجزء 197 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل الاخير ✏
🥀 ولادة جديدة 🥀
🌸فاطمة الزهراء مبارك🌸
دخلو الداخل و سلمو على نسابهم جلسو مع العائلة كي سولو و يعاودو حتى دورو راسهم و شافو ياسين و تورية داخلين عليهم غالية فرحات بزاف و ناضت عند ختها و يقين وقفات هي و سارة و سلمو عليها
يقين:مرحبا بيكم
تورية:سمحي ليا ابنتي على لي درت معاك
يقين:داكشي فات ا خالتي زيدي مرحبا بيك
تورية:ربي يخليك
مشات وقفات على سليمان هو كي شوف فيها في الاخير تحنا عندها عنقها و ياسين كي شوف فيهم عينيه مجاوش على يقين باش تبقا العلاقة مزيانة
سليمان:على سلامتك كيف بقيتي قال ليا ياسين راك كنتي مريضة
تورية:الحمد لله على كل حال اولدي وليت بيخير
تبسم ليهم و جلسات سلم على ياسين و شاف فيه يخرجو الجردة يجلسو برا سارة نغزاتها يقين و ناضت معاها الكوزينة كتشوف في السيدة لي برا و تشوف فيها
يقين:بلا ما دهشي سليمان لي تسامح معاهم
سارة:مقلت والو ولكن داكشي لي دارتو فيك ديك الحية دوزتيه ليها بالساهل
يقين:هي سباب و الا جينا نشوفو سليمان حسن من ياسين بالف درجة و بزااف
سارة:من ناحية اش
يقين:مشفتيش شنو دار نهار لي دفعاتني تورية وقف ليهم في وجهم على قبلي ا سارة و حتى معاملتو ليا زوينة بزااف حاسة بانوتي معاه عرفتي شنو
سارة(كتقاد شمعة في الطارطة):شنو
يقين:كنت شحال هذه كنقول بلي انت كتخافي منهم و داكشي علاش دايرين ليك الخاطر منين كنوشف اصلان ساكت و مكي ضحك او يتكلم كنقول كيفاش عايشة معاه اكيد كي ضربك مفيهاش
سارة(تنات يديها عندها):اوا دابا شنو كتشوفي
يقين:بالعكس تماما احترام اصلان ليك هو لي مخليه عاطيك قيمة و حتى سليمان مسلم ليا سوارت كلشي و عاطيني قيمة و دائما يتشاور معايا عاد يدير الحاجة يعني انا مصدر الحياة بالنسبة ليه
سارة(حطات يديها على يديه يقين و تبسمات): سمعي ا يقين اصلان و سليمان عاشو في ضروف قاصحة بزاف معرفتش واش سليمان عاود ليك او لا و حياتهم ديال الشحال هذه مخلياهم عاطينا قيمة كبيرة فيها حيت حنا عائلتهم الصغيرة الاحترام الكبير و المتبادل بيناتنا هو لي مخلي هذه العلاقة تكمل و نوصلو اليوم لهذه المرحة معمرك ا يقين معمرك تطيحي براجلك و خليه تاج فوق راسك و يحس بصدر العائلة بيناتنا حيت هي كلشي
هزات ليها يقين براسها و دموع في عينيها كتمسحهم طل عليهم سليمان كي ضحك و نطق بمرح
سليمان:اهيا خليو النميمة من بعد بنتي كاتسنا يالله
ضحكو بجوج و هزو الطارطة خرجو بجوج كان ياسين هاز في يديه ياسمين كي ضحك معاها حتى جات يقين مدها لسليمان و تسوخر لور خلاهم بجوج زادو كي غنيو و يضحكو و تخادت ليهم تصويرة تذكارية ليهم كاملين
أنت تقرأ
تتمة قسوة الضراء 🔥
Actionبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
