✳ الجزء 186 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل الاخير ✏
🥀 ولادة جديدة 🥀
🌸فاطمة الزهراء مبارك🌸
غوتات بحر جهدها حيت صافي وصلات لطوب و هو كي شوف فيها و نضراتو ممفسرينش و هذه الشي لي مخوفها اما اصلان الهدنة لي هو فيها راه حتى واحد متقدر يفسر علاش مهدن هكدا
كلارا:انا كنت معاك قبل منها كنتي فرحان معايا بزاااف مكان كي همك حتى واحد عايش كيف بغيتي و شنو لي قال ليك راسك كديرو منهار دخلات لحياتك قلباتها ليك
اصلان:كان عاجبك الحال انا معاك و عيني على وحدة أخرى و نعس مع وحدة أخرى من غيرك
كلارا:اااه حيت كنت عارفة معتاخدك حتى وحدة
اصلان(كي شوف فيها):اما سارة مترضاش ليا انني نعس مع وحدة أخرى
كلارا:حيت عارفاك عتخليها شي نهار منين مشيتي عند خوك ت تعرفتي على عائلتو تبدلتي كلك مبقيتيش سيميون لي كنعرف
اصلان:حيت سيميون مات و جا في بلاصتو اصلان .. اصلان لي دفنوه و هو باقي صغير حي بفضل سارة و عائلة خويا رجع لحياة
كلارا:هذه كتسميها حياة
اصلان:كون كنتي كملتي حياتك بدون ما تعرضي ليا ولا لعائلتي كنتي عترفي معنى الحياة مكنتيش تغدريني
كلارا:خدمت معاك بنيتي
اصلان:علاش خدمتي اااه نعد ليك شحال من واحد صيفطتك تنعسي معاااه باسم الخدمة ااااه
قالها و هي تسكت حيت فعلا صيفطها عند بزاف باش تنعس معاه باسم الخدمة اما هو كمل على كلامو:اما سارة لا حيت حب حياتي هذيك مشي بنت ليل و الزنقة مشي كيف كي كتبان ليك انت او اي وحدة حيت مشي بحالك هذيييك مراااااتيييييي عرفتي شنو هي مراتييييي اسمها مكتوب على اسمي اصلان بن شقرون اسمها مرتابط باسمي حيت المرة المتزوجة كتبقااااا مرااااااا نهار لمستها اول واحد توهبو راسها هووو راجلهاااا تحت ورقة اسمها عقد الزواج مشي عاهرة كتبيع و تشري في لحمها تحت اسم الخدمة لي تحاولي انت تأديها عرفتي مرتابة ديالها او لا المرتبة لي 10 سنين و انا معاك معمرك قدرتي توصلي ليها ولا عتوصلي ليها ا كلاارااااااا
كل كلمة قالها دبحها بيها حيت ولات تعاير بيها من بعد و هذه الشي لي قصدات بيه سارة قبل زواجو بيها
🔙🔙فلاش باك🔙🔙
سارة:انا مشي لعبة ا اصلان باش تكون في خبارك انا بنت و مشي اي بنت عادية انا سارة القدميري ا اصلان ولو نكون كنموت عليك فهذا ميعنيش انك تهيني بهذه الطريقة
اصلان (صدماتو بهضرتها):كيفاش هنتك
سارة:بكلامك ليا ا اصلان حرام عليك واش هذه الدرجة قيمتي عندك اااه
اصلان:سارة
سارة:متدويش معايا ا اصلان اما مقابلاش زواج بيك
اصلان:ياك انت لي تابعاني
سارة(قربات ليه):دنيا و زمان منبانش ليك هكدا تقول مكنعرف والو انا رافضة هذه الزواج
🔚🔚اوند🔚🔚
نهار لي قالتها ليه سارة كانت كتعنيها الراجل كي بقا راجل واخا تعاشريه 100 عام على اخطاءك يجبدها عليك و نهار رفضات زواجو حيت هو باغي مصلاحتو فيها كانت عارفة عيجي النهار لي يعايرها ليها و نهار عزات راسها حتى ولا هو طالب منها الزواج و باغيها مشي زواج الاتفاق ها هي دابا ولات ملكة عرشو و هذه الشي لي قلنا طايحة فيه كلارا مع انها دوزات معاه سنين عمرها كيف كنقولو ساسها منين شافها داكشي كنقولوها و نعاودوها معمرك ثم معمرك ترخصي راسك قدام الراجل واخا تكوني كتموتي عليه عزها تعزك
أنت تقرأ
تتمة قسوة الضراء 🔥
Actionبنات القصة تبلوكات في الاول منقدرش نزيد في الاجزاء داكشي علاش درت هذه البوسط جديد هنا في عنكمل القصة
