ကိုယ်လုပ်တော် ဝမ်

°1°

*မြောက်နန်းဆောင် မိဖုရားဝမ် သားတော်လေး ဖွားမြင်ပါတယ် မင်းကြီး*

ထိုမြောက်နန်းဆောင် မိဖုရား သားသမီးဖွားမြင်သည့် ကိစ္စသည် နန်းတော်တစ်ဝှမ်းလုံးအား ပျံ့နှံ့သွား၏။ မြောက်နန်းဆောင်မှ အထိန်းတော်တွေအားလုံး ပျော်ရွှင်နေကြသလို မိဖုရားခေါင်ကြီးနှင့် အထိန်းတော်တွေ အားလုံး၏ မျက်နှာသည် တမဟုတ်ချင်း ပျက်ကျသွားကြ၏။

မြောက်နန်းဆောင် မိဖုရားသည် မင်းကြီး၏ အချစ်တော် မိဖုရားတစ်ပါးဖြစ်သလို အလွန်ရုပ်ရည်ချောမောကာ လူအများသနားကြင်နာသော မိဖုရားတစ်ပါးလဲ ဖြစ်သည်။ မြောက်နန်းဆောင် မိဖုရားသည် ပညာဉာဏ်တွင်လဲ ထက်မြက်သလို ဉာဏ်ကောင်းကာ ထက်မြက်သည့် မိဖုရားငယ် တစ်ပါးဖြစ်သည်။

ရုပ်ရည်သည်လဲ မိုးဦးတွင် ပွင့်ကာစ ပန်းဝတ်မှုံလေးတွေလို ဖူးဖူးကြွကြွရှိလှ၏။ အသားအရည်ကောင်းခြင်းဟူသော ကံကောင်းမှုတွေနဲ့လဲ ပြည့်စုံသည်ဆိုသလို မြောက်နန်းဆောင် မိဖုရားဝမ်သည် အိစက်နုထွေးနေသော အသားအရည်ကို ပိုင်ဆိုင်၏။

*အခုချက်ချင်း မြောက်နန်းဆောင်ကို ကြွချီမယ်*

မင်းကြီးသည် ရွှေဝါရောင် ဝတ်ရုံကြီးနှင့် လိုက်ဖက်ခံ့ညားစွာ မြန်ဆန်လှသော ခြေလှမ်းတွေသည် မြောက်နန်းဆောင်ကို ဦးတည်နေ၏။ မင်းကြီး၏ မျက်နှာတွင်လဲ အပြုံးတွေက ဝေနေသလို၊ အထိန်းတော်တွေ၊ ကုန်းကုန်းတွေ၏ မျက်နှာတွေသည်လဲ ရွှင်လန်းနေ၏။

မိဖုရားကြီးတွင် သားတော်တစ်ပါးရှိသည်ဆိုတာ မှန်ပေမယ့် သူမတို့ ချစ်သည်က မြောက်နန်းဆောင် မိဖုရားကိုမို့ မြောက်နန်းဆောင် မိဖုရား၏ သားတော်လေးကို မင်းကြီးအနောက်တော်ပါတွေနှင့် မြောက်နန်းဆောင် အထိန်းတော်တွေက ခုမှဖွားမြင်သော မင်းသားငယ်လေးကို ပိုချစ်၏။

*မင်းကြီး ကြွချီတော်မူလာပါပြီ*

မြောက်နန်းဆောင်ထဲ မင်းကြီး ကြွချီလာသည်နှင့် အထိန်းတော်တွေအားလုံး၏ ဦးခေါင်းတွေသည် ကြမ်းပြင်နှင့် ထိလျက်။ အစောင့်တွေ၊ကိုယ်ရံတော်တွေသည်လဲ မင်းကြီးကို အရိုအသေပေးကြ၏။