❤️ F̸i̸r̸s̸t̸ L̸o̸v̸e̸ ( Completed )

❤️ Chapter 20 ❤️

Diya's pro

හවස් වේගෙන එද්දි බීච් එක කොයිතරම් ලස්සනද කියල කියන්න තේරෙන්නෙ නෑ.ඒ තරම් ලස්සනයි.මන් මේ ලොකේ වැඩියෙන්ම ආස තැනක් තමා මේ බීච් එක.මුහුද ලග ඉද්දි දැනෙන සනීපෙ සල්ලි දීලවත් ගන්න බෑ.
ලෙක්චර් එක අහන් ඉන්න ගමන් නිදාගන්නවට වඩා මේක කොච්චර හොදද ?
වොල් සාරා දෙන්න එනකන් මම රැල්ල පාගන්න ඉස්සරහට ගියා.සීතල වතුර කකුල් දෙකේ ගෑවෙනකොට දැනෙන සනීපෙ.මන් ඇස් දෙක වහගෙනම තව ටිකක් ඉස්සරහට ගියා.ඒත් වුනේ මන් හිතුවෙ නැති දෙයක්.කාගෙහරි මගෙ ඇගේ වැදුන නිසා මම බිම වැටුනා.
ශිට් මුලු ඇගේම වතුර.කොහොමද මන් දැන් පාර ඇවිදන් යන්නෙ.මුලු ඩෙනිමම ඉවරයිනේ ඉතින් .

"තමුසෙගෙ ඇස් පේන්නෙ නැද්ද ඕයි.බලනවා කරපු වැඩේ."

යකෝ මූ.මාව වට්ටල තව මටම කෑගහන්න එනවද ? ඇස් වහන් හිටිය එක වෙනම කතාවක් ඒත් මෙයා ඇස් ඇරන්නෙ ආවෙ.

"ශිට් දැන් ආයෙ චේන්ච් කරගන්න වෙනවනේ.තමුසෙගෙ ඇස් පේන්නෙ නැත්තන් අනිත් අයට වද දෙන්නෙ නැතුව ඉන්නවකො."

මාව හප්පපු මනුස්සයො ආයෙත් එහෙම කියද්දි මන් එයා දිහා මූණ උස්සල බැලුව හොදවයින් දෙකක් කියන්න කියලා හිතාගෙන .මගෙ කට ඇවිස්සුනොත් පුතේ ඉවරයි ඔයා.කනේ ඇබ ගහගන්නම දෙන්නම්.
මන් ඒ මූණ දිහා බලද්දි එයා ඇස් හීනි කරන් තරහෙන් මන් දිහා බැලුවෙ.වෙනදට කවුරුහරි මට මෙහෙම කතා කරානම් මන් මෙච්චර නිශ්ශබ්දව ඉන්නෙ නෑ.ඒත් අද මම ඒ ඇස් වල හිරවුනා.ඒ නපුරු ඇස් ඒ මූණ දිහා බලන් ඉද්දි මට කිසිම දෙයක් කියන්න මතක් වුනේ නෑ.ඒ එයාගෙ බැල්ම නිසාද එහෙම නැත්තන් වෙන හේතුවක් නිසාද කියන්න තේරෙන්නෙ නෑ.මන් එයාගෙ ඇස් දිහා එකඑල්ලෙ බලන් ඉද්දි එයාගෙ ඇස් ලොකු වුනත් ඒ ඇස් වල තිබ්බ නපුරු කමනම් නැති වුනේ නෑ.ඒ මූණට ඒ නපුරු කම ගොඩක් ලස්සනයි .මන් කන්න වගේ බලන් හිටපු හින්දද කොහෙද ඒ කොල්ල මොනාහරි මුමුණලා එතනින් යන්න ගියේ හෙන චාටර් හිනාවකුත් දාලා.හැබැයි මගෙ ඇස්නම් එයාගෙන් ඈත් වුනේ නෑ.කොහෙහරි දැකල තියෙනවා වගේ හිතුනත් ඒ කොහෙද කියන්න මට මතක නෑ.ඒත් මොලේ කියන්නෙම මන් මෙයාව කොහෙහරි දැකල තියෙනවා කියලා.