တရုတ်လေပိုင်နက်ထဲကို စတင်ဝင်ရောက်ပြီဖြစ်ကြောင်း ပိုင်းလော့ကအသိပေးလာသံနဲ့အတူ Miller မှာ လက်ဖျားတွေပါအေးစက်လို့လာသည်။ Wayne က လေတပ်မှလူဖြစ်ခဲ့ဖူးသည့်အလျောက် ပြတင်းပေါက်မှတဆင့် အပြင်ဘက်ကို ကြည့်ကာ လိုက်လေ့လာနေပုံရပြီး Ray ကမူ စိတ်လှုပ်ရှားနေသည့်ဟန်ပင်။ နှုတ်မှလေပူတွေကို ခဏခဏမှုတ်ထုတ်ကာ သေနတ်ကိုလဲတကိုင်ကိုင်။ မိမိဘက်မကြာခဏ လှည့်လှည့်လာသည့် Ray ရဲ့သေနတ်ပြောင်းဝကို Miller အသာတွန်းဖယ်ပြီးနောက်...
"ကျည်ထွက်ပြီး ငါ့လဲလာမှန်နေဦးမယ်။"
"မထွက်ပါဘူး။ လုံခြုံရေးခလုတ်ချထားပါတယ်။ ဆရာရှောင်းတို့ကို ခေါ်လာနိုင်မှာပါနော် Miller?"
"အင်းပေါ့ ဆရာရှောင်းကဘယ်လိုလူမျိုးမို့လို့လဲ။ သူတို့တဖွဲ့လုံးကအရမ်းတော်တာ အဲ့ဒါကြောင့်ငါတို့နဲ့အတူ လိုက်လာနိုင်မှာပါ။ "
"ဆရာရှောင်းကိုလွမ်းတယ်။"
"ငါရောပဲ ရိပေါ်နဲ့ယွီပင်ကိုလွမ်းတယ်။"
Ray က Bridge ကပ္ပတိန်နဲ့အနေများပြီး ကပ္ပတိန်က ဆရာရှောင်းနဲ့သာ တပူးတွဲတွဲဆိုတော့ Ray အနေနဲ့ ဆရာရှောင်းကို စိတ်ထဲပိုရင်းနှီးနေမှာ မဆန်းပေ။ ပြောစရာစကားလုံး မရှိတော့၍ ခေတ္တငြိမ်သက်သွားရာက အပြင်ဘက်ဆီကို မမှိတ်မသုန်ကြည့်နေဆဲ Wayne ပခုံးကိုတချက်ပုတ်ကာ....
"ဘာတွေငေးနေတာလဲ Wayne?"
"ငေးနေတာမဟုတ်ပါဘူး Miller ။ မှတ်နေတာ..."
"ဘာကိုလဲ...."
"ချိန်းထားတဲ့ တိုက်ခေါင်မိုးအပြင် တခြားမနီးမဝေးက ခေါင်မိုးရှိတဲ့ အဆောက်အဦးတိုင်းကို မှတ်နေတာ။ အပြင်ဘက်ကိုတချက်ကြည့်ကြည့် Miller"
Wayne အပြောကြောင့် အပြင်ဘက်ဆီသို့တချက်ကဲကြည့်လိုက်သည်။ လျှပ်စစ်မီးများ မပြတ်တောက်သေးသော်လည်း လူမရှိသည့်အိမ်တွေ၊ ကြိုးတွေပြတ်ကုန်သည့် နေရာတချို့မှာတော့ မီးမှောင်နေပြီး လမ်းပေါ်မှာ သက်ရှိလူသားရယ်လို့ တယောက်မှကိုမတွေ့ရပေ၊ အဆောက်အဦးကို သိသာထင်ရှားစွာမြင်နိုင်စေရန် ခပ်နိမ့်နိမ့်ပျံသန်းနေသော ရဟတ်ယာဉ်ရဲ့အသံကြောင့် မိုးပေါ်မျှော်ကြည့်ကာ အော်ဟစ်နေကြသည့် ဖုတ်ကောင်တွေသာ ဟိုတစု၊ဒီတစုရှိနေသည်။
YOU ARE READING
The Survivors (FTC Sequel)
FanfictionFic Name - The Survivors (FTC Sequel) Fanfiction အမျိုးအစားပါ Written by choyee6 Fic cover by - Wang Qiu Follow The Command ရဲ့ (The Alien) ကို ဖတ္ဖူးမွ ဒါကိုနားလည်မှာပါရှင်။ Fic Name - The Survivors (FTC Sequel) Written by choyee6 Fic cover by - Wa...
