"Bridge ပြန်ရအောင် ဆရာရှောင်း။"
ရဟတ်ယာဉ်ရုံထဲက အတုံးအရုန်းလဲနေသူများဆီမှ အကြည့်ခွာကာ Andy က ဆိုလာတော့ ခေါင်းညိတ်ပြကာ Bridge ရှိရာထံသို့ ပြန်ရောက်လာခဲ့ကြသည်။ Bridge ထဲမှာ Ray , Paul နှင့် အခြားတပ်သားတချို့သာရှိနေပြီး Ray က အကူအညီတောင်းခံ အသံလွှင့်ခြင်းတောင် လုပ်နိုင်ဟန်မတူတော့ ခုံပေါ်မှောက်၍ လှဲနေခဲ့ရာမှ Andy အသံကြားတော့ ခေါင်းပြန်မတ်ကာ အလုပ်ဆက်လုပ်ရန်ကြိုးစားနေရှာသည်။
"Ray? ခဏနားလိုက်ဦး အသံဒီလောက်လွှင့်နေတာ အနားမှာ ရေယာဉ်တခုခုရှိရင် အခုလောက်ဆို အကြောင်းပြန်မှာပဲ။"
"ဟုတ်ကဲ့..."
ထိုအခိုက်မှာပင် တပ်သားတစ်ဦးက ဘူးထဲမှာတစ်ဝက်ခန့် ရေကျန်သေးသည့် ဘူးတစ်ဘူးကိုယူဆောင်ကာ Andy ကို ပြန်လာပေးလာသည်။
"Green တို့ကို မျှတိုက်လိုက်လို့ပြောလိုက်တယ်လေ "
"ဒေါက်တာယွီပင်တို့က သူတို့မှာရှိတဲ့ရေကိုပဲ သုံးမယ်တဲ့ ဒါကို ကပ္ပတိန့်ကို ပြန်ပေးလိုက်ပါဆိုလို့။"
"အင်း နားလည်ပြီ။"
ထိုတပ်သားလေး ထွက်သွားပြီးနောက် Andy က ရေဘူးကိုကိုင်ကာ Ray ထံသို့ပေးလိုက်သော်ငြား Ray က လှမ်းမယူ ခေါင်းခါပြလာသည်။
"အားလုံး ဒုက္ခရောက်နေတာကိုကွာ ဒီထဲကလူအကုန်မျှသောက်လိုက်ကြ။ "
"အဲ့ဒါ ကပ္ပတိန်ရေဘူးလေ ။ ကျွန်တော်တို့မသုံးပါရစေနဲ့"
"ငါ့ရေဘူးထဲ မင်းတို့ မသိမသာနဲ့ လာလာခိုးထည့်နေတာ ငါမသိဘူးများ ထင်နေတာလား။ ဒီမှာရှိတဲ့သူ တစ်ယောက်မကျန် ယူသောက်၊ ပြီးရင်ပြန်လာပေး။"
"ကပ္ပတိန်...."
"အမိန့်နော်....အေး။"
အမိန့်နဲ့ကိုင်ပေါက်တော့မှ Ray က ရေဘူးကိုလှမ်းယူတော့သည်။ မလှမ်းမကမ်းမှာရှိနေသည့် ဆရာရှောင်းအနား ပြန်လျှောက်သွားကာ ပခုံးတဖက်ကို လှမ်းကိုင်လိုက်ရုံမှာပင် ဆရာရှောင်းရဲ့ခန္ဓာကိုယ်က ယိုင်ဆင်သွားသည်မို့ လက်မောင်းတဖက်မှ ဆွဲထိန်းလိုက်ပြီး....
YOU ARE READING
The Survivors (FTC Sequel)
FanfictionFic Name - The Survivors (FTC Sequel) Fanfiction အမျိုးအစားပါ Written by choyee6 Fic cover by - Wang Qiu Follow The Command ရဲ့ (The Alien) ကို ဖတ္ဖူးမွ ဒါကိုနားလည်မှာပါရှင်။ Fic Name - The Survivors (FTC Sequel) Written by choyee6 Fic cover by - Wa...
