စုံတွဲနှစ်တွဲနဲ့ သူတို့ကလေးတွေပါ ပြန်သွားကြပြီးတဲ့နောက်မှာတော့ Poliana က အနည်းငယ် အထီးကျန်သလို ခံစားလိုက်ရသည်. Gerald ကလဲ အနေအေးတဲ့ ကလေးဖြစ်တာကြောင့် အပန်းဖြေအိမ်ယာက သူတို့ပြန်သွားတဲ့နောက်ပိုင်းမှာ ပိုပြီး တိတ်ဆိတ်နေသလိုဖြစ်နေသည်.
အဲ့နောက်မှာတော့ Yapa ကနေ စာတစ်စောင်ရောက်လာသည်. ဒီစာကို Sir Deke ကိုယ်တိုင် ယူလာတာဖြစ်ပြီး စာအိတ်အပြင်ဘက်မှာတော့ ဧကရာဇ်ရဲ့ စည်းတံဆိပ် ရှိနေသည်. Poliana က စိတ်လှုပ်ရှားစွာနဲ့ ဖွင့်ဖတ်လိုက်ပေမဲ့ စာထဲမှာပါတဲ့ အကြောင်းအရာတွေကတော့ ရိုးရှင်းလွန်းနေသည်.
Lucius က လတ်တလော သူလုပ်ကိုင်နေတာတွေကို ရေးသားထားသည်. သူက Gerald နဲ့ Poliana တို့အကြောင်းကိုလဲ မေးမြန်းထားသည်. သူက Poliana ကို ပြန်စာရေးပေးဖို့နဲ့ မဟုတ်ရင်တော့ သူအရမ်းစိတ်ပျက်မိမှာဖြစ်ကြောင်း ပြောဆိုထားသည်. သတို့သမီးစွန့်ပစ်တာခံလိုက်ရတဲ့ သတို့သားတစ်ယောက်က သူ့ဆီကနေ ထွက်ပြေးသွားတဲ့ သတို့သမီးဆီကို ရေးနေတာလို့ ယူဆမယ်ဆိုရင် စာထဲက အကြောင်းအရာတွေက ရိုးရှင်းလွန်းနေသည်.
Poliana က Sir Deke ကို မေးလိုက်သည်.
"Yapa မှာ ဘယ်လိုနေလဲ?"
"လူတွေကတော့ နည်းနည်းပြောကြတာပေါ့. ဒါပေမဲ့ ခြုံကြည့်လိုက်မယ်ဆိုရင်တော့ အားလုံးအေးဆေးပါပဲ"
"ပြီးတော့ အရှင်ကရော အဆင်ပြေရဲ့လား?"
"မှတ်တမ်းစာရေးတစ်ချို့ကတော့ သူ့ကို အာဏာရှင်တစ်ယောက်လို့ ပြော.."
Poliana က လက်သီးဆုပ်ကာ ပြောလိုက်သည်.
"အဲ့တာကို အရှင်က သူတို့ကို အသက်ရှင်ခွင့်ပေးလိုက်လား?!"
သူမက Yapa ကို ချက်ချင်းပြန်ကာ သူတို့ကို ရိုက်နှက်ဖို့ အသင့်ဖြစ်နေပုံရသည်. Sir Deke က သူ့ခေါင်းကို ရမ်းကာ ပြောလိုက်သည်.
"အရှင်က သူတို့ကို ရိုက်ပြီးပါပြီ"
"အော်. ဟုတ်လား.. ကောင်းတယ်"
Poliana က ပြန်ထိုင်ချလိုက်သည်. မှတ်တမ်းတင်စာရေးတွေက အရှင့်ကို ဘယ်လိုလုပ် အာဏာရှင်တစ်ယောက်လို့ ခေါ်နိုင်ရတာလဲ? ရုတ်တရက် တွေဝေသွားသည်.
YOU ARE READING
Emperor and the Knightness (Unicode) Book - 2
RomanceRead Complete Novel in English at https://wuxiaworld.site/novel/the-emperor-and-the-knightess/ and ongoing Manga at https://zinmanga.com/manga/emperor-and-the-female-knight-the-king-and-his-knight/
