Emperor and the Knightness (Unicode) Book - 2

အခန်း ၃၅၉

Poliana က တွေဝေလာသည်. ဒါတွေက အမှန်တကယ်ဖြစ်နေတာမဟုတ်ဘူးလို့တောင် ခံစားမိသလို ဖြစ်နေသည်. ဧကရာဇ်အပါအဝင် လူတိုင်းက ပျော်ရွှင်နေဟန်နဲ့ သူမကို ပြုံးကြည့်နေပေမဲ့ သူမ တစ်ယောက်တည်းကသာ အံ့ဩတုန်လှုပ်နေပုံရသည်.

Lucius က သူမကို ပြောလိုက်သည်.

"အခုတော့ အိပ်မက်က နှစ်ခုဖြစ်သွားပြီပေါ့. ပထမတစ်ခုက, Sir Poliana Winter ငါ မင်းကို ငါ့ဇနီးအဖြစ် လက်ထပ်ယူမယ်. ပြီးတော့ ဒီလိုလုပ်နိုင်ဖို့အတွက် ငါက ဒီဥပဒေကို အသက်ဝင်အောင်လုပ်ရမယ်.. ငါ ဒီအိပ်မက်တွေအတွက် ပင်ပင်ပန်းပန်းကြိုးစားခဲ့တယ်. ပြီးတော့ ဒီအိပ်မက်တွေ အကောင်အထည် ပေါ်ဖို့အတွက်လဲ ဆက်ပြီး ကြိုးစားသွားမယ်. ရိုးရိုးသားသားပြောရရင်, ဒီခရီးလမ်းက ငါတို့အတွက် လွယ်ကူတဲ့ခရီးမဟုတ်ဘူးဆိုတာ ငါသိပါတယ်. ဒီကိစ္စက ငါတို့တိုက်ကြီးတစ်ခုလုံးကို သိမ်းပိုက်တာထက်တောင် ခက်ရင်ခက်နေဦးမယ်. ဒီကိစ္စက ဒီတိုင်းပြည်ရဲ့ အဆုံးသတ်လဲ ဖြစ်ကောင်းဖြစ်သွားနိုင်တယ်. ဒါပေမဲ့ Poliana ငါ. မင်းကို တပ်မက်မိတာကိုတော့ ထိန်းချုပ်လို့မရဘူး. မင်းက ငါ့ဇနီးဖြစ်လာမယ်လို့ ငါမျှော်လင့်တယ်"

Acreian ဧကရာဇ်က ပြုံးလိုက်သည်. သူ့အပြုံးက နွေးထွေးကြင်နာပြီး ချောမောခန့်ညားသည်. ဒီအပြုံးက တိုက်ကြီးတစ်ခုလုံးကို တရားမျှတစွာနဲ့ ကြင်နာစွာ အုပ်ချုပ်နေတဲ့ ဧကရာဇ်ရဲ့ အပြုံးဖြစ်သည်. သူပြောခဲ့သလိုပဲ, ဒီဥပဒေစနစ်ကြီးတစ်ခုလုံးကို ပြောင်းလဲပစ်မယ်ဆိုတဲ့ သူ့အိပ်မက်က ရူးမိုက်တဲ့ အိပ်မက်တစ်ခုဖြစ်သည်. ဒါက လောဘကြီးလွန်းနေသည်. သူက ဒီအရာကို သေချာပေါက် အကောင်အထည်ဖော်ဖို့ ကြိုးစားနေတာကလဲ ရယ်စရာဖြစ်နေသည်.

ဒါပေမဲ့ ဧကရာဇ်က Poliana ကို ထပ်မေးလိုက်သည်.

"မင်း ငါနဲ့အတူ အိပ်မက် မမက်ချင်ဘူးလား?"

အနားမှာရှိနေတဲ့ စစ်သည်တစ်ယောက်က လေချွန်လိုက်သည်. တခြားစစ်သည်တစ်ယောက်က သူ့ကို ရပ်တန့်ဖို့အတွက် သူ့ကျောကို ရိုက်ချလိုက်သည်. အနားမှာရှိတဲ့လူတွေက တီးတိုးရေရွတ် ပြောဆိုနေကြပေမဲ့ Poliana ကတော့ ဒီဆူညံသံတွေကို မကြားနိုင်ပေ. သူမနားထဲမှာ ပြင်းထန်တဲ့ မုန်တိုင်းကြီးတစ်ခုက တိုက်ခတ်နေသည်.