Lucius က မနာလိုအားကျမှုအပြည့်နဲ့ Sir Ainno ကို ကြည့်နေသည်. သွေးစိုနေတဲ့နှုတ်ခမ်းက သူ့အလှတရားအတွက် အထောက်အပံ့မဖြစ်စေနိုင်ဘူးဆိုတာကို သတိမပြုမိခင်အထိ ဧကရာဇ်က သူ့အောက်နှုတ်ခမ်းကို ကိုက်ထားနေခဲ့ပြီး နောက်တော့ သူက နှုတ်ခမ်းကိုက်နေတာကို ချက်ချင်းရပ်လိုက်သည်.
အဲ့အချိန်မှာပဲ သူမခင်ပွန်းက သူမကို ဆက်ပြီးနမ်းနေတာကြောင့် Cekel က သူမခင်ပွန်းရဲ့လက်ကို ရိုက်ချလိုက်သည်. အဲ့နောက်မှာတော့ သူမက ဧကရာဇ်နားကိုသွားကာ သတင်းပို့လိုက်သည်. လက်ရှိမှာတော့ Cekel က အလုပ်တာဝန်နှစ်ခုကို ထမ်းဆောင်နေသည်. လက်ထောက်အထိန်းတော်ချုပ် ရာထူးအပြင် Cekel က သတင်းအချက်အလက်အဖွဲ့ရဲ့ တရားမဝင်သတင်းပေးသူ ဖြစ်နေသည်. Cekel က အလုပ်လုပ်တဲ့အခါမှာ တစ်ခါတစ်လေ စိတ်မပါတတ်တဲ့ သူမရဲ့မောင်ဖြစ်တဲ့ Sir Deke ထက်ပိုပြီး အလုပ်ကောင်းကောင်းလုပ်နိုင်တယ်လို့ Lucius က ဆုံးဖြတ်ခဲ့သည်. ဧကရာဇ်က Stra နဲ့ Tory တို့ကိုလဲ အလုပ်နေရာအသီးသီးနဲ့ ခန့်အပ်ထားခဲ့ပြီးဖြစ်တာကြောင့် Cekel ကို လျှို့ဝှက်ခန့်အပ်တာက ပိုပြီးသင့်တော်မယ်လို့ ထင်ခဲ့သည်.
အခုအချိန်ထိတော့ Lucius က Cekel အလုပ်လုပ်တာကို သဘောကျနေသေးသည်. သူမက တရားနည်းလမ်းကျကျ ဆုံးဖြတ်တတ်သူဖြစ်ပြီး အခြေအမြစ်မရှိတဲ့စကားတွေကို အယုံအကြည်မရှိသူ ဖြစ်သည်. သူမက Master Chail နဲ့ သတင်းအချက်အလက်အဖွဲ့က တခြားအဖွဲ့ဝင်တွေလိုမျိုး အတင်းအဖျင်းပြောကာ အချိန်ဖြုန်းတတ်တဲ့သူမျိုးလဲ မဟုတ်ပေ. အခုထိတော့ Sir Dekel က သတင်းအချက်အလက်တွေကို အဓိကစုဆောင်းသူဖြစ်ပြီး Cekel က ဧကရာဇ်ထံ တဆင့်သတင်းပို့ရသူ ဖြစ်သည်. Cekel က အရမ်းတော်တဲ့သတင်းပို့သူဖြစ်ပြီး ဧကရာဇ်ရဲ့ အချိန်တွေကို ဘယ်တော့မှ အလဟဿမဖြစ်စေခဲ့ပေ.
Cekel က သူ့ကို ပြောလိုက်သည်.
"အရှင် Marqess Winter က Lady Rebecca ရဲ့ အုတ်ဂူဆီသွားနေပါတယ်"
"ဟမ်... ငါ သိပြီ"
ခါးသက်တဲ့အပြုံးတစ်ခုက ဧကရာဇ်မျက်နှာပေါ်မှာ ပေါ်လာသည်. မြို့တော်ဟောင်း Nanaba မှာရှိတဲ့ တော်ဝင်သင်္ချိုင်းမှာတော့ သူ့ဘိုးဘေးတွေရဲ့ အုတ်ဂူတွေအများကြီးရှိသည်. ဒါပေမဲ့ Yapa မှာတော့ တစ်ခုတည်းသာရှိနေသည်. အဲ့အုတ်ဂူက သူ့ရဲ့ငယ်ရွယ်တဲ့ဇနီးဖြစ်နေတာကြောင့် သူ့ကို အကြီးအကျယ် စိတ်ထိခိုက်စေခဲ့သည်.
ESTÁS LEYENDO
Emperor and the Knightness (Unicode) Book - 2
RomanceRead Complete Novel in English at https://wuxiaworld.site/novel/the-emperor-and-the-knightess/ and ongoing Manga at https://zinmanga.com/manga/emperor-and-the-female-knight-the-king-and-his-knight/
