Heart Like Brilliant Words || ဘာသာပြန် 《Completed》

Chapter 9

အဆောက်အဦး၏နောက်တွင် ကျယ်လွန်းလှသော လမ်းတစ်ခုရှိပြီး ပေါ့ပလာပင်(1)တန်းများကထည်ဝါစွာ တည်ရှိနေ၏။

လင်းယွီရန်သည် တစ်ဖက်လူကိုဂရုတစိုက်ရှာဖွေနေရန်ပင် မလိုအပ်ခဲ့ပေ။လမ်းထောင့်ကို လှည့်ကြည့်လိုက်ရာ သစ်ပင်ကြီးတစ်ပင်ကိုမော့ကြည့်နေသော အဘွားကြီးတစ်ယောက်ကို တွေ့လိုက်ရ၏။

လင်းယွီရန်သည် သူမဆီသို့လျှောက်သွားလိုက်၏။ခေါင်းကိုမြှောက်လိုက်ပြီး သူမအကြည့်နောက်ကို လိုက်ကြည့်မိလေသည်။

ကုယောင်ယန်သည် အနက်ရောင်တီရှပ်အသစ်အထည်ကို ပြောင်းလဲထားခဲ့လေသည်။မြေပြင်အထက် ဆယ်မီတာမြင့်သော သစ်ကိုင်းတစ်ခုပေါ်တွင်သူထိုင်နေခြင်း။သူ့ခြေထောက်တစ်ဖက်ကို ကွေးထားပြီး ကျန်တစ်ဖက်မှာ လေထဲတွင်ပေါ့ပေါ့ပါးပါးချထားလေသည်။

ကြောက်ရွံ့နေသည့် အဝါရောင်ကြောင်လေးတစ်ကောင်ကိုသူ့လက်ထဲတွင်ကိုင်ထားရင်း ပိတ်ကျဲစတစ်ခုကို ပါးစပ်၌ကိုက်ထားလေသည်။ကုယောင်ယန်သည် ထိုအရာလေးဒဏ်ရာရရှိထားသော ရှေ့ခြေထောက်ကိုပတ်တီးမစည်းမီ စစ်ဆေးနေစဉ် အဝါရောင်ကြောင်လေးက မြောင်ဟုအော်လာခဲ့၏။

လင်းယွီရန်သည် ဤမြင်ကွင်းကြောင့်အံ့အားသင့်နေလေသည်။သူ့ရှေ့မှမြင်ကွင်းသည် သူဘယ်တော့မှမဆွဲနိုင်ခဲ့သည့် ရောင်စုံပန်းချီကားတစ်ချပ်လိုပင်။အပြာရောင်ကောင်းကင်နောက်ခံတွင်၊ အရှေ့မြောက်လေကတိုက်ခတ်နေပြီး သစ်ရွက်များကလှုပ်ယမ်းနေကာ တရှဲရှဲအသံများကထွက်ပေါ်နေလျက်။

အဘွားဟူသည် သေးငယ်သောအမျိုးတစ်ဦးဖြစ်လေသည်။ သူမသည် ချည်အင်္ကျီကိုဝတ်ထားပြီး လက်ကိုဆုပ်ကိုင်ထားလျက် ထိုနှစ်ဦးသစ်ပင်ပေါ်မှ ပြုတ်ကျမည်ကို ကြောက်သဖြင့်ဦးစွာဆင်းလာရန် တိုက်တွန်းနေတော့သည်။

"အရင်ဆင်းလာ ဒီကိုလာခဲ့ ဒဏ်ရာကိုငါကြည့်ပါရစေ စိတ်ပူစရာမလိုပါဘူး ဒါကြောင့်ဒီကိုအရင်ဆင်းလာခဲ့ပါ"

ကုယောင်ယန်က မဖြေပေ။ယင်းအစား သူသည် လင်းယွီရန်ကိုသာ ပေါ့ပေါ့တန်တန်ကြည့်လာ၏။သူ့အကြည့်များက ယခင်နှင့်ကွဲပြားမှုမရှိသော်လည်းလင်းယွီရန် အနည်းငယ်မှင်တက်သွားမိလေသည်။  ဒီကုယောင်ယန်ကို သူမသိတော့သလိုပင်။