Heart Like Brilliant Words || ဘာသာပြန် 《Completed》

Chapter 47

{—NSFW content!!}

ထိုအချိန်မှစ၍ လင်းယွီရန်သည် သူနှင့်ကုယောင်ယန်တို့အကြား ကွာခြားချက်ကြီးကြီးမားမားရှိနေကြောင်း သိလိုက်ရတော့သည်။သူတို့၏မိသားစုနောက်ခံကိုဖယ်ထားကာ နှစ်ယောက်လုံးကအမှီအခိုကင်းစွာ နေထိုင်နေကြသည့်တိုင် သူကသာကိုက်ညီနိုင်စွမ်းမရှိသည့်သူပင်။

"ဆရာ"

သူကမျက်လုံးများကို canvasပေါ်ရွှေ့လိုက်ပြီး ယခုပင်သူရေးဆွဲခဲ့သည့်နေရာကို ညွှန်ပြကာ မေးလိုက်လေသည်။

"ဒီအရောင်ကို ပိုပြီးတောက်ပလာအောင် ဘယ်လိုလုပ်ရမလဲ?"

ရောက်တတ်ရာရာစိတ်ပျံ့လွင့်ရင်း အချိန်မဖြုန်းသင့်တော့ပေ။ကုယောင်ယန်၏ခြေလှမ်းများကို တတ်နိုင်သမျှအမှီလိုက်ကာ နှစ်ယောက်သား၏အနာဂတ်ကို အတူတကွစီစဉ်သင့်ပေသည်။

WCEသည် NBA၏ All-Star Weekend နှင့်ဆင်တူသော သက်ဝင်လှုပ်ရှားသည့် နိုင်ငံတကာလက်ဝှေ့ရက်သတ္တပတ်ကို နှစ်စဉ်ကျင်းပလေ့ရှိ၏။ပုံမှန် တင်းမာသည့်ပြိုင်ဆိုင်မှုများနှင့်ယှဉ်လျှင် ဤပြိုင်ပွဲက ပိုလွယ်ကူလေသည်။ဤတစ်ကြိမ်တွင် ကုယောင်ယန်ကိုပါဝင်ရန်ဖိတ်ခေါ်ထားခဲ့ပြီး ပြီးပြည့်စုံသည့် လူသစ်တစ်ယောက်အနေဖြင့် သူ့ကိုယ်သူမိတ်ဆက်ထားခဲ့၏။

ကာလကြာရှည်တည်မြဲနေခဲ့သော မရေမတွက်နိုင်​သည့် လက်ဝှေ့စူပါစတားများက သူနှင့်ထိုးသတ်ရန် စိတ်အားထက်သန်စွာ စောင့်ဆိုင်းနေကြပြီး တရားဝင်ပြိုင်ပွဲထက် ပိုမိုခက်ခဲသွားစေသည်။ဤပြိုင်ပွဲပြီးသွားလျှင် သူက နောက်ထပ်အထွတ်အထိပ်တစ်ခုကို ရောက်နိုင်ပေလိမ့်မည်။

လေယာဉ်က ယခုညဆယ်နာရီ၌ပင်။

ခရီးဆောင်အိတ်ကို ကူညီထုတ်ပိုးပေးရင်း လင်းယွီရန်က ဖုန်းထဲတွင်ပါဝင်သူစာရင်းကို ရှာကြည့်နေ၏။အကျွမ်းတဝင်ရှိနေသည့် နာမည်တစ်ခုကို မြင်လျှင် မေးလိုက်လေသည်။

"ဒါက ဖိုင်နယ်မှာမင်းကိုရှုံးခဲ့တဲ့Chrisဆိုတဲ့ တစ်ယောက်လား?"

"ဟုတ်တယ်"

ကုယောင်ယန်က ရေချိုးခန်းထဲမှထွက်လာပြီး တစ်ကိုယ်ရည်သုံးပစ္စည်းများကို ယူကာ သူ့အားပေးလာခဲ့၏။