Heart Like Brilliant Words || ဘာသာပြန် 《Completed》

Chapter 21

မဖြစ်နိုင်ပါ။

လင်းယွီရန်ကသူ့ထိုင်ခုံကိုကိုင်လိုက်ပြီး နောက်တစ်ကြိမ် ပြန်ထိုင်လိုက်၏။သူ့လုပ်ရပ်များက ကျောက်ဟန်နှင့် ခပ်ဆင်ဆင်တူသော်လည်း ကုယောင်ယန်ကို သူလုံးဝမကြိုက်ပေ။

နှစ်ယောက်လုံးမှာယောက်ျားလေးများဖြစ်ပြီး သူတို့ခဏမျှသာသူငယ်ချင်းဖြစ်ခဲ့ကြခြင်းသာ။

တစ်ယောက်နှင့်တစ်ယောက်မရင်းနှီးကြတာကို ဘယ်လိုများသူတို့တစ်ယောက်ပေါ်တစ်ယောက်ခံစားချက်ရှိနိုင်မှာလဲ?

လင်းယွီရန်မှာသူ့အတွေးများကမှန်သည်ဟုခံစားလိုက်ရပြီး အချိန်ကိုထပ်ကြည့်လိုက်ကာ ကုယောင်ယန်လေယာဉ်ဆင်းသင့်ပြီဖြစ်ကြောင်း တွေးလိုက်မိ၏။

သေချာပေါက်ပင် မိနစ်အနည်းငယ်အတွင်း၌ကုယောင်ယန်က မနေ့ညကသူ့မက်ဆေ့ချ်ကို စာပြန်ပို့ခဲ့လေသည်။မနေ့ကသူထုတ်ထားသည့်အချက်အလက်များကို ပို့ပေးခဲ့ခြင်းပင်။၎င်းကိုကုယောင်ယန်သိပြီးသည်ဖြစ်စေ၊မသိသည်ဖြစ်စေ ၎င်းသည်အသုံးဝင်သောအချက်အလက်များဖြစ်သဖြင့် ပြန်သုံးသပ်ရသည်ကစိတ်အနှောင့်အယှက်ဖြစ်မည်မဟုတ်ပေ။

သဘက်ခါအပြင်ထွက်ဆော့ကစားမည်ဟု ဆုံးဖြတ်ပြီးနောက် လင်းယွီရန်သည်အိမ်ပြန်ကာနေ့ခင်းတွင် ခဏအိပ်ခဲ့လေသည်။တစ်ရေးတစ်မောအိပ်ပြီးနောက် သူကထကာပန်းချီကိုပြန်စတင်ခဲ့၏။

ပုံဆွဲမှုများနှင့်နည်းစနစ်အချို့ကို အချိန်အတော်ကြာ လေ့လာသုံးသပ်ခဲ့သော်လည်း ပုံစံတိုင်းကိုစမ်းကြည့်ချင်နေသောကြောင့် ကောင်းစွာမဆွဲနိုင်ခဲ့ပေ။တစ်ခါကသူ့တွင်ပုံဆွဲနည်းသင်ပေးသည့် ဆရာတစ်ယောက်ရှိခဲ့၏။

သူ့မိဘများကြားမှဆက်ဆံရေးကြောင့် ဆရာကသူ့အားကြမ်းတမ်းသည့် စကားတစ်ခွန်းမှမပြောခဲ့ဖူးပေ။ရံဖန်ရံခါတွင် သူ့အတွက်ညွှန်ပြချက်အချို့ကိုသာရေးပေးနိုင်လေသည်။တစ်နေ့တွင် ဆရာကသူ့သူငယ်ချင်းနှင့်ဖုန်းပြောနေသည်ကို ကြားလိုက်ရလေသည်။ဖုန်းထဲတွင် သူကသူဌေးသားကောင်ဆိုးလေးကို သွား၍မရှုပ်ဝံ့ကြောင်းပြောနေ၏။