Heart Like Brilliant Words || ဘာသာပြန် 《Completed》

Chapter 14

သူ့စကားကိုကြားပြီးနောက် လင်းယွီရန်သည်သက်ညှာမှုရရှိရန် အနူးအညွတ်တောင်းပန်လာတော့သည်။ဒီဘေးအန္တရာယ်မှ လွတ်မြောက်နိုင်ရန် ချိုသာလှသော စကားလေးများကိုပင်ပြောလာခဲ့၏။

ရှောက်ကျန့်၏ဗင်ကားသည် ၎င်းတို့အနီးရှိလမ်းဆုံတွင်ရပ်သွားလေသည်။ကားတံခါးကိုဖွင့်ကာထွက်လာပြီးနောက် သူ့ရှေ့ရှိထိုမြင်ကွင်းကြောင့် ခြေချော်ကာ ဖင်ထိုင်လဲကျမလိုပင်ဖြစ်သွားရ၏။

"မင်း....မင်းဘာလို့ဒီရောက်နေတာလဲ?"

ကုယောင်ယန်ကသူ့ကိုချီထားသည်ဆိုသည်ကိုထားအုန်း လင်းယွီရန်ဒီနေရာ၌ရှိနေမည်ဟုပင်သူမမျှော်လင့်ထားခဲ့မိပေ။သူ "ဒဏ်ရာ"ရနေလို့များလား?

ကုယောင်ယန်က ပြတ်ပြတ်သားသားပင် "မဟုတ်ဘူး"ဟုပြောလာ၏။ထို့နောက် လူငယ်လေးအားမြေကြီးပေါ်ချပေးလိုက်ကာ ဗင်ကားပေါ်မတတ်ခင်သူ့ဘာသူ လမ်းလျှောက်ခိုင်းလိုက်လေသည်။

လင်းယွီရန်သည် အနည်းငယ်ရှက်သွားပြီး အလွန်အကျွံမရှင်းပြတော့ဘဲ နာခံစွာလမ်းလျှောက်သွားကာ ကားပေါ်မတက်ခင်၌ ရှောက်ကျန့်အား"ကျေးဇူးတင်ပါတယ်"ဟုပြောလိုက်၏။

သူ... မပြန်သေးဘူးလား?

ရှောက်ကျန့်သည် စတီယာတိုင်ကိုကိုင်ကာ နောက်ကြည့်မှန်မှတစ်ဆင့် သူတို့ကိုကြည့်ရင်းပဟေဠိဖြစ်နေဆဲ။

ကုယောင်ယန်ကကားနောက်ခန်းတွင်အိပ်နေကာ လင်းယွီရန်ကသူ့ဘေးတွင်ထိုင်နေလေသည်။ရှောက်ကျန့်မှာ မျက်နှာရှုံ့မဲ့သွားလေ၏။ပွင့်ပွင့်လင်းလင်းမကြည့်ဝံ့သဖြင့် တိတ်တဆိတ်တစ်ချက်သာချောင်းကြည့်လိုက်၏။ကုယောင်ယန်ကမျက်လုံးကိုဖွင့်လျက် သူ့ကိုစိုက်ကြည့်လာသဖြင့်သူကြည့်တာကသိသာသွားသည့်ပုံပင်။သူကချက်ချင်းပင်ခေါင်းလှည့်ကာ ပြတင်းပေါက်ကိုကြည့်ရင်းအပြင်ဘက်မှရှုခင်းကိုသာ ကြည့်နေဟန်ဆောင်လိုက်၏။

သို့သော်အပြင်ရှိ ဘာထူးထူးဆန်းဆန်းမြင်ကွင်းကများသူ့ကို ပိုကြောက်လန့်သွားစေနိုင်တော့မှာတဲ့လဲ?

ကားသည်မျက်စိတစ်ဆုံး အဝါရောင်သဲမြေများကိုသာဖြတ်သန်းနေရကာ ၎င်းသည်မကြာသေးမီကာလများအတွင်း ဖြိုဖျက်ခံခဲ့ရသည်မြို့စွန် တဲစုရပ်ကွက်လေးသာ။