Heart Like Brilliant Words || ဘာသာပြန် 《Completed》

Chapter 39

လင်းယွီရန်မှာ သူ့စကားကိုငေးငိုင်စွာဖြင့်နားထောင်နေခဲ့လေသည်။ကုယောင်ယန်၏စကားကိုနားထောင်ရင်း သူဆွဲလိမ်ထားသောသူ့အင်္ကျီထောင့်စွန်းများက တွန့်လိမ်နေခဲ့လေပြီ။ကုယောင်ယန်က စီးကရက်ကိုဖိခြေပြီးငြှိမ်းသတ်လိုက်ပြီး ပြတ်ပြတ်သားသားပင်ပြောလာ၏။

"ကောင်းပြီ စလိုက်ကြရအောင်"

"စ—စမယ်?"

'ဘာစမှာလဲ'

"မင်းအခုမှနောက်ဆုတ်ချင်နေပြီလား?"

ကုယောင်ယန်ကပြုံးရင်းရှေ့သို့တိုးသွားကာ ဆက်ပြောလာ၏။

"မင်းကကိုယ့်ကုတင်ပေါ်မှာလဲကျနေပြီး ဒီလိုမျိုးလည်းဝတ်ထားသေးတယ် ကိုယ်ကလူသေကောင်ကြီးဖြစ်ပြီးခံစားချက်မရှိဘူးလို့များ မင်းထင်နေတာလား?"

လင်းယွီရန်မှာအိပ်ယာထောင့်စွန်းကိုဆုတ်ကိုင်ထားမိ၏။သူ၏လည်စလုတ်ကအကြိမ်အနည်းငယ်မျှ အထက်အောက်လှုပ်ရှားသွားပြီးနောက် သူ၏လက်ကအဓိကအစိတ်အပိုင်းအားရှက်ရွံ့စွာဖြင့် ဖုံးအုပ်ထားခဲ့လေသည်။သူ၏ကြည်လင်သောမျက်လုံးဝိုင်းကြီးများက ပုတ်ခတ်ပုတ်ခတ်ဖြင့်ဖြစ်ကာ ကြည့်ရသည်မှာအလွန်စိတ်လှုပ်ရှားနေသလို။

ထိုကောင်လေးသာ၎င်းကိုတွေးမိသွားပါက နောက်ပြန်ဆုတ်သွားလိမ့်မည်ဟု ကုယောင်ယန်တွေးထားမိသော်လည်း လင်းယွီရန်မှာခဏလောက်ငြိမ်သက်နေပြီးနောက် သူ့လည်ပင်းကိုပွေ့ဖက်ကာအစပျိုးရန်ပင်ဖိတ်ခေါ်လာပြီး အသံတိုးတိုးလေးဖြင့်မေးလာလိမ့်မည်ဟု မည်သူကမှတွေးထားမိမည်မဟုတ်။

"ဘာလဲ? မင်းဘာလို့မစသေးတာလဲ?"

"မင်း....."

သူတစ်ခုခုမေးချင်နေပုံရသည်ကိုလင်းယွီရန်ကသိနေသောကြောင့် အလျင်အမြန်ပင်အရင်ဆုံးစကားစပြောလာ၏။

"ငါတို့ရဲ့ဆက်ဆံရေးက ချစ်သူတွေပဲလေ ဒါကြောင့်အဲ့လိုကိစ္စမျိုးလုပ်တာကငါတို့အတွက် ပုံမှန်ပဲမဟုတ်ဘူးလား? ငါ့ရဲ့မူလရည်ရွယ်ချက်ကမကောင်းဘူးဆိုတာကို ငါဝန်ခံပါတယ် ဒါပေမဲ့ငါဒီနည်းလမ်းကိုတွေးကြည့်နိုင်တယ်ဆိုတည်းက ငါအဲ့တာကိုမင်းနဲ့အတူတကယ်ကြီးလုပ်ချင်တယ်လို့ဆိုလိုတာပဲလေ ငါမင်းကိုကြိုက်တယ်.....ငါမင်းနဲ့အိပ်ယာပေါ်တက်ပြီး.....အတူအိပ်ဖို့ဆန္ဒရှိတယ်"