နောက်တစ်နေ့ Light 3ကလပ်၏တတိယထပ်၌။
လေ့ကျင့်ရေးခန်းမထဲ၌ ကစားသမားငါးဆယ်မှာသေသေသပ်သပ်တန်းစီနေကြ၏။
လင်းယွီရန်လည်းရောက်နေခဲ့လေသည်။သူသည် တုန်ရီနေသောလက်ကိုမြှောက်ကာ အဖွဲ့အလယ်၌အင်တင်တင်ဖြင့်ရပ်နေပြီး စိတ်ပျက်လက်ပျက်ဖြင့်မျက်လုံးများကိုကာထားသော မုန်ဟူကိုနှုတ်ဆက်လိုက်လေသည်။
မနေ့က သူတို့၏အစီအစဉ်ပျက်သွားပြီဖြစ်ကြောင်းသူ့အားပြောပြရန် လင်းယွီရန်ကမက်ဆေ့ချ်ပို့ခဲ့လေသည်။သူသည်မူလက ကုယောင်ယန်မှာ၎င်းတို့၏အစီအစဉ်ကဆက်နွှယ်နေသည်ဟုမခန့်မှန်းနိုင်ကြောင်းယုံကြည်နေပြီး မျှော်လင့်ချက်ခပ်ရေးရေးမျှရှိနေသည့်တိုင် ထိုသူကတော့အကုန်လုံးကိုရှာတွေ့သွားခဲ့လေသည်။
အဖွဲ့၏ရှေ့ဆုံး၌ရပ်နေသောကုယောင်ယန်သည် သူ့လက်၌ပတ်တီးစကိုပတ်နေလေသည်။သူကထိတ်လန့်ကြောက်ရွံ့နေကြသောကစားသမားများကို တစ်ချက်ကြည့်လိုက်ပြီးနောက် ခေါင်းကိုလှည့်ကာ ပျာယာခတ်နေပြီးသူသာဆွဲမထားပါကထွက်ပြေးရန်အတွက်ပြင်ဆင်နေသည့်လင်းယွီရန်ကိုကြည့်လိုက်၏။
မစ္စတာကျန့်လည်းရောက်လာ၏။မနေ့ကမုန်ဟူ၏အစီအစဉ်၌ပါဝင်ခဲ့သူအားလုံးက ဤနေရာ၌ရှိနေခြင်းပင်။
ကုယောင်ယန်ကမုန်ဟူကိုတစ်ချက်ကြည့်ကာ အေးစက်စွာဖြင့်မေးလိုက်လေသည်။
"မင်းရဲ့လေ့ကျင့်မှုကအရမ်းခက်လို့လား?"
မုန်ဟူမှာစကားတစ်ခွန်းမှမပြောဝံ့ပေ။
သူကဖန်းမောင်ကိုကြည့်လိုက်ကာ ထပ်ပြောလာ၏။
"ရုပ်ရှင်ကကောင်းလား?"
ဖန်းမောင်ကမျက်နှာချိုသွေးကာပြုံးရင်း
"ကောင်းတယ် အရမ်းကိုကောင်းတာ"
ထို့နောက် သူကလင်းယွီရန်ကိုမေးလာလေသည်။
"မင်းသူတို့ကိုကောင်းကောင်းသိလား?"
လင်းယွီရန်ကကမန်းကတန်းခေါင်းခါကာ ပြန်ဖြေလိုက်၏။
"မသိဘူး ငါတို့ကမရင်းနှီးဘူး"
ESTÁS LEYENDO
Heart Like Brilliant Words || ဘာသာပြန် 《Completed》
RomanceTittle: Heart Like Brilliant Words(心似耀言) Author: One Puffed Rice Cake (作者:一个米饼) English Translator: RoaminGoldfish (Lazy Girl Translation) Chapters: 56 Chapters (Completed) "𝗙𝗿𝗼𝗺 𝗻𝗼𝘄 𝗼𝗻, 𝗬𝗼𝘂'𝗹𝗹 𝗯𝗲 𝗮 𝗯𝗶𝗴 𝘀𝘁𝗮𝗿, 𝗮𝗻𝗱 𝗜'𝗹𝗹 �...
