البارت1
من قصة القسوة لا تنسى
بقلمي انا..... latifa el
******.......مامااااااااا عافك امااما اجي شوفي فيهم كيضربوووووني اماما كيضربوني عتقني امااااااماااااا انا كنستناااااك اماما هئ هئ هئ
حلات عنيها وناضت كلسات مفزوعة في بلاصتها حاطة يديها على قلبها كيضرب بجهد ناوي اخرج من بلاصتو شعلات ضوء وسندات على لكادر دنامسية كاتشوف فسقف وحاطة يديها على عنقها كتماصي فيه تنهدات وتحنات هزات كاس ديال الماء شربات منو جغمة
وحطاتو تنهدات ورجعات تكات في بلاصتها كتتفكر في الحلمة لي كانت عبارة على ولد صغير كالس على واحد الكورسي ومربوط من يديه ورجليه وكيبكي وكيغوت وكيقول ليها ماما ولكن الوجه ديالو مباينش نهائيا وغادة جيهتو عافية كبيرة من موراه وقدامو وعلى جنابو ومرا مرا كنقيسو فرجيلاتو وكيبكي وكيغوت ودموع كيطيحو فلرض بحال الشلالة
تنهدات هزات تليفونها شافت شحال فشهر لقاتها 20/3 تنهدات فبحال هاد اليوم تزاد ولدها لي هزاتو مرا وحدة بين يديها وشمات ريحتو مرا وحدة ولحد يومينا هادو مزالة راها فنيفها
شافت جيهت الشرجم لي كان خيوط الصباح بدات كتبان فسماء السوداء ولي كتعلن انا الان موعد الفجر
كتشوف فدوك الخيوط وكتبتاسم
جيهان.......ولدي حبيبي دازت 7 سنين من حياتك اليوم غادي تكون فرحان حيت باباك غادي ادير ليك عيد.ميلادك وغادي اجيبو ليك بزاف ديال الهداية وكاينة جداتك وجدك وحتى عماتك وعمك غادي.اجيبو ليك هداية زوينة وغادي.تفرح بزاف انا عارفة هادشي لي غادي اكون كيوقع ليك عارفة بالي غادي تكون فرحان وبزاف ولكن حتى انا بغيت نكون معاك ونعنقك ومعرفك غير فين كاين فين داك باباك لي بسبابو تفرقنا هاد السنين كاملة بسبابو بسبابو هو مخلانيش نشبع من ريحتك مخلانيش نشبع منك ونبوست اول بوسة درتها ليك هي لي كانت اخر بوسة هو لي مرحمناش ومعدبني هاد.السنين كاملة على طرف كبدتي بعدها عليا وانا معرفاش علاش شنو وقع وشنو هادشي كامل لي انا فيه ولكن متخافش اولدي ماماك غادي تجيبك وغادي تبقا حدايا وقدام عنيا كس بقيت كنقلب عليه 7 سنين دازت من حياتي وانا كنقلب غادي ندوز 7 سنين اخرا والى كلفني الامر حياتي كاملة نبقة نقلب عليك حتى نلقاك وخا اوقع لي وقع
تنهدات وناضت دخلات لدوش دوشات عليها وخرجات لبسات عليها جلابة طويلة مع فولار هزات صلايتها وصلات لفجر دعات شوية الله اعونها تلقة ولدها وناضت طوات السجادة وحطاتها في بلاصتها وخرجات مشات الكوزينة وجدات قهوة راسها وحطاتها على الطابلة وهزات بسكوي حطاتها حتى هي وكلسات كتشرب ديك القهوة وساهية تنهدات وناضت مالي سلات لبسات صباطها وهزات ساكها وخرجات وسدات الباب موراها متاجها لفين كتخدم
بقات غادية على رجليها وكيعجبها هاد الجو البارد ديال صباح تشمو داكشي علاش كتفضل تخرج بكري فاش مزال كيكون كولشي ناعس وكايكون الكالمة وريح نقي بقات غادية شي ساعة ديال المكانة عاد وصلات فين خدامة كان واحد الصالون كبير بزاف ومعروف فلمدينة ومكيجيو ليه غير ناس الهاي وناس الخامجين فلوس تنهدات ودخلات هي لي كتفتح المحال ديما حيت هي لي كتجي بكري حلاتو ودخلات لداخل كدور فيه كان متكون من جوج طوابق دخلات لواحد البيت كان كلو خزنات جبدات ساروت ديال خزانتها حلاتها وحطات فيه صاكها وجبدات منو تليفونها وسداتها وخرجات مشات جيها لخراة لي كانت كولها مراية وفيها كراسة واي حاجة كيحتاجوها باش اقو للكليان لي كيجيو عندهم مشات جيها لي كتخدم فيها هي هزات دوك المشطات رقداتهم فالصابون غسلاتهم مزيان عاد بداو الخدمات لي خدامين معاها كيجيو وشافت المسؤولة عليهم جات كتضحك
هند.....اوا حبيبة صافا
جيهان.....صافا ونتي
هند.....صافا صافا مزيانة امدرة اش كديري
جيهان....والو كنقاد.حوايج لي كنخدم بيهم علاش
هند....اممم ونقاوة نتس اختي سبحان الله وكولشي كيسول عليك غبرتي عليهم سمانة كولشي كيجي حتى لهنا فاش مكيلقاوكش كيمشيو فحالهم
جيهان....اوا الوحد هو لي يخدم بنيتو
هند.....وصراحة صراحة ديال الله نتي لي مفوجا هاد الصالون هاديك لي راجلها وزير في كلومبيا مالي جات هنا وقادتي ليها داكشي وهي مطلعا اسمك الفوق الفوق وحتى من هاديك التصويرة لي تصورتي معاها شتها مليوحة في اي بلاصة كتشكر خدمتك
جيهان كتكمل شغالها....اوا الله اجازيها على خير
أنت تقرأ
القسوة لا تنسى
Misteri / Thrillerستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
