القسوة لا تنسى

البارت78

البارت78
من قصة القسوة لا تنسى
بقلمي انا.... latifa el

هي شهقات من الخلعة وشدات على عنقها كتكحب مشا عندها دغيا شد فيها حيت لقاها شادة فالحيط
مجيد......جيهان مالكي.واش دار ليك شي حاجة
جيهان كتهز راسها بلا وهو امشي كيجري جيهت صاكها حلو جبد منو قرعة ديال الماء وعطاها تشرب وكلسها على واحد الكورسي كترجع النفس
مجيد كيشوف فيها كفاش كتشهق.....مالكي علاش جيتي لهنا ياك قولت ليك متبقايش تجي عند هاد الحيوان ونتي مكتسمعيش الهدرة غادي.تقتلني غير بالفقصة سمعي هدرتي ولو غير مرا وحدة في حياتك
جيهان شافت فيه كتشوف الخوف فعنيه عكس مجد لي كان كل هدرتو استحقار  وكره
جيهان طلعات عنيها فيه.....سمح ليا
مجسد بقا كيشوف فيها وخا تعصب عليها ولكن كيحاول ميضربهاش حيت كيجيبها غير فصحتو كتر منها
مجيد مد ليها يدو....ياله نمشيو
جيهان بقات كتشوف ليه فيدو شحال وهي تمد ليها يدو شدات فيه وناضت خارجي
وصلو لباب ديال برا وهي تسمع شي ضربة مع الضورة غادي.دور  وهي تشوف مجد شاء واحد لحديدة فيدو وكيشوف فمجيد
مجيد لي خاط يدو على راسو من لور ودار عندو وعنيه مضبيبين  وهو اطيح على طولتو فلرض
جيهان غوتات......لاااااا مجيد
طاحت حداه على ركابيها كتشوف فيه هزات راسو لي عامر دم حطاتو  على فخادها وهي تشوف فمجد كتغوت.....عيط لمبيلونص اشما*اااتة عيت عليهم اش هادشي درتي فخوك الوحش
مجد.تحنا عندها وشدها من فكها وزير عليه.....غادي.تسدي.فمك.ولا مايعجبك حال سمعتي ولا لا
جيهان سكتات وكتشوف فيه وكتشوف فمجيد لي غارق فدمو بين يديها وهي تبدا تغوت باش اسمعها مول التاكسي

جيهان.....عافك اخوية عوني اجي نديوه لسبيطار عافك اخوية
بقات كتعيط شحال اما داك مول التاكسي غير سمع صبيطار وهو اكسيري مخلي لعجاج موراه مدارش جيهتها
جيهان كتغوت.....شما*يت مبقاوش رجال تفو

شافت فمجد لقاتو داخل لداخل بحالة ماشي خوه لي كيموت برا وبسبابو بقات كدور فعنيها وهي تنوض حتات ليه راسو فلرض ومشات كتجري لطونوبيلتو حلاتها لقاتها محلولة وهي تركب بلاصت الصوكان وبقات كتشوف شحال شنو دير وهي ديماري وهي تكسيري غادية جيهت الباب موقفات حتى وصلاتها حدا باب الدار وهي تهبط حلات الباب لي جنبها ومشات عندو شداتو من كتافو وبدات تجر فيه جاها تقيل بزاف ولكن كفحات حتى وصلاتو حدا الطنوبيل بقات كتشوف فيه كي دير ليه باش طلعو لطونوبيل عنقاتو من كرشو وبدات تلعو وهي تزدح ليه راسو مع الباب
جيهان.....اوووف انا كنزيد ليه ياربي عوني

بدات كتهز فيه حتى طلعاتو دارت ليه الصمتة وتكات ليه شوية الكرسي وسدات الباب ودارت حيها لخرة وركبات وهي تعفط عفطة وحدة مكسيرية غادية فطريق مخلية لعجاج موراها