القسوة لا تنسى

البارت36

البارت36
من قصة القسوة لا تنسى
بقلمي انا.... latifa el

الياقوت مخنزرة.....دير شي حاجة الحاج هنينة منها دير شي حاجة

الماعطي هاز كارو فيدو شاف فيه وبتاسم ورجع شاف فسرجم قدامو.....غدا غادي اجيبو ليك خبارهم بجوج لا هي لا ولدها غير كوني هانيا
الياقوت باست ليه كتفو.....دير داكشي لي تقد عليه غير متخليهاش تلعب فعقل ولدنا مرا خرا وتدخل لهاد العائلة انا عارفة بالي عنيها فيهم شرارة كبيرة تجاه هاد العائلة هي غارت من عائلتنا بزاف حيت هي اصلا باها جرا عليها مالي عرفها حاملة وانا اجيب ليا هنا بنات زناقي هادي راه دار ماشي كوري ديال لكلبات
الماعطي......كوني هانيا الالة الياقوت

بتاسم وناض مشا انعس

كان واقف حدا الباب سمع كولشي وهو كمش يدو وعنيه خارجين......مستحيل نخليها توقع ليها شي حاجة مستحيل ماشي بهاد السهولة

كانت كالسة فبيتها كتمشط شعرها وأجاويد كالس حداها كيحفض القرآن  ديالو وهي مرا مرا كيعرض عليها وتعاونو فلحفاضة

جمعات شعرها فواحد بلاستيكة وهي تسمع صوت الساروت فالباب عقدات حجبانها ناضت مشات تشوف شكون كيحل عليها الباب مع الخرجة ديال البيت وهي تشوفو واقف لابس نفس اللبس سروال جينس مع قبية وملتم وجهو وداير نضاضر هبطات عنيها نيشان ليدو وهي تشوف نفس سنسلة لي كانت عندو فالفيديو ديال المدرسة هنا برد ليها الماء فركابي حتى لحلاقم باش تغوت مبقاوش......

صبح صباح جديد بأحداث جديدة ومشوقة اكثر وغموض وراء غموووووض

حل عينو على صوت تليفون ديالو كيصوني مد يدو جاوب حاس براسو عيان ليلة كاملة وهو خدام منعس حتى قرب اطلع نهار هز التليفون جوب كان واحد من لكارد ديالو
مجد.....الو ....شنو......وخا وخا

قطع عليه وناض هز سروالو لبسو وهز تيشورت فيدو غادي وكيلبس فيها هبط كيجري فدروج وهو اتلقة مع مو
الياقوت....ولدي مالك اش واقع
مجد.......الوليدة منبعد منبعد ولدي وماماه كيموتو حتى نجي قال هاد الهدرة وخرج خلاها مفاهمة والو وهي تطلع الفوق عند الماعطي كان مزال ناعس
الياقوت....المعطي والماعطي وتا نوض
الماعطي......شنو كاين يا هاد لمرة
الياقوت....وتا نوض ماعرفتش اش واقع راه مجد خرج كيجري قال ليا بالي راه ولدو وماماه كيموتو اش درتي
الماعطي.....امممم غير قولت لواحد السيد اشعل العافية فديك العمارة كاملة مادرت والو
الياقوت كلسات عاد سرات معاها.......اولي على العمارة كاملة والى عرفو هادشي
الماعطي....واش الى عطيتي لشي واحد لفلوس كيدوي
الياقوت....لا
الماعطي....اوا داكشي انا هداك لقيتو محتاج لفلوس وقولت ليه اقضي ليا الغارض اصلا مالي غادي اوصل ايلقة مول الامنو دا امنتو
الياقوت ناضت خرجات مزادتش معاه الهدرة وهو تقلب على جيها خرا ونعس

وصل بعد مدة ديال طريق هبط من اللوطو ديالو وهو كيشوف العمارة كاملة كتتحرق وشي اصوال من لداخل كيتسمعو كيغوتو وكيبكيو وشي وحدين مزال موصلاهمش العافية بزاف كيغوتو من شراجم
مجد تم غادي ادخل وهو اشدوه البوليس
مجد كيتنتر منهم....طلقو مني طلقو خلوني نمشي نعتقهم شوفو فيهم كنسمع لولدي كيعيط عليا طلقوووووو
البولسي....اسيدي خلينا نديرو خدمتنا راك كتعطلنا حنا خلينا
مجد كيتنتر.....راه ولدي ومو لداخل كيفاش نخليهم تماك كفاااااااااش خليوني
بقاو معاه حتى ركبوه في اللوطو ديال الشورطة وسدو عليه خلاوه لداخل كيتعصر باغي اخرج وهو كيشوف فديك العمارة كولها كتتحرق وحتى من الأصوات لي كانو كيغوتو تقطعو مبقة لا صوت لا والو حط راسو على الكورسي مرجعو اللور وكيشوف فديك الدار لي ولات كولها رماد وقلبو حاس بيه مزير عليه بزاااااااف