القسوة لا تنسى

البارت71

البارت71
من قصة القسوة لا تنسى
بقلمي انا.... latifa el

فاقت من شرودها على صوت الطبصي تحط على الطابلة رفعات راسها لقاتو كالس مقابل معاها وزوليخة كتحط على الطابلة وكلسات معاهم باش اتعشاو
هزات طرف الخبز وبقات كتاكل ولقمة الولة لي حطاتها في فمها قاص ليها الجرحة غمضات عنيها بلحريق وبقات كتاكل كتحاول متشوفش فيه ولكن هو حاضيها وكيشوف فيها كفاش كتتألم وكيلوم راسو الف مرة حيت هو سباب هو لي دار ليها هادشي كامل
بقا كياكلو حتى سلاو وهي تنوض كتجمع كتعاون زوليخة فجميع حتى سلاو عاد خرجو من الكوزينة وهي تشوفو كالس فالصالون غير شافها عيط عليها
مجيد.....جيهان اجي
جيهان مشات عندو وكلسات حداه....شنو
مجيد.....دوال راهو فوق الكابلة شربي منو حبة دبا وبقاي تخدي.منو جوج فنهار مورة الماكلة بنص ساعة
جيهان.....وخا شكرا
هزات داك دوا شافت فدوا ورجعات شافت فيه ......ماشي ديالي هادة
مجيد رفع راسو فيها وهدر وهو مغوبش......اكيد مغاديش اكون بحال لاخر حيت هادة قوة من لاخري ولات كتجيك لكريز خطيرة رادي البال لصحتك
جيهان شربات منو حبة وشافت فيه.......هادشي كامل بسبا
مجيد قاطعها....بسبابو
جيهان تفكراتو بصح هو سبابها فهاد المرض نتهدات ورجعات سندات على الفوطوي كتشوف فمجيد لي خدام فبيسي ديالو وكتشوف فيه وهي تنطق......امتى غادي.نشوف ولدي
مجيد.......دبا خدام مغاديش نهدر فهاد المضوع ورااكي عارفة اش وقع اخر مرة مشيتي لتماك ومنخليكش تمشي تاني لديك الدار اما ولك عدغادي.نجيبو ليك حتى لهنا
جيهان تنهدات وناضت مفقوصة......اوك
طلعات الفوق كتشوف فيه غادي.تمشي تنعس وهاد.الدار فيها غير جوج بيوتة بيت نعسات فيه زوليخة ولاخرج ديال هاد بوركابي كي سماتو تنهدات ومشات لبيتو دخلات ليها بدلات عليها حوايجها لبسات بجامة  سروال وتريكو بلكمام جمعات شعرها بلستيكة الفوق وتخشات فالنامسةي متكية حاسة براسها فشلانة حيت ديما فاش كيبدل ليها دوا طبيب كيفشلها في الايام لول عاد.كتأقلم معاه مع المدة

كان باقي خدام  حتى ضربات جوج دليل تنهد وناض جمع من تماك وطلع الفوق دخل شافها ناعسة عرف دوا تغا عليها مشا حيد.عليه دغكشي لي كان لابس لبس غير شورط مكيحملش انعس متقل بلحوايج  مشا جاب مانتا ومخدة وحطهم على الفوطوي وتما من بعد.ما طفا الضو وخلا ليها غير ضو خفيف وبقا كيشوف فيها مدة عاد.داتو عينو

كان واقف قدام الشرجم وكيهدر فالتليفون مبتاسم ......اه هي هاديك.صافي المهم غدة وجد.ليا الطيارة الخاصة غادي.نمشي ل ميلانو  المهم صيفط ليا الموقع ديال الشريكة وغدا نكون تماك......اوك صافي سير دبا منبعد

قطع معاه وشاف فولدو وبتاسم......غادي.نشوفو اش دير اسي مجيد الكرطيط

تنهد.وزاد داخل للبيت تكا بلاصتو ونعس

في بلاصة خرا كان غادي حاي فالبيت وهي كالسة فوق النامسية
الماعطي.....شنو غادي.نيدر دبا هو هرب وعارف كولشي الى عندو شي داليلي على هادشي لي درنة فيه راه غادي.نمشي فيها كاملين
الياقوت متبكي......اولي شنو نديرو فهاد.الوحلة ياربي عاونا
الماعطي......شوفي انا خاصني نمشي منها غاني نهرب ولا نشوف اش ندير مغاديش نبقة هنا حيت الى جينا ليه فبلانو غادي.اقتلنا
الياقوت ناضت وقفات.....وشنو ندير انا لي غادي.تخليني هنا بوحدي ها
الماعطي.....ولا غير باش تهدن الوضع ونرجع
الياقوت.....لا هنا تبقا ولا نمشي حتى انا حاجة من جوج