البارت107
من قصة القسوة لا تنسى
بقلم.... Latifa el
كانت كالسة فبيتها وكتشوف فلمراية قدامها كانت لابسة قفطان فلبيض هابط مرصع بلعقيق كامل جيهت صدر وعندو صمطة رقيقة جاها صامبل وفنفس الوقت راقي بزاف
وكانت مقادة فولار انيق بيضة حتى هي ودايرة فوق منو طرحة على وجها مخبية وجها بيه وكانت ديرة مكياج تقيل اواتي للعروسات
رفعات على وجها الطرحة وشافت فلمرية كتشوف فراسها اليوم غادي تولي عروسة لواحد الراجل مكتعرفووووش ومكانتش جا على بالها هاد نهار اكون هاكة كاع
غمضات عنيها فاش سمعات الباب تحلات....
كان سطح عامر ناس مزينينو وطبالي فكل مكان مدورين عليهم لكراسة والبرزة ديال لعروسة فواحد الجنب مزينة حتى هي زينة مميزة لهاد نهار كولشي فرحان وكيغني والنكفات شي طالع شي هابط والنقاشة كالسة فجنب كتستنا لعروسة تجي باش تنقش ليها وكايتة فواحد الجيها واحد الطابلة مدورين عليها 5 ديال لكراسة ومزينة باين تماك غادي اتكاتبو العقد حيت كولشي غادي اديروه فنهار واحد
اما اجاويد كان واقف فالباب ديال الدخلة لسطح وكيشوف فيهم وعنيه مدمعين حيت عارف مزيان بالي مو غادي تمشي مع واحد اخر وغادي تخليه هنا مع و وفاظمة لي مرا مرا دور توسوس ليه وتمشي كتلعب ليه فعقلو
كان واقف بعييد شوية على باب العمارة وكيشوف فالدار ديالهم لي نايضة فيها الحيحة وسطح لي كياسمع منو موسيقة مجهدة
دور راسو لكارد ليكانو مراه ودوا...... غادي نطلع دبا ونتوما حطو عنيكم على الوضع ونت دير داكشي لي قولت ليك
لكارد.... وخا اسيدي
هبطو هو ولكارد وتمو قاصدين العمارة طلعو الفوق حتى وصلو لدارهم لي كانت بابو مفتوحة والناس شي طال ع شي هابط من سطح
دار اشارة للكارد طلع لسطح اما هو دخل لدار كيقلب عليها فين هي حتى وصل لبيتها وشاف مع جنابو وفتح الباب
غير فتح الباب دخل وسد الباب موراه
دارو عنها وهو القاها كتشوف فيه كانت لابسة ومقادة بقا غير كيشوف فيها شحال جات زوينة سحروه عنيها لمكحلين بقا غير كيشوف وهي تنوض كتشوف فيه
جيهان.... مجيد
مجيد مشا عندها وشد ليها على فمها.... شششش
جيهان كتعاول تبعد عليه.... اش كدير هنا
مجيد.... ششش جيت نديك. منهنا انا عرف بالي نتي مبغتيش تتزوجي بيه سكتي دبا
جيهان بقات غير كتشوف فيه مالو هادة واش ماشيهو لي جرة عليها من سبيطار وقال ليها تبعد منو وبالي كيكرها شنو تبدل دبا
جمعات كل قوتها ودفعاتو من عليها...... بعد مني متقصنيش انا بغيت نتزوج بهاد الراجل حيت هو طلع راجل عليكم عرفتي علاش حيت هو قصد دارنا ماشي بغا اتفلو عليا بحالكم اشمايت
مجيد خنزر فيها..... اش ها....
ممشا فين اكمل الهدرة وهنا اسمعو الدقان
جيهان.... اولي اولي دخل دخل
كتدفعو جيهت الدوش باش ادخل اتخبع زعما
مجيد..... شش مالكي
طاهر من مورة الباب..... جيهان واش يمكن ليا ندخل
جيهان دفعات مجيد داخل اوش وهو اجرها معاه وسد الباب
وكلاها مع الحيط كيشوف فيها.... شكون هادة لي كيدق
جيهان كتشوف جيهت الباب وهي تسمع باب البيت تفتح
جيهان شافت فيه لقاتو باغي اهدر وهي تحط يديها على فمو كتحاول تسكتو
جيهان..... ششش عافك سكت
مجيد بقا كيشوف فيها فعنيها لي شبه مدمعين باينة فيها وفحالتها بالي معجبها حال على هاد زواااج
مجيد..... كفاش نسكت شكون هادة اجيهان
جيهان..... راجلي
مجيد زير عليها مع هاد الكلمة لي قالت وتحنة عند ودنها وهدر بهمس وفنفس الوقت بصرامة...... مغادي اكون حتى شي واحد راجلك من غيري ديريها فمخك
أنت تقرأ
القسوة لا تنسى
Mystery / Thrillerستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
