القسوة لا تنسى

البارت12

البارت12
من قصة القسوة لا تنسى
بقلمي انا.... latifa el

مالي قالت ليه جيهان ديك الهدرة وهو اخرج معصب ركب اللوطو ديالو وكسيرة نيشان لدار وصل لقا الناس مشاو فحالهم من غير العائلة لي بقات مشا نيشان شنق على نرمين وقجها مع الحيط
مجد كيغوت.......شكون نتي الكلبة لي تدوشي ليا لولدي انا بماء بارد ها
نرمين ولات كتقفقف عمرها شافتو فديك الحالة لي ولا فيها دبا
مرمين كتتخنق وكتحاول تغك راسها.....كح كح كح
مجد طلقها وهز يدو حتى لفوق وعطاها ليها لوجه.....نتي يا الكلبة لي كونتي كتقولي ليا أجاويد دار شي حوايج لي مدايرهم وكياكل لعصة والعقوبة كياخدها نتي غادي تجمعي شطايطك منهنا وغادي تمشي فخالك سمعتي غادي نمشي نجيبو الى لقيتك مزالة هنا غادي نمحيك من هاد الدنيا

قال ليها هاد الهدرة وخرج  ركب اللوطو ديالو ورجع للمستشفى مالي وصل ملقاهمش سول عليهم قالو ليه خداتو معاها جيهان بقا كيعرعر عليهم تماك وخرج كيقلب عليها فين داتو

جا نهار جديد⛅⛅
حل عنييه حاس بعنقو مقسوم بقا كيسرح فيه عاد توكد كان ناعس فاللوطو عيا اقلب ليل كامل والو وتقول واش لقاها تنهد وكسيرة راجع لدار  دخل لقاهم فوق الطابلة ديال لفطور شاف فيهم وخنزر وزاد طالع الفوق حتى واحد منهم ماهدر معاه
الياقوت....هاهي ديك اللفعة رجعات تاني لحياتنا وغادي دير لينا تاني المشاكيل شافها مرا وحدة وشوف كي ولا وزيد عليها الى طولات
سارة....ولكن شكون عدهادي اخالتي
الياقوت....هاديك هي اللفعة لي كان معاها فلول وهي مامات دتك المنحوس
محمود....الوليدة الله يهديك اش هاد الهدرة كتقولي
الياقوت خنزرات فيه.....نتوما ديما كتجيو من جيهاتها منعرف اش دارت ليكم ومتنساوش هي لي كانت غادي تفرق شمل عائلة الكرطيط كامل
الماعطي (اب مجد) ناض وقف.... براكة علينا من الهدرة بزاف هادشي كل نهار مشاكيل كونا هانين مالي خرجات من حياتنا هاديك اللفعة ودبا بانت فنهارها دارت مشاكيل منحوسة كي هي كي ولدها طلع ليها ساربي السلامة  من الاحسن نرميو ليها ولدها وتمشي تبعد منا منعرفوها متعرفنا
مجد من موراه.....هاديك لي عمرها ماتحلم بيها غير كون هاني
الماعطي  دار عندو......مجد فين هو ولدك
مجد كلس وهز قهوة.....معرفت فين داتو هاديك
الياقوت.....ولدي عافك دير عقلك عنداك تغريك تاني وتتبعها كي لول شوف راه مراتك دبا وخا بسبابها تفسخ العرس وكولشي مرون
مجد طلع فيها عنيه......كي كنبان ليك كنرضع صبعي لا
الؤاقوت....حاشة اولدي
محمود طبطب على كتف مجد......خوية دير عقلك
مجد شاف فيه.....ولدها عمرها تحلم بيه ياك 7 سنين وهي بعيدة عليه ودبا لاش جات تاني ترجع فين كانت ناض وقف وشاف فسارة.....ونتي نجي لدار منلقاكش هنا رجعي لدار باك وكولشي بسبابك ونتي لي جبتيها لهاد الدار اوا تحملي العواقب لي غادي اجيوك
قال هاد الهدرة وخرج

خرج ركب اللوطو ديالو وكسيرة كيقلب تاني عليهم وهو اتفكر الصالون لي خدامة فيه تنهد وجبد التلي ديالو وصونة لسارة
بقا كيصوني شحال وهي تجاوبو كتتنخصص
سارة.....عافك احبيبي خالني معاك علاش غادي تعاقبني على شي حاجة انا ماليا يد فيها
مجد خنزر.....غادي تعطني العنوان ديال الصالون لي خدامة فيه جيهان دبا سمعتي ونتي سيري لداركم حتى نشوف هاد لحريرة
قال ليها هاد الهدرة وقطع عليها وهو اسمع مساج حاه من عندها فتحو لقا فيه العنوان وكسيرة نشان لداك العنواااان غادي ومعصب لأقصة دراجة

🙊🙊🙊