البارت100
من قصة القسوة لا تنسى
بقلمي انا..... Latifa el
حل عنيه حاس براسو مدكدك وحاس بعضامو خلاص كولهم عاطيه لحريق دور راسو فالغرفة وتفكر داكشي لي واقع ليه تنهد وناض كلس وهو اشوف الغالي داخل
الغالي..... مجيد كي كتحس براسك
مجيد ناض كلس..... مزيان دبا
ناض بغا انوض ولكن وقفو الغالي..... ستنا فين غادي راه ياله فقتي من العاملية امجيد فين غادي
مجيد.... الغالي خلني وشكرا على مساعدتك ليا ولكن خاصني نمشي منهنا نشوف جيهان فين هي قبل مايدير فيهم هداك قليل لحية شي حاجة
الغالي... والجرح
مجيد..... صافي غير كون هاني من هاد الناحية
ناض هو لبس حوايجو وخا خاس براسو عاطيه صداع جيهت الجرح تنهد وخرج من المستشفى ركب اللوطو درالو وكسيرة
بقا غادي. مدة وخا هو شوية ديال الدوخة شداه ولكن حاول اسيطر على راسو ومن بين عنيه غير جيهان لي دبا راه يمكن غادي. اكون واقع ليها شي حاجة بسباب مجد ولا باباها حيت اخر مرا قال ليه اجاويد بالي راه غادي ازوجوها
بقا غادي مدة حتى وصل لداهم وقف بعيد شوية على الباب ديال العمارة لي ساكن فيها بابات جيهان وبقا كيستنها غير تبان
ياله وصلات لواحد القهوة دخلو ليها طلبات لفطور فطرو عاد ناضت خرجو من تماك من بعد ما خلصات وشدات فيد ولدها غادية بيه تيجاه واحد الملاهي كبير وفيه جميع انواع الالعاب هو مغطي بسقف تمو داخلين واجاويد غير كيدور فعنيه عاجبو الحال
اجاويد.... ماما واش غادي نلعبو فيها
جيهان هزات راسها.... اه اولدي ختار لي عجبك وسير تلعب
هو مشا كيجري لواحد الجيها فيها واحد دويرة ومتوصطها واحد العمود كبير ومدورين فيها حيونات وكدور
جيهان قربات ليه..... انا حيوان بغتي تركب عليه
اجاويد بتاسم وورا ليها جيهت واحد الاسد.... بغيت نركب على هداك
ضحكات وتمات غادية جيهتو ركباتو عليه وبدات كدور بيه ديك لعيبة وهو عجبو الحال ولاطفال كيغوتو وحتى هي كيغوت ماشي خايف لا وانما عاجبو الحال
هي بقات كتشوف فولدها وكلما هبط من شي لعبة ديمشي لوحدة خرا وكيضحك حتى عيا عاد هبط منهم تقريبا كولشي ركب فيه
شافت فالساعة لقاتها 1:30
ديال لعشية تنهدات ومشات عندو
جيهان... حبيبي ياله نمشيو دبا
مشات خلصات وخرجو من تماك وهو عاجبو لحال دخلو لواحد الريستو طلفو طاكوس تغداو عاد خرجو
جيهان.... دبا فين نمشيو
اجاويد..... ماما بغيت غدا نمشي نقراة
جيهان..... وخا حبيبي ياله نمشيو لشي مكتبة نشري ليك حوايج مدرسة
بقات غادية حتى وصلات لواحد المكتبة وبقات كتشري ليه لكوتابات لي بقاو ليه فدار عند مجد ومستحيل تمشي تقوليه اعطيهم ليها فضلات تشريهم ليه من جديد وترضو يقرة فنفس المدرسة لي كان كيقرا فيها باش ميحسش بالنقص
شراو داكشي لي خاصو وتمو راجعين لدار من بعد ما شدو طاكسي
كان مزال كيستاها تخرج والو وهو اكسيري قلب الدورة غادي راجع لدار وهو اشوفها هابطة من الطاكسي هي واجاويد وقف اللوطو وبقا كيشوف فيهم من بعيد كيشوف ليها فوجها كيفراها واش موقع ليها والو فهاد ليمات لقاها هي هي تنهد ورجع كسيرة غادي. تيجاه الدار
وصلات لدار تمات داخلة لدار فتحات الباب وهي تشوف بزاف ديال الناس في الدار وهي تخرج ليها
فاظمة..... هيه فين كونتي واش نبقة حنا نستناو فيك
جيهان مافهمات والو.... شنو واقع هنا
فاظمة..... زيدي قدامي
أنت تقرأ
القسوة لا تنسى
Misterio / Suspensoستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
