البارت15
من قصة القسوة لا تنسى
بقلمي انا..... latifa el
كان كالس حدا ماماه كيشوف فيها هز يدو حطها على جباهتها لقاها سخونة وهو ابدة ازعزع فيها وعنيه مدمعين.....ماما ماما عافك فيقي شوفي فيا اماما
بقا كيشوف فيه وجيهان مغيبة مكتحس بوالو ناض مشا للكوزينة هز واحد السطل هزو دار فيه ماء وجا كلس حداها بقا كيشوف على الله القا شي حاجة وهو اشوف تيشورت ديالو هزها وبدا كيديرها بداك الماء ويكيرها ليها على جبهتها وكيشوف فيها وعنيه مدمعين
أجاويد.....ماما عافك شوفي فيا حلي عنيك اماما عافك انا صافي سمحتك غير شوفي فيا عافك اماما متخلنيش تاني بوحدي عافك اماما
بقا مودة عليعا بهاد الحالة وهو اشوفها بدات كتحل عنيها بقا كيشوف فيها
جيهان غير حلات عنيها لقات وجهو فازك بدموع هزات ديك التيشورت حطاتها على جنب وشدات ليه يدو وناضت كلسات
جيهان كتشوف فيه....حبيبي عافك سمح ليا
أحاويد بقا كيشوف فيها وهو اتلاح عليها معنقها
جيهان تنهدات تنهيدة طويلة وعنقات ولدها حاسة بواحد الراحة نفس الاحساس لي حسات بيه فاش شداتو بين يديها وهو بيبي صغير ياله تزاد
شدات ليه وجهو بين يديها وكتشوف فيه
جيهان....واش صافي سمحتي ليا
أحاويد هز راسو بأه وكيشوف فيها عنيه مدمعين.....ولكن بابا لا كان هو كيكرهني بزاف
جيهان عنقاتو عندها كتسكتو وكتمسح ليه عنيه من دموع
اجاويد رفع راسو فيها.....عافك اماما متخلنيش نمشي معاه عافك هو خايب
جيهان....معمرو احلم يديك ماني مرا خرا هو لي فراقنا هاد سنين كاملة ولكن دبا مستحيل نخليه اديك تاني
اجاويد مبتاسم.....غادي نعيشو غير انا وياك ياك هو ارجع عند شريرة ديال الياقوت
جيهان بتسمات....خليه اربح بيهم امشي فحالو وينسانة عليه
اجاويد قاص ليها جبهتها.....خاصك تشربي دوا باش متمرضيش تاني فيك سخانة
جيهان معنقاه عندو وباست ليه يديه......انا صافي غير درتي ليا فوضة فازكة بهاد ليديدات بريت كون هاني
احاويد مبتاسم عاجبو الحال
ناضت من فوق النامسية شافت فالساعة لقاتها وقيتة دلعصر تنهدات واش نعسات هادشي كامل دخلات لدوش دوشات عليها وتوضات وخرجات لبسات عليها واحد الجلابة فالاحمر مخيطة فالراندة فالازرق مع شال زرق قداتو صلاة ضهر لي فاتها ومشات عند اجاويد حيدات ليه دوك لحوايج لي لابس لبسات ليه وتحد سروال فالبني مع قميجة بيضة وقدات ليه شعرو غير بشوية وعقمات ليه الجرحة لي فجمهتو وبدلات ليه ديك الفاصمة لي مدورة على راسو دارت ليها غير واحد اللصقة صغيرة وصلاة العصر وهزات صاكها وخرجو
مشات تهز سوارت ملقاتهمش
جيهان....اولي كونت خليت سوارت هنا مور الباب
جيهان.....احاويد ولدي واش مشفتيش سوارت لي كانو هنا
أجاويد....لا انا مشتهمش
تنهدات ومشات لبيتها هزات شي وحدين كانت دارت ليهم الدوبل وخرجات سدات الباب وهبطو
تلقات مع حسن
حسن شاف فيها وجها شاحب....بنتي ياك لباس
جيهان....لا والو اعمي غير عينة شوية
حسن.....اوا ابنتي قبيلة كونت جات عندك منانة ولكن ملقاتكش فين كونتي
جيهان....امتى
حسن.....قبيلة شوية كانت بغات تقوليك اجي اليوم تتعشاي معانا راه ولدنا هود راه رجع من فرنسا
جيهان....حمد الله على سلامتو اعمي ان شاء الله نجي علاش لا وقول لخالتي منانة مبروك عليكم ولدك مالي رجع ليكم من بعد هاد طولت الغيبة
حسن...شكرا ابنتي انشاء الله نقولها ليها
خرحات جيهان هو وأجاويد خرجو مشات توقف طاكسي وهو اشوف فيها اجاويد كيوريها جيهت واحد اللوطو
جيهان....شنو مالك
اجاويد.....شوفي لهيه
جيهان دورات راسها تشوف شكون وهي تشوف مجد كالس في اللوطو وكيشوف فيهم من بعيد داير نضاضر على عنيه كوحل وكاصكيط وكيشوف فيهم وعاقد غوابشتو باينة من تماك
جيهان مشات جيهتو وهي توقف عليه
جيهان طلات عليه من شرجم.......شوف نت اش هاد لفعايل اسيدي سير منهنا وسير فحالك سمعتي متبقاش تابعني وناس كتشوف
مجد دار ابتسامة استهزاء.....عاد بانو ليك الناس حتى لدابة
جيهان فهمات قصدو وهي تحمر فيه عنيها....تقدر تقول فديك لوقيتة كونت مكنفكرش بعقلي سمعتي اما دبا لا وسير فحالك حست مغادي تتصور ماني غير الريح سمعتي
مجد طلع فيها وهبط.....فين غادين
جيهان.....ماشي شغلك
أنت تقرأ
القسوة لا تنسى
غموض / إثارةستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
