البارت22
من قصة القسوة لا تنسى
بقلمي انا...... Latifa el
رجعها هود لصالون لي خدامة فيه هبطات وشافت فيه.....شكرا اخوية عمري ننسا ليك هاد المعروف لي داير معايا
هود....الله اودي على الراس والعين ختي جيهان
مشات هي دخلات وهو كسيرة ومشا لخدمتو
جيهان دخلات وهي تشوف هند جات عندها كتجري
جيهان شافت فيها.....مالشي ياك لباس
هند....ياختي اجي اجي
دخلاتها معاها للبيرو وكلساتها على الكورسي وجيهان غير كتشوف
جيهان....اولي مالكي نتي على هاد الزربة طيرتني
هند.....لميمة ماقولي ليا شكون هداك لي حا عندي البارح طيرها ماني خلعا كان كيسول عليك واصلا نتي اش هادشي درتي وعلاش جيتي ياك كونتي مشيتي مع سارة
جيهان حطات يديها على فخادها كتشوف فيها
جيهان....صراحة اهند معرفتش كيفاش غادي نشكرك والله
هند كتشوف فيها....اولي علاش اش درت انا
جيهان....من واحد الناحية شكرا ومن واحد النحية نوض نعضك من راسك
هند شدات على راسها....اولي مالكي اش واقع
جيهان.....لقيت ولدي
هند حطات يديها على قلبها.....حلفي
جيهان....والله واك لي جا عندك هو باباه
هند دارت راسها صخفات....شكوني نسخف اختي داك زين كامل باباه وكي غادي اكون ولدو اكيد كيقطر بالزين
جيهان خنزرات وبغات تنوض وهي تشدها هند وكلساتها....وتي كلسي كلسي برب فين لقيتيه
جيهان.....فنهار عرسو هاديك سارة هي لي كانت غادي تتزوج فمجد وشافني فنهار الحنة وتهرس كولش يمبقاش العرس وهزيت.ولدي وجيت بيه لداري هند....ودبا اش ديري
جيهان....رفعت دعوة الحضانة نهز ولدي ويمشي العب فشي ساحة خرا ديك لوقيتة مكيهمنيش انا
هند صغرات فيها عنيها.....زعما اجيهان مبقا بيناتكم حتى رابط اجمعكم وترجعو كي كتنو
جيهان ناضت.....مستحيل هادش ياكون انا هداك هو اكبر واحد كنكرهو فهاد الدنيا هو وعائلتي كنكرهم بزاف وانا بغيت غير ولدي صافي شي حاجة خرا مابغيتهاش
هند سكتات وجيهان خرجات مشات تكمل خدمتها
دخل لشاريكة ديالو داخل وراسو عالي ومخنزر ومكمش حجبانو دخل للبيرو ديالو وزدح الباب حتى تهز كامل
مجد ردخ ديك الورقة على المكتب وكلس شاد على راسو
مجد.....مستحيل نسمح ليك بهادشي لي باغيا ديري اجيهان مستحيل
هز لبطوب ديالو حلو وبقا كيشوف المشروع لي خدام عليه وهز شي وراق وبقا كيعمر شي ضواسة باش ادفعهم مع المشروع لي خدام عليه لشريكة يعقوب
وصل لعشية خرجات من الصالون شدات طاكسي غادية لدار وصلات خلصاتو وهبطات تمات طالعة ودازت على منانة دقات وبقات كتستناها تفتح شحال عاد فتحات ليها
جيهان.....سلام
منانة...اهلا ابنتي
جيهان....واش كان أجاويد
منانة...اه ابنتي دخلي راه وجدت اتاي نشربوه مجموعين
جيهان....لا اخلتي شكرا والله رابي اخليك
اجاويد خرج ومشا عند مو عنقها وباسها وحتى هي نفس شي لي دارت ليه
جيهان....ياك ما درتي لبسلات لخالتي منانة
منانة ضحكات....صراحة ونسني فهاد نهار ومفيهش لبسلات
أجاويد...لا اماما انا مافياش لبسلات
جيهان باستو....اخليلي ضرفات
شداتو من يدو وطلعو الفوق لدار دخلو
أجاويد....ماما علاش خلتيني بوحدي هنا
جيهان....اوا احبيبي راه كانت عندي الخدمة اليوم ضاروىي نمشي
أجاويد....واش اماما ضاروري ديما تخلني بوحدي وتمشي تخدمي
جيهان تحنات عندو وباستو...وصافي احبيبي وراه ضروري باش نخلص الماء والضوء وزيد عليها الماكلة ولباس باش نشريو بيهم
اجاويد بكل طفولة....وقولي لبابا يعطس ليك وبقاي نتس معايا
جسهان ناضت وقفات....لا ااجاويد حنا مخاصناش نعولو على شي حد سمعتي حنا خاصنا نرضو مصارفنا من عرق كتافنا ماشي اي حاجة خاصنا نميو عند شي واحد غريب علينا ونقولو ليه اعطينا
أجاويد....وراه هداك غير بابا ماشي شي واحد غريب
أنت تقرأ
القسوة لا تنسى
Детектив / Триллерستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
