القسوة لا تنسى

البارت63

البارت63
من قصة القسوة لا تنسى
بقلمي انا.... latifa el

داكشي لي دارت ناض خرجات هبطات لتحت هزات دوك لصاشيات وطلعات بيهم للبيت دخلات وسدات الباب وبقات كتشوف شنو داكشي لي جاب ليها هزات واحد لبيسة جاية طويلة وعريضة حتى لتحت الركبة مع واحد سروال توب فلكحل ولبيسة فلبيض وعندها سمطة فلكحل عجباتها وهزات لحوايج لاخرين رداتهم فالصاشيات ودارتهم فلبلكار من بعد ما جبدات حوايج داخليا ودخلات لدوش دوشات عليها مالي سلات هزات واحد الفوطة لواتها عليها وخرجات وقفات حدا النامسية باش تلبس وهي تفكر الكميرات وهي تهز دوك لحوايج بالزربة ودخلات لدوش كتجري وسدات عليها
جيهان....اولي نسيت دوك الكاميرات عنداك اكون دايرهم حتى فدوش اربي السلامة تشوهت انا تشوهت اوووف ياربي
تنهدات ولبسات عليها دغيا عاد لوات شعرها فواحد الفوطة وخرجات وقفات حدا لمراية كتنشف شعرها بشيشوار حتى نشف كامل عاد جمعاتو وقدات فولارها وخرجات عندو جاها لبس متواتي ووعر
بقات كتقلب عليه هبطات لتحت وهي تشوفو كالس فالصالون وهاز كاس قهوة كيشرب منو غير سمعها جاية دور راسو وهو اشوفها جاية جيهتو بكل انوثة كتهز فخصرها يمين وشمال مع الصمتة لي متبتة على كرشها كتبان منحوتة
مجيد ناض وقف وحنحن....احم احم انمشي نلبس ونمشيو
جيهان بقات غير كتشوف فيه وهو طلع الفوق حاس براسو غادي انفاجر  واش غادي تخرج معاه بديك الهيبة وديك الانوثة كاملة ولي اشوف فيها انسا راسو تنهد ماعندو مايدير خاصو اكلما شوية وعلى العموم هو لي ختار ليها ديك لباس بانو عارف ستايلها كي داير كيعجبها طويل وهاداك لبس المحجبات ولكن هي جا عليها انيق بزاف تنهد ودخل لدوش دوش عليه بالخف ولا نقولو طفا العافية لي شاعلة فيه من تيجاها عاد خرج لبس عليه سروال كحل مع قميجة بيضة ودار فوق منها مونطو طويل فلكحل حتى هو اما شعرو ردو للور غير بيدو خلاه هكاك سارد ولبس صباطو ورش من ريحتو وخرج عندها لقاها كتستناه.
غير شافتو خارج وهي تبعو لقاتو ركب اللوطو ركبات حداه وكسيرة هو دار نضاضرو من الشمش وغادي عاقد غوباشتو وكيشوف  غير فطريق وهي مكمشة فوق الكوسان مرا مرا تشوف فيه كتلقاه بنفس تخنزارة
حتى وقفات اللوطو بجهد هي على شوية كانت غادي تجي مزدوحة مع الكونطوار
جيهان.....اربي السلامة اش هادشي كدير
مجيد شاف فيها وحيد نضاضر وكيشوف فيها.....غادي تمشي تشوفي ولدك والى لقتي تماك مجد بلامة تهدري معاه سمعتي
جيهان....ونت واش غادي تبقة فطنوبيل
مجيد....معرفتش المهم نتي سمعي لهدرتي غادي نعطي ليك ربع ساعة وتجي.الى فتيها غادي نجي انا براسي سمعتي

جيهان...اه وخا صافي شكرا

رجع دار نضاضرو وكسيرة حتى وصل قدام دار مجد ووقف اللوطو وشاف فيها....نزلي
هي نزلات وهو شاف فساعة ورجع شاف فيها....ربع ساعة تكوني هنا
جيهان هزات راسها باه ومشات تيجاه الباب  هزات يديها دقات جوج.دقات خفاف ورجعات وقفات كتستناه افتح ليها وهي متوترة الى قال ليها فين كونتي شنو تقول ليه