البارت84
من قصة القسوة لا تنسى
بقلمي انا.... latifa el
مونية مشات كلسات حدا اجاويد كتشوف فيه وكدوز يديها على شعرو رطيطيب
مونية....شنو سمية هاد تيتز
اجاويد شافت فمو....ماما شكون هادي
جيهان بتسمات....هاديك خالتك مونية
اجاويد وقف ومد ليها يدو....مشرفين
مونية بقات غير كتشوف فيه مستغربة من هاد المعاملة المحترمة.....واو واش انا كنحلم
جيهان ضحكات عليها حيت عارفاها هبيلة......ههههه وسلمي عليه واش تخلي يد الولد هكاك فلهوى
مونية عنقاتو......ههههه انا نعنق خافتو ديالي ناري ولدتي تيتز اختي كيشبه ليك بزاف
جيهان كتهدر بفتخار.....اش حسابليك هههه
بظاو كيضحكو وميمون كيشوف فهاد جوج مسطيات عاد بان ليها الطبسيل وهي تهز الخبز وبدات كتاكل حتى شبعات وتكات على الكورسي وشافت فجيهان.....الطاجين زوين ولكن ناقصو لهريسة هههه
بدات كتضحك عليها حتى شبعات عاد بدات كتعيب
اجاويد شاف فمونية.....واش نتي هبيلة
مونية.....ههههه لا بقا ليا شوية مزال
بداو كيضحكو وناضو كيحجمعو من تماك فجو الضحك من غير فاظمة لي كالسة فالبيت وكتسمعهم كيضحكو كتتفقص
فاظمة....ضروري خاصني نخرجها من هاد دار مغاديش تبقا هنا هي اللعنة ديال هاد الدار غادي تدخل وغادي تولي الدار مخربقة كتر ما هي مخربقة
#في بلاصة خرا
كان ياله خارج من السبيطار غادي ولكارد حداه
لكارد.....مسيو راه مدام جيهان خرجات البارح من الڨيلا وحنا مقديناش نشدوها حيت مقولتي لينا والو وقالت ليك متتبعهاش ومتقلبش عليها
مجيد غير كيسمع وغادي كيشوف قدامو وكيطوي كمام القميجة
مجيد......وجدو ليا الطائرة لميلانو
الكارد....وخا اسيدي
بعد عليه لكارد ودار تصال للكارد لي غادي اتكلسو فتوجاد الطائرة وهو مشا ديريكت لڨيلا ديالو وصل من بعد مدة ديال طريق وهبط داخل نيشان لبيتو حيد عليه دوك لحوايج.ودخل لدوش خدا دوش بالخف ومقاصش راسو بالماء بسباب الجرح لي فيه خرج لاوي على نصو فوطة وفتح لبلكار وهو اشوف جيها فين كانت حاطة حوايجها ملقاهمش بتاسم ولكن في نفس الوقت قلبو تزير عليه
مجيد......بعدة كديري بالكلمة مزيان
تنهد وهز حوايجو لبس سروال وقميجة وليس فوق منها فيستة ولبس صباطو ودار ساعتو وخرج ركب اللوطو ديالو وكسيرة نيشان للمطار
هبط من اللوطو من بعد ما وصل جا عندو واحد من ليكارد رما ليه سوارت وقال.....قهوة كحلة بلا سكر
وطلع لطائرة
مشا كلس فوق واحد الكورسي وهز شي وراق كيشوف كي غادين مع الاسواق شاف الاحزم لي باع لمجد بالي بداو كيطيحو عقد غوباشتو مفاهم والو
(تذكير.....بنسبة لرقاقة دار ليه فيها مجد بالي كيكره جيهان ومكيحملهاش واما بنسبة لشاركة ديالو لي فميلانو فقاد ليه فالرقاقة بالي داروها بجوج بيهم وانه مباعهمش ليه موقابل اجاويد باش ارجعو لجيهان )
شاف لكارد جاي ليه فالقهوة هزها من عندو ونطلقات الطائرة في السماء تجاه ميلانو
كان كالس فالمكتب ديالو وكالس معاه الدكتور لي مشرف على حالت مجيد
مجد......دبا ياك الرقاقة مغاديش تأتر على حتى جانب على صحتو باش اشك بالي عندو رقاقة
دكتور.....لا اسي مجد الرقاقة غادي اعيش عادي. جدا وغادي اعيش على اساس داكشي لي سجلنا ليه فالرقاقة
مجد....مزيان ومكانش شب سبب اخر اخليه ادكر شي حاجة
دكتور.....السبب لي اخليه انه ترجع ليه الداكرة الا وان تحيدات ليه ولا خدا شي دقة فراسو يمكن تزعزع الرقاقة وتسبب ليه نزيف ولكن مغاديش ترجع الداكرة ولكن الى وقع ليه شي حادثة غادي اتخلطو ليه الذكريات ويمكن ادخل فغيبوبة مأقتة فديك لوقيتة
مجد.....وشحال الحد الاقصى لي تقد تستحمل فيه الرقاقة
دكتورة....الرقاقة كتشتحمل مدا الحيات الى متزعزعاتش ولكن الى تزعزعات كي قولت ليك كيكون خطر على حيات الشخص
مجد بتاسم....مزيان لحد الان مزيان
دكتور......دبا حاصني نمشي اسي مجد
مجد دار ليه اشارة جيهت الباب وناض خرج
اما مجد هز بيسي ديالو وبدا كيشوف فين وصلات الشريكة ديال مجيد لقاها بدات كطيح شوية بشوية
وهو ابتاسم.....نهايتك بين يديا اسي مجيد الكرطيط
أنت تقرأ
القسوة لا تنسى
Misterio / Suspensoستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
