لبارت101
من قصة القسوة لا تنسى
بقلمي.... Latifa el
دفعاتها لداخل وهي مفاهمة والو
جيهان.... ولكن شنو واقع
فاظمة زربات عليها دخلاتها لبيت
فاظمة.... زيدي لبسي شي حاجة راه الناس قربو اجيو ونتي مزال كتتسركلي فزناقي
جيهان.... شكون غادي اجي
فاظمة..... سي العالي وولدو طاهر ومراتو راهم جاين اطلبو يدك ونتي دايرة فيها هزة نفسي
جيهان.... وعلاش مقولتبهاش ليا
فاظمة.... وانا مالي سيري سربي ياله
خرجات وجرات معاها اجاويد وجيهان بقات غير كتشوف
جيهان كلسات على طرف النامسية.... اولي اشمن خطبة فهاد الوقت
تنهدات وتفكرات هدر باباها لي قال ليها وهي تنوض حيدات عليها دوك لحوايج وفتحات لبلكار كتشوف شنو غادي تلبس وهي تجبد واحد الفستان طويل جاي سامبل عندو عقيدات على صدر ومعاه واحد الصمطة لون ديالو فلبيض والصمطة فلحمر مع شال حمر وطالون حتى هو فلحمر لبساتهم وشافت راسها فلمراية كارها راسها فهاد اللحضة تنهدات وهزات لكحلة كحلات عنيها وطلعات شفارها وهزات واحد الفاغجو فلون شفايفها فغوز بارد مطات بيه شفايفها وخرجات عدنهم وهي تجرها فاظمة جيهت الكوزينة
فاظمة.... زيدي هازي لبلاطو ديال اتاي
جيهان.... فين هو اجاويد
فاظمة.... زيدي ماشي شغلك فيه دبا زيدي ديري هادشي لي دنقوليك
شافت فيها مخنزرة ماماشات فين تهدر وهو ادخل ميمون
ميمون... اوا ياله راه ناس من صباح وهما كيستناو
جيهان شافت فيه مهدرات متكلمات هزات ديك لبلاطة وزادت داخلة بيه لصلون كلها تقة فالنفس (جهان مجاهاش داك الاحساس ديال التوتر لي كيجي اي وحدة فاش كتبغي تدخل على عائلة عريسها ولكن كتكون هي راضية بيه ماشي بحال جيهان لي مرضياش على هاد العرس ولاو ٪1 مرضياش بيه نهائيا داكشي علاش مجاها حتى مشاعير من هادشي لي هي فيه)
دخلات حطات لبلاطو على الطابلة وطلعات عنيها فالحظور كانو غير العائلة وجيران لقراب قلبات بعنيها على اجاويد لقاتو كالس حدا ميمون وساكت باينة كلسوه تماك باش اتحكم فيه ميمون
ميمون ببتسامة صفرة.... بنيت سلمي على عائلة
جيهان شافت فيه وتمات غادية مدات يديها لام طاهر والاب طاهر ملي جاو معاه مالي وصلات الطاهر شافت فيه ومدات ليه يديها وتمات غادية تكلس جيهت الباب
فاظمة نقزات.... بنتي اجي كلسي هنا حدا خطيبك
جيهان شافت فيها وتمات غادية جيهتو هو غيرىشافها جاية كحز شوية خلا ليها بلاصة كلسات هي محملاش راسها تكلس حداه وهي مقبلاه مراضية بيه
العالي..... اوا يا سيادنا اليوم حنا جينا باش نفرحو بلوليدات ونديرو ليهم الخطبة مدام بنتك اسي ميمون قابلة بزواج بولدنا ومع دالك قولنا نديرو كولشي قدام الناس وكولشي راسمي باش اعرف كولشي بالي هما لبعضياتهم
ميمون ببتسامة..... اوا على الراس والعين اسي العالي
أنت تقرأ
القسوة لا تنسى
Mystery / Thrillerستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
